Nengeulaula 18:6 - Manobo Western Bukidnon

⁶ Ne hein wazè dan dewata su edsumpalit sikandan kandin, inhuyab din is kumbalè din he tuus te mid-engkezan din en sikandan. Ke sikandin te, “Kenè en kediey he salà ke edsilutan kew te Megbevayà. Ne g̵untaan diyè ku en ibpesavut is Lalag te Megbevayà te kenà menge Hudiyu.”

Nengeulaula 18:6 Кръстосани препратки

Mateo 10:14

Ne ke zuen inged he wazà dutun egalewg̵alew keniyu, wey ke wazà ebpemineg te ibpesavut niw kandan, ewai niw sikandan wey tektaka niw is menge eliyavuk diyà te menge paa niw he tuus diyà te kandan he edsilutan sikandan te Megbevayà.

Mateo 21:41

Ne midtavak dan te, “Iyan is: ebpenhimetayan din haazà is impemeelima zin ne ebpeelimahan din maan haazà is perasan te selakew en he menge etew he ebeg̵ey mulà te vahin ke egkeuma is tirag̵un.”

Mateo 21:43

Umba,” ke si Jesus, “benar iyan he kenè kew en maan is menge Hudiyu edhedian te Megbevayà su iyan din edhedian is menge etew he edtuman te egkesuatan din.

Mateo 22:10

Ne migenat haazà is menge sulug̵uen din ne mid-ikul zan is menge kersada, ne is langun he etew he neuma zan, meupiya is ulaula zin se mezaat is ulaula zin, ne mid-umbita zan. Ne nepenù haazà te etew is turug̵an te hadì.

Mateo 27:25

Ne midtavak is langun he menge etew te, “Uya, kenami en he salà is kedhimetayi kayi wey salà daan te menge kevuwazan dey!”

Mateo 8:11

Ne kenè niw lipati heini is egkeg̵iyen ku he mezakel he etew he kenà menge Hudiyu he ziyà ebpemuun te meziyù, diyà te zapit te edsilaan wey ziyà te zapit te edsenlepan, ne ebpekidtug̵en dan keuzemà ki Abraham wey ki Isaak wey ki Hakub diyà te ginhedian te Megbevayà.

Lucas 22:65

Ne kenà iyan dà haazà su mezakel pa is memezaat he lalag dan kandin te kedsumpelita zan kandin.

Lucas 9:5

Ne emun duen inged he wazà dutun etew he egalewg̵alew keniyu, ne ewai niw ne penektaka niw is menge eliyavuk diyà te menge paa niw he iyan lag̵uy he edsilutan sikandan te Megbevayà.”

Nengeulaula 13:51

Ne zutun te ked-awà ni Pablo wey si Bernabe, in-awè dan is tanà diyà te parapara zan wey metueni te menge etew he kuntada sikandan te Megbevayà. Ne midlaus dan diyà te inged he Ikunya.

Nengeulaula 26:11

Kenè en egkepangkus is kebpesiluti ku kandan diyà te menge simbahan su ebpeg̵esen ku pezem sikandan he engkezi zan is kedtuu zan. Ne tenged te utew ku sikandan nepeuki, mid-alew ku sikandan minsan diyà te menge meziyù he inged wey ku sikandan mesiluti.

Nengeulaula 26:20

Midhuna a ziyà te inged he Demasku ne human diyà te Hiruselim. Ne zutun mid-eneb ku is prubinsya he Hudiya ne midhendiyà a zaan te menge etew he kenà menge Hudiyu. Impesavut ku kandan he kinahanglan he iniyug̵i zan is menge salè dan, ne medtuu zan te Megbevayà ne ipeehè dan pinaag̵i te ulaula zan he tutuu is ked-iniyug̵i zan te mezaat he ulaula.

Nengeulaula 28:28

Ne migkag̵i zaan si Pablo te, “Ibpesavut ku en keniyu he is tudtul te paag̵i te kegkelibriya te Megbevayà te menusiyà, insug̵ù din he ipesavut heini zaan diyà te menge etew he kenà Hudiyu, ne ebpemineg dan mulà.”

Ruma 3:29

Ne siguradu zuen egkag̵i he is Megbevayà, ne Megbevayà te menge Hudiyu zà, iyan, kenà heeyan tutuu, su iyan sikandin Megbevayà te tivuuk he menusiyà, Hudiyu se kenà Hudiyu.

1 Timoteo 5:22

Kinahanglan he kenè nu zegdeg̵usuwi is kebpilì nu te ed-uwit te menge tumutuu su ke ebpekesalà sikandin iyan ka egkevesulan. Ne kinahanglan he wazà igkevesuli kenikew he iring kayi.

2 Timoteo 2:25

Emun menayù is kebpenurua zin te menge kuntada zin, kela ke mahalin te Megbevayà is gehinawa zan wey zan mesavut is tutuu he tuluuwen.

1 Pedro 4:14

Utew kew zeyzey ke edsudien kew tenged te menge sumusundan kew ni Kristu su tuus heini he mid-ulinan kew te mekeg̵eg̵ehem he Mulin-ulin he iyan is Megbevayà.

1 Pedro 4:4

Iyan, guntaan, is menge etew he kenà edtuu te Megbevayà, utew zan egkeinuinu su maan is kenè kew en edtampu kandan te ed-ulaula te utew memezaat wey memahawag ne tenged dutun edsumpeliten kew zan.