Nengeulaula 19:29 - Manobo Western Bukidnon

²⁹ Ne zutun nekeeneb is samuk te tivuuk he inged. Ne haazà is dezuwa he zuma ni Pablo, si Gayu wey si Eristarku he menge tigMesidunya, midakep sikandan te menge etew ne migègaanan dan uwita ziyà te tig̵umanan te menge etew.

Nengeulaula 19:29 Кръстосани препратки

Nengeulaula 13:5

Ne hein nekezunggù dan diyà te inged he Selemina, impesavut dan dutun is Lalag te Megbevayà diyà te menge simbahan te menge Hudiyu. Iyan duma zan he edtavang kandan si Juan, kes ed-umawen ki Marcos.

Nengeulaula 16:12

Ne midrenè key zutun ne mid-uzahik key ne nekeuma key ziyà te inged he Pilipus he ziyà te aney en he distritu te prubinsya he Mesidunya. Ne zutun te inged he Pilipus, ne mezakel is menge Rumanu he umuuliey. Ne nepipira key he andew zutun te inged he Pilipus.

Nengeulaula 16:9

Ne si Pablo, te mezukilem dutun, duen impaahà kandin te Megbevayà. Neehè din is iring te etew he tigMesidunya he edhangyù kandin te, “Laus kew en dini te Mesidunya su wey key keniyu metevangi.”

Nengeulaula 17:8

Ne hein nezineg haazà dutun te menge upisyal wey menge etew, ne mibmezaat utew is gehinawa zan.

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

Nengeulaula 19:22

Ne zutun, impehuna zin diyà te Mesidunya is dezuwa he timbang din te ebaal te ebpeveelan te Megbevayà he si Timoteo wey si Irastu. Asal mibpetag̵ak dè pa sikandin diyà te prubinsya he Asya.

Nengeulaula 19:32

Ne is menge etew zutun te tig̵umanan, utew midekelà is kedsinamuk dan. Ebpeked-iilis-ilis dà is ebpememensag he kenà ebpeked-iiring is ibensag dan. Deisey zà he menge etew is netau zutun te hitavù he ingketig̵um dan.

Nengeulaula 20:34

Netuenan niw he mibpenigudu a medterebahu wey ku mekuwa is menge kinahanglan dey te menge zuma ku.

Nengeulaula 20:4

Ne zuen tigBiriya, si Supatir he anak ni Piru he nekezuma kandin. Elin daan miduma si Eristarku wey si Sigundu he menge tigTiselunika, si Gayu he tigDirbi, wey si Timoteo, si Tikiku wey si Trupimu he menge tig-Asya.

Nengeulaula 21:30

Ne ingkepauk haazà te langun he meg̵inged dutun te Hiruselim ne nengevurun dan ne migewezan dan si Pablo, ne miguyud dan sikandin pehendiyà te g̵awas dutun te simbahan ne midlekevan dan haazà is simbahan.

Nengeulaula 21:38

Kenè ke ve iyan kes tig-Ihiptu he malù en neug̵et guntaan he midsukul te gubirnu ne mibpengulu te heepat he libu he menge tulisan diyà te tanà he kenà ed-ubpaan te etew?”

Nengeulaula 27:2

Ne ziyà te Sisarya zuen barku he tig-Edremityu he edhendiyà te menge inged diyà te prubinsya he Asya. Ne mid-untud key ne migenat key. Is duma zey, ne iyan si Eristarku he tigTiselunika ziyà te prubinsya he Mesidunya.

Ruma 16:23

Ebpengemusta zaan keniyu si Gayu. Siak si Pablo, kayi a ed-ubpà te valey zin ne zini edsimba is menge tumutuu kayi te inged. Is Trisuriru kayi te inged he si Irastu wey is suled tew te kedtuu he si Kuwartu, ebpengemusta zan keniyu.

1 Kurintu 1:14

Utew zekelà is kebpeselemati ku te Megbevayà su iyan ku zà nebewtismuwan diyan si Crispo wey si Gayu.

1 Kurintu 4:9

Umba egkekag̵i ku heini su sikami is menge epustul, midhimu te Megbevayà he iyan key menge etew he utew minus is pid-etawan din. Iring key te menge pirisu he edhimetayan he ebentayan te langun he menge linimbag, wey te tivuuk he menusiyà, wey te langun he menge velinsug̵uen te Megbevayà he ebpemuun te langit.

2 Kurintu 8:19

Ne kenà duen dà taman su nepilì sikandin te menge gurupu te menge tumutuu zini he iyan eduma kenami zutun te kedhated dey kayi te idtavang diyà te egkengeayuayu. Umba iyan key edhated su wey mevantug is Nengazen ne wey zaan metueni he utew key egkesuat he edtavang.

Kulusas 4:10

Ebpengemusta keniyu si Eristarku he zuma ku he pirisu. Si Marcos, is id-ag̵ew ni Bernabe, ne ebpengemusta zaan keniyu. Gelg̵elawa niw sikandin emun ebpekeuma ziyan. Netuenan niw en is intelaan ku keniyu mehitenged kandin.

Pilimun 1:24

Ebpengemusta zaan keniyu ensi Marcos, si Eristarku, si Dimas, wey si Lucas. Menge timbang ku sikandan kayi te ebpeveelan te Megbevayà.

3 Juan 1:1

Siak is meg̵urang, ebpesuratan ku sikew, Gayu, is emig̵u ku he utew ku minahal.