Nengeulaula 19:22 - Manobo Western Bukidnon

²² Ne zutun, impehuna zin diyà te Mesidunya is dezuwa he timbang din te ebaal te ebpeveelan te Megbevayà he si Timoteo wey si Irastu. Asal mibpetag̵ak dè pa sikandin diyà te prubinsya he Asya.

Nengeulaula 19:22 Кръстосани препратки

Nengeulaula 13:5

Ne hein nekezunggù dan diyà te inged he Selemina, impesavut dan dutun is Lalag te Megbevayà diyà te menge simbahan te menge Hudiyu. Iyan duma zan he edtavang kandan si Juan, kes ed-umawen ki Marcos.

Nengeulaula 16:1

Ne midlaus ensi Pablo ziyà te menge inged he Dirbi wey Listera. Ne zuen sumusundan ni Jesus he meg̵inged dutun he egngezanan ki Timoteo. Is iney zin, ne Hudiyu he tumutuu zaan, asal is amey zin ne Gerisyahanen.

Nengeulaula 16:3

Egkesuat si Pablo he edumahan din si Timoteo ne tenged dutun midsirkunsidar zin. Iyan insirkunsidara zin ki Timoteo su wey kenà meepesi si Timoteo te menge Hudiyu he ziyà te menge inged he ibayè dan, su is langun he menge Hudiyu zutun, netuenan dan he Gerisyahanen is amey ni Timoteo.

Nengeulaula 18:5

Ne hein nekeuma si Silas wey si Timoteo is ebpuun te Mesidunya, wazà duma he vaal ni Pablo, kekenà, iyan dà is kebpesevuta zin te Lalag te Megbevayà su ibpeehè din te menge Hudiyu he tutuu iyan he iyan si Jesus sikan is mibpilì te Megbevayà he ibpahadì.

Nengeulaula 19:10

Ne seled te zezuwa he tuig iyan haazà mid-ulaula zan, ne insangyew is Lalag te Nengazen diyà te langun he menge Hudiyu wey se kenà Hudiyu he menge meg̵inged dutun te prubinsya he Asya.

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

Nengeulaula 19:29

Ne zutun nekeeneb is samuk te tivuuk he inged. Ne haazà is dezuwa he zuma ni Pablo, si Gayu wey si Eristarku he menge tigMesidunya, midakep sikandan te menge etew ne migègaanan dan uwita ziyà te tig̵umanan te menge etew.

Nengeulaula 20:1

Ne si Pablo, hein mid-engked is menge etew he edsinamuk, midtig̵um din is menge sumusundan. Midweliyan din sikandan su wey meheg̵et is kedtuu zan ne impesavut din he edhipanew en sikandin. Ne migenat ne midlikù diyà te prubinsya he Mesidunya.

Nengeulaula 20:34

Netuenan niw he mibpenigudu a medterebahu wey ku mekuwa is menge kinahanglan dey te menge zuma ku.

Ruma 16:23

Ebpengemusta zaan keniyu si Gayu. Siak si Pablo, kayi a ed-ubpà te valey zin ne zini edsimba is menge tumutuu kayi te inged. Is Trisuriru kayi te inged he si Irastu wey is suled tew te kedtuu he si Kuwartu, ebpengemusta zan keniyu.

2 Kurintu 1:16

su iyan pezem dini te isip ku is: edtuluy a ziyan ke edhendiyà a te Mesidunya ne emun ed-ulì a ne edtuluy e zed maan diyan te keniyu su wey a zaan metevangi keniyu zutun te kedhendiyè ku te prubinsya he Hudiya.

2 Kurintu 11:9

Ne hein diyan a te keniyu ke zuen kinahanglan ku he selapì, wazè ku vuyua ziyan te keniyu su is menge suled tew he ebpuun diyà te prubinsya he Mesidunya, imbeg̵ey zan kedì is minsan hengkey he egkinehenglanen ku. Sikiyu is tigGerisya, wazè ku pa sikiyu vuyui te igkeuyag ku, ne kenà daan egkehimu he ebuyù a ziyan te keniyu te minsan keenu he timpu.

2 Kurintu 2:13

Iyan, utew zutun nesemuki is gehinawa ku su kenè ku egketuredu is suled tew he si Tito. Ne tenged kayi, mid-ewaan ku is menge tumutuu he meg̵inged dutun ne midlaus a ziyà te prubinsya he Mesidunya.

2 Kurintu 8:1

Egkesuatan dey, menge suled, he metueni niw ke hengkey is nehimu tenged te g̵ag̵ew te Megbevayà diyà te menge tumutuu ziyà te Mesidunya.

2 Kurintu 8:19

Ne kenà duen dà taman su nepilì sikandin te menge gurupu te menge tumutuu zini he iyan eduma kenami zutun te kedhated dey kayi te idtavang diyà te egkengeayuayu. Umba iyan key edhated su wey mevantug is Nengazen ne wey zaan metueni he utew key egkesuat he edtavang.

1 Tiselunika 1:8

Ebpuun diyan nekeeneb is Lalag te Nengazen, kenà diyan dà te prubinsya he Mesidunya wey ziyà te prubinsya he Gerisya, kekenà, is menge etew ziyà te minsan hendei, nezineg dan is tudtul mehitenged te kedtuu niw te Megbevayà. Wazè en kinahanglan he ibpenudtul zey pa ziyà te menge etew is kedtuu niw.

2 Timoteo 4:20

Mibpetag̵ak si Irastu ziyà te Kurintu ne intag̵ak ku si Trupimu ziyà te Militu su nezeruwan.