Nengeulaula 2:20 - Manobo Western Bukidnon

²⁰ Siak is Nengazen, te kenè pa keuzemà egkeuma is nevantug he andew te kedsiluti ku te menusiyà, ebmerusirem is andew ne ebmerig̵à is bulan he iring te lengesa.

Nengeulaula 2:20 Кръстосани препратки

Mateo 24:29

Ne emun egkeiwas haazà is timpu te kemeresayan, kenè en edsilà is andew ne kenè en daan ed-anlag is bulan. Egkengeulug is menge vituen diyà te langit, ne egkengewaleng is menge kedesenan diyà te hewhewanan.

Mateo 27:45

Ne te neudtu en is andew zutun, midtik-ew mebmerusirem is tivuuk he kelibutan seled te menge tetelu he uras.

Marcos 13:24

Ne emun egkeiwas haazà is timpu te kemeresayan, kenè en edsilà is andew ne kenè en daan ed-anlag is bulan.

Lucas 21:25

Ne zutun duen egkeehè niw he singyal ziyà te andew, vulan, wey menge vituen. Ne zini te kelibutan ne ebpekehuyab is gehinawa te tivuuk he menusiyà su egkezineg dan dutun is utew subra he kedselenuhug te zag̵at wey ebpemeteltelukuney he menge zezekelà he vag̵el.

Nengeulaula 2:19

Ne zuen menge egkengein-inuwan he singyal he ibpeehè ku ziyà te langit wey ziyan daan te lumpad. Egkeahà is lengesa wey hapuy wey zekelà he evel.

Nengeulaula 2:21

Ne zutun he timpu, is minsan hentei he ebpehizuhizu kediey te Nengazen, edlibriyen ku sikandin te silut.” ’ ”

1 Kurintu 5:5

engkezi niw sikandin, ne iveg̵ey niw sikandin diyà te ki Setanas su wey mezeeti is lawa zin ne human egkelibri is gimukid din te silut te Megbevayà keuzemà te andew te kedsusi te Nengazen tew he si Jesus.

1 Tiselunika 5:2

Su netuenan niw en he iring te tekawen he ebpekeuma ke mezukilem is kegketuman te andew te kedlimas te Nengazen, su egketingkemed is menusiyà.

2 Pedro 3:10

Ne minsan pa zutun, edtumanen gihapun te Megbevayà is kedlimasa zin te kelibutan. Egketik-awan is menusiyà he iring te kegketik-awi kandan te tekawen. Dutun he andew egkezineg is kerekatak ne egkehanew is langit. Egkeg̵evà ne egkeamin egketutung is minsan hengkey. Egkevinsulan is tivuuk he kelibutan wey is langun he tag̵ù din.

2 Pedro 3:7

Ne haazà is Lalag te Megbevayà he iyan inlimbag din dengan, pinaag̵i zutun midteg̵enahan din en is langit wey tanà su wey melimas din te hapuy keuzemà dutun te andew te kedsusiya zin wey kedsiluti zin te menge etew he wazè dan kedtahud kandin.

Impezayag 16:8

Ne zutun haazà is ikeepat he velinsug̵uen, mid-ulaan din diyà te andew is lediyà he ziyà te kandin. Ne haazà, nehimu is andew he ebpeketutung te menusiyà.

Impezayag 6:12

Ne neehè ku he id-awà dutun te nati he kerehidu is ikeenem he tiyap dutun te velesahan. Ne zutun midlinug he utew mezesen ne mibmeitem is andew ne henduen be te manggad he saku he meitem utew. Ne mibmerig̵à is bulan he iring te lengesa.