Nengeulaula 19:13 - Manobo Western Bukidnon

¹³ Ne zuen menge Hudiyu he ebpenhipanew su ebewian dan is menge etew he edlelungen te mezaat he mulin-ulin. Ne neisip dan is egezaman dan ebewii is edlelungen te mezaat he mulin-ulin he egemiten dan is ngazan ni Jesus. Ne migkeg̵iyan dan is mezaat he mulin-ulin te, “Pinaag̵i te g̵ehem te ngazan ni Jesus he idsangyew ni Pablo, ewai nu en heeyan he etew.”

Nengeulaula 19:13 Кръстосани препратки

Mateo 12:27

Emun iyan ibpenegseg ku te menge mezaat he mulin-ulin is gehem he ebpuun diyà te ki Setanas ne hendei ves ebpuun is gehem te menge zuma niw he ebpenegseg te mezaat he mulin-ulin? Pinaag̵i te menge ulaula te menge sumusundan niw egketuusan he nengesayep kew.

Mateo 26:63

Ne wazà medtavak si Jesus. Ne mid-uman megkag̵i haazà is lavew he memumuhat te, “Tangdù ka su kayi ka te etuvangan te Megbevayà he wazè din kemetayen. Emun iyan ka sikan is Anak te Megbevayà, sikan is mibpilì din he ibpahadì, keg̵iya nu,” ke sikandin.

Marcos 5:7

Ne si Jesus, migkeg̵iyan din haazà is mezaat he mulin-ulin te, “Awè ka keniyan te etew!” Ne zutun nengulahì haazà is etew he ke sikandin diyà te ki Jesus te, “Ey! Sikew is anak te utew lavew he Megbevayà, ebmenuwen a kenikew? Edhengyuen ku kenikew he peserig̵a a kenikew he kenè e pa kenikew siluti su kayi ki te etuvangan te Megbevayà!”

Marcos 9:38

Ne migkag̵i si Juan diyà te ki Jesus te, “Duen etew he neuma zey he ebewian din is menge etew he edlelungen te mezaat he mulin-ulin. Ne egemiten din is ngazan nu zutun te kebpemawì din. Ne midawey zey su kenà ebpekiduma kenitew.”

Lucas 11:19

Emun iyan igkesegseg̵a ku te menge mezaat he mulin-ulin is gehem he ebpuun diyà te ki Setanas ne hendei ves ebpuun is gehem te menge zuma niw he ebpenegseg te mezaat he mulin-ulin? Pinaag̵i te menge ulaula te menge sumusundan niw egketuusan he nengesayep kew.

Lucas 9:49

Ne zutun migkag̵i si Juan te, “Duen etew he neuma zey he ebewian din is menge etew he edlelungen te mezaat he mulin-ulin ne egemiten din is gehem te ngazan nu te kebpemawì. Ne midawey zey su kenà ebpekiduma kenitew.”

Nengeulaula 19:14

Is mid-ulaula kayi, iyan is pitu he menge anak te lavew he memumuhat he Hudiyu he egngezanan ki Isiva.

2 Kurintu 11:4

Umba egkeipeng a su ke zuen ebpekeuma ziyan he selakew is ibpesavut dan mehitenged ki Jesus, ne selakew is mulin-ulin he ibpenurù dan, ne kenè dan iyan ibpesavut is tutuu he tuluuwen he impesavut dey, kekenà, selakew is ibpenurù dan, ne ed-entusen niw mulà is kandan he kebpenurù ne kenà duen dà taman su utew niw egkesuati te ebpemineg.