Nengeulaula 19:11 - Manobo Western Bukidnon

¹¹ Ne utew zekelà is menge egkengein-inuwan he mibeelan te Megbevayà pinaag̵i ki Pablo.

Nengeulaula 19:11 Кръстосани препратки

Juan 14:12

Utew venar is egkeg̵iyen ku keniyu he ke zuen edtuu kediey, egkehimu zin is nengeveelan ku, asal lavew pa he mekeg̵eg̵ehem is egkeveelan din tenged te ed-ulì a ziyà te Amey ku he Megbevayà.

Nengeulaula 14:3

Ne malù netegteg̵aad is ked-ubpà te menge epustul, si Pablo wey si Bernabe, dutun te Ikunya. Wazè dan ikehandek is kedsengyawa zan te keag̵i te Nengazen. Ne midtuvazan sikandan te Nengazen su mibeg̵ayan din sikandan te g̵ehem wey zan ikepaahà is menge singyal wey egkein-inuwan he iyan timaan he tutuu is impenudtul zan he g̵ag̵ew te Nengazen.

Nengeulaula 15:12

Ne zutun, wazè en midtavak; ne mibpemineg dan is tudtul ni Bernabe wey si Pablo te langun he egkengein-inuwan he mibeelan te Megbevayà pinaag̵i kandan hein diyè dan te kenà menge Hudiyu.

Nengeulaula 16:18

Ne kada andew zutun iyan en haazà ed-ul-ulahan din. Ne te malù neug̵et, si Pablo, kenè en ebpekeantus ne midlilingey ne migkeg̵iyan din haazà is mezaat he mulin-ulin te, “Pinaag̵i te g̵ehem te ngazan ni Jesu Kristu, egkeg̵iyan ku sikew he med-awè ka keniyan te vahi!” Ne zutundutun mid-ewaan haazà is bahi te mezaat he mulin-ulin.

Nengeulaula 5:12

Ne is menge epustul, mezakel is menge singyal wey egkein-inuwan he impeehè dan te menge etew. Ne is langun he menge tumutuu, diyè dan layun egketig̵um te egngezanan te Helungà ni Hadì Sulumun.

Nengeulaula 8:13

Ne hein nebewtismuwan si Simon, mibpekiduma sikandin ki Felipe ne neinuinu sikandin utew zutun te kegkeehaa zin te menge singyal wey menge egkengein-inuwan he edhimuwen ni Felipe.

Gelasya 3:5

Is Megbevayà, hein imbeg̵ey zin keniyu is Wag̵as he Mulin-ulin ne impeehè din diyan te keniyu is menge egkein-inuwan, wazè din iyan iveeli zutun is tenged te edtumanen niw is kesug̵uan, kekenà, tenged dà te nezineg niw ne midtuuwan niw is Meupiya he Tudtulanen.

Hibriyuhanen 2:4

Ne is Megbevayà, midtistig̵usan din daan haazà is impenurù dan su mibeg̵ayan din sikandan te g̵ehem wey zan ikepaahà is menge singyal, wey menge egkein-inuwan he kenà ed-iring-iring. Ne zuen daan menge ketau he imbeg̵ey zin diyà te menge tumutuu pinaag̵i te ked-ulini kandan te Wag̵as he Mulin-ulin sumalà is egkesuatan din he ebeg̵ayan.