Nengeulaula 20:1 - Manobo Western Bukidnon

¹ Ne si Pablo, hein mid-engked is menge etew he edsinamuk, midtig̵um din is menge sumusundan. Midweliyan din sikandan su wey meheg̵et is kedtuu zan ne impesavut din he edhipanew en sikandin. Ne migenat ne midlikù diyà te prubinsya he Mesidunya.

Nengeulaula 20:1 Кръстосани препратки

Nengeulaula 11:26

Ne hein neturedu zin, miduma zin diyà te Entiyukya. Ne seled te sengetuig, diyè dan is dezuwa med-amur te menge tumutuu ziyà te Entiyukya ne mezakel is mibpemenurù dan. Ne ziyà te Entiyukya, sikan is menge sumusundan, aney en gerari he menge Kristiyanus.

Nengeulaula 16:12

Ne midrenè key zutun ne mid-uzahik key ne nekeuma key ziyà te inged he Pilipus he ziyà te aney en he distritu te prubinsya he Mesidunya. Ne zutun te inged he Pilipus, ne mezakel is menge Rumanu he umuuliey. Ne nepipira key he andew zutun te inged he Pilipus.

Nengeulaula 16:9

Ne si Pablo, te mezukilem dutun, duen impaahà kandin te Megbevayà. Neehè din is iring te etew he tigMesidunya he edhangyù kandin te, “Laus kew en dini te Mesidunya su wey key keniyu metevangi.”

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

Nengeulaula 20:10

Ne mibeyaan ni Pablo ne midlengkevan din ne migkepkepan din. “Kenè kew meseeng,” ke si Pablo, “su neuyag en.”

Nengeulaula 20:2

Ne mid-eneb din is menge inged dutun ne mibpurungan din weliyi is menge tumutuu zutun te kedheg̵eta zin te kedtuu zan. Ne zutun midlaus diyà te Gerisya.

Nengeulaula 20:3

Ne zutun sikandin med-ubpà taman te tetelu he vulan. Ne zutun neisip din he ed-untud te barku su edhendiyà te Sirya, ne neisip daan dutun te menge Hudiyu he edekepen dan sikandin dutun te kegenat din, umba, nahalin is gehinawa zin su neisip din maan he edlikù diyà te imbayè din pehendiyà te Mesidunya.

Nengeulaula 20:37

Ne mibpenig̵is is luhè dan te menge tumutuu ne migkepkepan dan si Pablo ne midhezekan dan.

Ruma 15:19

pinaag̵i te menge singyal wey egkein-inuwan wey pinaag̵i zaan te g̵ehem te Wag̵as he Mulin-ulin. Midhipanew a puun diyà te inged he Hiruselim pehendiyà te inged he Iliriku ne mibpurungan ku te ebpesavut is Meupiya he Tudtulanen te keag̵i ni Kristu.

Ruma 16:16

Ne sikiyu is langun diyan, emun edtig̵um kew pelimlimuey kew te uman sevaha keniyu. Ebpengemusta keniyu is menge tumutuu te langun he menge inged dini.

1 Kurintu 16:20

Is langun he menge tumutuu he menge zuma ku kayi, ne ebpengemusta zan daan keniyu. Ne sikiyu zaan diyan, ne mebpelimlimuey kew.

1 Kurintu 16:5

Edhendiyan a te Kurintu emun egketapus ku is tuyù ku ziyà te prubinsya he Mesidunya su egkeisip ku he ziyà a ebayà te Mesidunya.

2 Kurintu 13:12

Mebpelimlimuey kew he iyan tuus he teltelesuled kew tenged te kedtuu niw.

2 Kurintu 7:5

Ne hein nekeuma key en dini te prubinsya he Mesidunya, wazè key g̵ihapun meewai te menge seeng dey. Su nereg̵enan key te mezakel he samuk. Mibpekidtebek kenami is menge kuntada zey ne ingkeipeng dey is menge tumutuu.

1 Tiselunika 5:26

Pengemustaha niw te limù is langun he menge suled tew ziyan.

1 Timoteo 1:3

Ed-umanan ku egkeg̵iya kenikew is sambag ku hein mid-awà a ziyan pehendiyà te Mesidunya. Iyan is: kenè ka med-awà diyan te Ipisu. Iyan idsembag̵i ku kenikew su zuen menge etew ziyan he kinahanglan he zewaya nu. Dewaya nu he med-engked dan te kebpenurù te menge sayep he tuluuwen