Nengeulaula 19:17 - Manobo Western Bukidnon

¹⁷ Ne is langun he menge etew he tig-Ipisu, menge Hudiyu wey se kenà Hudiyu, nezineg dan haazà is tudtul mehitenged dutun ne nengehandek dan ne mid-iseg is kedtahud dan te ngazan te Nengazen tew he si Jesus.

Nengeulaula 19:17 Кръстосани препратки

Lucas 1:65

Ne is langun he menge siringan dan, hein nezineg dan heini, utew zan nengeinuinu. Ne is tudtul zutun te neulaula, segugunà nekeeneb diyà te langun he menge vuvungan he inged he sakup te prubinsya he Hudiya.

Lucas 7:16

Ne is langun he nemekeahà dutun, ne utew zan nengehandek ne nezalig dan is Megbevayà, ke sikandan te, “Heini en te kenitew is utew lavew he ebpeneuven te Megbevayà!” Ne ke sikandan daan te, “Mibulus en is Megbevayà su wey kiw melibri is menge nengepilì din he etew!”

Nengeulaula 13:12

Ne zutun neketuu haazà is gubirnedur geina te neehè din haazà is neulaula, su utew sikandin neinuinu te impesavut kandin he keag̵i te Nengazen.

Nengeulaula 18:19

Nekeuma zan diyà te inged he Ipisu ne mid-ewaan ni Pablo si Ekilu wey si Priscila. Midhendiyà sikandin te simbahan te menge Hudiyu ne mibpekibpezeyag̵à sikandin te menge ketezengan.

Nengeulaula 18:21

Su ke sikandin dutun te kegenat din te, “Edlikù a zini ke edtug̵ut is Megbevayà.” Ne nekeuntud te barku ne mid-awà diyà te Ipisu.

Nengeulaula 19:1

Dutun te kemulu pa si Epulus diyà te Kurintu, diyà si Pablo mebayà te menge inged he zizaya te Ipisu ne midhendiyè en maan te Ipisu. Ne neuma zin dutun is menge sumusundan daan ni Jesus.

Nengeulaula 19:16

Ne haazà is etew he edlelungen te mezaat he mulin-ulin, mid-urembakan din sikandan ne mibug̵el zin ne mibpemindas din is menge bisti zan. Ne tenged dutun, nengehandek dan ne nekepelag̵uy zan dutun te valey he nengelevasan wey nengepelian.

Nengeulaula 19:18

Ne mezakel is sikan pa memeketuu zutun he mibpenudtul zan diyà te etuvangan te langun is memezaat he menge ulaula zan he ed-iniyug̵an dan.

Nengeulaula 2:43

Mezakel is menge egkein-inuwan wey singyal he nehimu pinaag̵i te menge epustul, umba neteg̵uan is menge etew te kegkehandek te Megbevayà.

Nengeulaula 5:11

Ne tenged dutun utew en nengehandek is langun he menge tumutuu wey minsan hentei he nekezineg dutun te neulaula.

Nengeulaula 5:13

Ne is kenà menge tumutuu, kenà edtampu kandan su egkengehandek, asal is langun he tigHiruselim, edtehuzen dan is menge tumutuu.

Nengeulaula 5:5

Ne te kegkezineg̵a ni Eneniyas kayi he lalag, midsilutan te Megbevayà ne zutundutun nepiley sikandin ne minatey. Ne zutun mibeyaan sikandin te menge menguhed he maama ne mibukusan dan is lawa zin ne mid-uwit dan ne inleveng dan. Ne utew nengehandek is langun he nekezineg kayi te neulaula.

Pilipus 1:20

Ne utew ku egkesuati, wey idsarig ku ziyà te Megbevayà he layun ku metuman is ebpeveelan din kedì su wey a kenà meeled te minsan keenu he timpu lavew en guntaan. Egkesuatan ku he mezalig si Kristu tenged kedì pinaag̵i te kebpaawaa kedì kayi te pirisuwan ne emun kenà, ne mezalig si Kristu pinaag̵i te kebpatey ku.

2 Tiselunika 1:12

Ne pinaag̵i kayi egkezalig niw is Nengazen tew he si Jesus, ne edelig̵en kew zin daan. Egkehimu heini pinaag̵i zà te g̵ag̵ew te Megbevayè tew wey te Nengazen tew he si Jesu Kristu.

2 Tiselunika 3:1

Ne g̵untaan, menge suled, iampù key keniyu wey meg̵aan mekeeneb ne mezawat diyà te minsan hendei is kebpesevuta zey te Lalag te Nengazen iring te kegkezewata niw kayi ziyan te keniyu.