Nengeulaula 2:28 - Manobo Western Bukidnon

²⁸ Impeehè nu kediey sikan is ibayà pehendiyà te untung he wazà pidtemanan. Emun layun ka zuma ku, utew zekelà is kediey he kelipey.’ Iyan heini kes netagnà ni David he lalag ni Jesus.”

Nengeulaula 2:28 Кръстосани препратки

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

Nengeulaula 2:27

su netuenan ku he kenè nu ebpesegdanen is gimukud ku ziyà te Iveyaan. Siak is metinumanen he sulug̵uen nu, netuenan ku zaan he kenè nu idtug̵ut he meredak is lawa ku.

Nengeulaula 2:29

Ne impelaus ni Pedro haazà is egkeg̵iyen din, ke sikandin te, “Menge suled ku, netuenan tew he sikan is tipehuna he hadì tew he si David dengan, neug̵et en he minatey wey inleveng ne wazè pa mahanew is leveng din.

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.