Nengeulaula 20:10 - Manobo Western Bukidnon

¹⁰ Ne mibeyaan ni Pablo ne midlengkevan din ne migkepkepan din. “Kenè kew meseeng,” ke si Pablo, “su neuyag en.”

Nengeulaula 20:10 Кръстосани препратки

Marcos 5:39

Ne midseled ensi Jesus dutun te valey ne migkeg̵iyan din sikandan te, “Maan is egkengeg̵isaweg kew? Maan is ebpemenineg̵ew kew? Wazà mebpatey heeyan is batà, kekenà, midlipezeng!”

Lucas 7:13

Ne is Nengazen he si Jesus, hein neehè din haazà is bahi he edsineg̵ew ne midtavang is gehinawa zin ne migkeg̵iyan din haazà is bahi te, “Ayà, kenè ka sineg̵ew.”

Juan 11:11

Ne mid-uman megkag̵i si Jesus te, “Nekelipezeng en is emig̵u tew he si Lazaro. Umba edhendiyà a te kandin su wey ku sikandin mepukew.”

Juan 11:40

Ne migkag̵i ziyà te kandin si Jesus te, “Migkag̵i ku en kenikew he ke edtuu ka, egkeehè nu is utew igkeventug̵a te Megbevayà.”

Nengeulaula 20:9

Ne zuen kenakan he si Yutiku he ziyà ebpimpinuu te sulawà dutun te iketelu he endanas. Ne g̵eina te melug̵ayad is kedwali ni Pablo, ne utew nekelipezeng. Hein neug̵et wazè din en maantus is kebpekelipezeng din ne neulug diyà te tanà. Ne hein mibitbit dan, minatey en.