Nengeulaula 2:40 - Manobo Western Bukidnon

⁴⁰ Ne mezakel he menge ketezengan is insambag ni Pedro kandan, ke sikandin te, “Likayi niw is limas te Megbevayà kayi te menge etew g̵untaan he memezaat is ulaula.”

Nengeulaula 2:40 Кръстосани препратки

Mateo 12:34

Iring din ded daan kayi te keniyu. Wazà meupiya he egkekag̵i niw su memezaat is ulaula niw. Iring kew te menge uled su ebpekekaid kew! Is diyà te g̵ehinawa te etew, iyan edlepew ziyà te vèbè din.

Mateo 16:4

Sikiyu is menge etew g̵untaan, utew kew mezaat; wazè en diyà te g̵ehinawa niw is kebmahala te Megbevayà! Maan is ed-ehè kew te singyal? Iyan dà singyal he ibpaahà keniyu is iring duen te singyal he neulaula zuen te tipehuna he si Jonas.” Ne zutun mid-ewaan din sikandan.

Mateo 17:17

Ne zutun migkag̵i si Jesus te, “Sikiyu is menge etew g̵untaan, utew zekelà is menge sayep niw! Wazè niw iyan kedtuu! Utew ves egkeug̵et is kebpekiduma ku keniyu! Utew ves egkeug̵et is kebpekeantus ku keniyu ne human kew edtuu! Ihengkayi niw heeyan is batà.”

Mateo 23:33

Iring kew te menge uled wey menge anak te uled su utew mezaat is ulaula niw. Ebmenmenuwen niw te kedlikey is silut keniyu ziyà te Impirnu?

Marcos 8:38

Is minsan hentei he igkeeled e zin wey igkeeled din is ibpenurù ku kayi te timpu he mezakel is menge etew he lalung wey edsumpalit te Megbevayà, siak is Kakey te Menusiyà, igkeeled ku zaan sikandin keuzemà ke edlikù a he edumahan a te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà.”

Lucas 16:28

su zuen lelima he hazi ku he maama. Ne kinahanglan he metueni zan he zaan wey zan kenà mekehendini te ubpeey te ebpenresayen.’

Lucas 21:36

Umba, mebpekevantey kew, ne layun kew ampù, su pinaag̵i zà te ked-ampù ne edlig-enan kew te Megbevayà ne kenè kew egkekeizan kayi te langun he egkengeseg̵azan niw, ne human kenè kew zutun egkeeled ke ebpekeetuvang kew kedì,” ke si Jesus.

Juan 21:25

Mezakel pa is mid-ulaula ni Jesus. Emun idsurat id-amin ne minsan is tivuuk he kelibutan, kenè pa ereg he egketeg̵uan te menge libru he edsuratan dutun.

Nengeulaula 10:42

Ne insug̵ù din kenami he ipesavut dey te menge etew is Lalag te Megbevayà. Insug̵ù daan ni Jesus he ibpesavut dey he iyan sikandin sikan is intezù te Megbevayà he edsusi keuzemà te menge nengeulaula te menge etew he uuyag pa wey minsan is nemematey en.

Nengeulaula 15:32

Ne si Hudas wey si Silas, ebpeneuven sikandan te Megbevayà, ne neug̵et is kebpekidlalag dan te menge tumutuu su midsembag̵an dan su wey meheg̵et is kezesen te kedtuu zan.

Nengeulaula 20:11

Ne mibpemenahik maan si Pablo ne migkuwa te egkeenen ne migkaan. Ne neug̵et pa is kebpekidlalag din kandan, ne hein nepawà migenat.

Nengeulaula 20:2

Ne mid-eneb din is menge inged dutun ne mibpurungan din weliyi is menge tumutuu zutun te kedheg̵eta zin te kedtuu zan. Ne zutun midlaus diyà te Gerisya.

Nengeulaula 20:21

Hudiyu se kenà Hudiyu, ne wazè ku impelavi su pudu ku midweliyi he kinahanglan he edtumanen dan is ebpeveelan kandan te Megbevayà he iniyug̵i zan is menge mezaat he ulaula zan ne medtuu zan te Nengazen tew he si Jesus.

Nengeulaula 20:24

Iyan, kenè ku en egkenug̵unan heini is untung ku zini te kelibutan su wey ku mepasad is ebpeveelan kedì te Nengazen tew he si Jesus he iyan is kedsengyawa te Meupiya he Tudtulanen te g̵ag̵ew kenitew te Megbevayà.

Nengeulaula 20:9

Ne zuen kenakan he si Yutiku he ziyà ebpimpinuu te sulawà dutun te iketelu he endanas. Ne g̵eina te melug̵ayad is kedwali ni Pablo, ne utew nekelipezeng. Hein neug̵et wazè din en maantus is kebpekelipezeng din ne neulug diyà te tanà. Ne hein mibitbit dan, minatey en.

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

Nengeulaula 4:36

Ne zuen duma zan he tigSipru he Hudiyu zaan he kevuwazan duen te tipehuna he si Levi. Iyan ngazan din si Jose ne migeraran te menge epustul ki Bernabe he ke và dà egkeg̵iya, ebpekeveg̵ey te kezesen te kedtuu.

2 Kurintu 5:20

Umba midsug̵ù key ni Kristu su wey pinaag̵i kenami ebpekehangyù keniyu is Megbevayà. Ne tenged ki Kristu edhengyuan dey zaan sikiyu he itug̵ut niw he himuwa kew te Megbevayà he menge emig̵u zin.

2 Kurintu 6:17

Ne tenged kayi migkag̵i zaan is Megbevayà te, “Suwayi niw is ebpemen-azap te kenà tutuu he ed-ezapen ne sivey kew kandan. Engkezi niw is minsan hengkey he meremerik he ulaula ne edewaten ku sikiyu.

Gelasya 5:3

Ne kenà duen dà taman su tutuu iyan he ke zuen minsan hentei he kunaan din ke ebpulus kandin is kebpesirkunsidar, kinahanglan daan he ebpurungan din te edtuman is minsan hengkey he sug̵ù dutun te tivuuk he kesug̵uan.

Ipisu 4:17

Tenged te sug̵ù a te Nengazen, ebpeketelteleenan ku sikiyu he engkezi niw en is menge mezaat he ulaula he iyan ed-ul-ulahan te menge etew he kenà edtuu te Nengazen wey wazà pulus te ed-isipen dan.

Pilipus 2:15

Ne zutun, wazà mezaat diyan te keniyu su meupiya is ulaula niw su menge anak kew te Megbevayà he wazà igkesewayi zin keniyu, minsan te zini kew pa mekeubpà te kelibutan te teliwazà te lalung he menge etew he kenà memetazeng is menge ulaula. Iring kew te menge sulù

1 Tiselunika 2:11

Netuenan niw he is mid-ulaula zey ziyà te kada sevaha keniyu, ne meupiya su iring te ed-ul-ulahan te amey ziyà te menge anak din.

1 Timoteo 4:16

Purungi nu susiya is kenikew he ulaula wey is kebpenurù nu. Su emun edhemenan nu heini kenà iyan ke zà is egkelibri te silut, kekenà, pinaag̵i kenikew egkehimu he egkelibri zaan is menge etew he ebpememineg te ibpenurù nu.

1 Pedro 5:12

Mid-ug̵upan a ni Silvanu te edsurat kayi. Suled tew sikandin he utew egkeserig̵i. Iyan insurati ku keniyu kayi su wey ku meheg̵et is kedtuu niw. Ibpesavut ku keniyu he impenurù ku en keniyu he tutuu is gag̵ew te Megbevayà keniyu. Ne kenè niw heini lipati.