Nengeulaula 2:45 - Manobo Western Bukidnon

⁴⁵ Imbelegyè dan is menge azen dan wey menge tanà ne is halin dutun, ne mibpenalad dan diyà te langun he menge zuma zan sumalà is kinahanglan te kada sevaha.

Nengeulaula 2:45 Кръстосани препратки

Mateo 19:21

Ne migkag̵i si Jesus te, “Emun edheg̵eten nu pa, ulì ka ne ivelegyè nu is langun he menge azen nu, ne is halin, ibpemeg̵ey nu ziyà te menge egkengeayuayu, ne edsepian ka ziyà te langit. Ne ke egkeipus nu heeyan likù ka zini wey ka mekesundan kediey.”

Lucas 16:9

Umba,” ke si Jesus, “egkeg̵iyen ku keniyu he g̵emita niw is ketig̵eyunan niw zini te kelibutan wey metevangi is egkengeayuayu ne emun egkeuma haazà is timpu keuzemà he kenè niw en egkeg̵amit is menge azen niw, edsuhulan kew te Megbevayà diyà te langit.

Lucas 18:22

Ne hein nezineg ni Jesus haazà, migkeg̵iyan din te, “Duen nu pa kurang; iyan is: ulì ka ne ivelegyè nu is langun he azen nu, ne is halin, ipemeg̵ey nu ziyà te egkengeayuayu ne edsepian ka ziyà te langit. Ne ke egkeipus nu heeyan, likù ka zini wey ka mekesundan kediey.”

Lucas 19:8

Ne si Sekiyu, hein nekeuma zan engki Jesus diyà te valey zin ne midhitindeg sikandin is egkag̵i te, “Ibeg̵ey ku is ketengà kayi te ketig̵eyunan ku ziyà te menge ayuayu. Ne minsan hentei he etew he nelimbungan ku zengan, ne id-ulì ku ziyà te kandin is keheepat egketakep haazà is nekuwa ku.”

Nengeulaula 11:29

Ne tenged dutun neuyun is menge sumusundan diyà te Entiyukya he ed-emutè dan te selapì. Ne mebeg̵ey is kada sevaha sumalà is egkehimu zin wey zan metevangi is menge egkengeayuayu he menge zuma zan he menge tumutuu ziyà te prubinsya he Hudiya.

Nengeulaula 4:34

Ne is minsan hentei kandan, kenà edlised te minsan hengkey su is duma zan he zuen din tanà wey ke valey ve, ibelegyè din

Nengeulaula 4:35

ne ibeg̵ey zin is halin dutun diyà te menge epustul ne ebeg̵ayan te menge epustul is minsan hentei he edlised.

2 Kurintu 9:1

Wazà kinahanglan he idsurat ku keniyu ke hengkey is hustu he ed-ul-ulahan niw te kedtavang te menge tumutuu he egkengeayuayu

2 Kurintu 9:9

Ne zuen insurat he Lalag te Megbevayà he edhenduen te, “Layun dekelà is ibeg̵ey te Megbevayà diyà te egkengeayuayu ne kenà egkelipatan te wazà pidtemanan is ketulanged din.”

1 Juan 3:17

Ke zuen minsan hentei kenitew he egkehimu he edtevangan din is duma zin he edlised, iyan, kenè din edtevangan, kenà egkehimu he mahal ziyà te g̵ehinawa zin is Megbevayà.