Nengeulaula 19:34 - Manobo Western Bukidnon

³⁴ Iyan, hein netuenan dan he Hudiyu sikandin, mibpememensag dan med-uman te, “Lavew si Diana he edsimbahan tew te tig-Ipisu.” Ne seled te zezuwa he uras is kepememensag dan dutun.

Nengeulaula 19:34 Кръстосани препратки

Mateo 6:7

Emun ed-ampù kew kenè niw g̵emita is mezakel he menge lalag he wazà menge pulus su iyan heini ulaula te menge etew he wazà med-azap te tutuu he Megbevayà. Iyan diyà te g̵ehinawa zan is: ebpemineg̵en te Megbevayà is ked-ampù dan emun utew melug̵ayad.

Nengeulaula 16:20

Ne hein diyè dan en, impeetuvang dan te menge upisyal he Rumanu ne ke sikandan te, “Heini he menge etew, menge Hudiyu sikandan ne ebaal zan te samuk kayi te inged tew.

Nengeulaula 19:24

Duen dutun etew he pandey he egngezanan ki Dimitriyu. Ne zekelà is genansya te menge sinuhulen din te kebpemaal te menge zeisek he pemuhatà he pelata he idtahud te ziwata zan he si Diana.

Nengeulaula 19:26

Siguradu neehè niw wey nezineg niw en is ebeelan kayi te etew he egngezanan ki Pablo. Egkeg̵iyen din he is menge ziwata he ebeelan te etew, kenà hustu he ed-ezapen. Mezakel is menge etew he nemeketuu te egkeg̵iyen din ne kenà dini zà te inged tew he Ipisu, kekenà, te tivuuk he prubinsya tew he Asya.

Nengeulaula 19:28

Ne zutun hein nezineg haazà te mezakel he nengetig̵um dutun he menge etew, utew zan nengepauk engki Pablo ne mibpememensag dan te, “Lavew si Diana, is edsimbahan tew te menge tig-Ipisu!”

Nengeulaula 19:33

Kunaan te zuma ke iyan si Alejandro nekesalà su maan is impeetuvang sikandin te menge Hudiyu. Ne si Alejandro, imbayew zin is belad din he tuus te zuen egkeg̵iyen din he ketezengan dutun te menge etew.

Nengeulaula 19:35

Ne hein neug̵et en, is sikritaryu zutun te inged dan, ingkepeengked din haazà is kedsinamuk te menge etew. Ke sikandin te, “Menge zuma ku he tig-Ipisu, netuenan en te minsan hentei he sikitew is menge tig-Ipisu, insarig kenitew is simbahan te lavew he ziwata he si Diana wey is edselilayen he vatu he neulug he ebpuun te langit.

Ruma 2:22

Ibpenurù niw he mezaat is kegkevuta ta te kenè ta esawa, iyan, egkevuten niw is kenè niw esawa! Utew niw igkeepes is ledawan he ed-ezapen te kenà Hudiyu, iyan, edseled kew zutun te valey he zutun ed-ezapa is menge ledawan wey kew mekepenakew.

Impezayag 13:4

Ne is tivuuk he menusiyà, ed-ezapen dan haazà is deragun tenged te kebeg̵aya zin te keg̵ehem din dutun te langgam he utew mekehandekhandek. Ne mid-azap dan daan haazà is langgam, ne ke sikandan te, “Wazà ebpekelavew te langgam; ne wazà daan ebpekesukul kandin.”