Nengeulaula 18:24 - Manobo Western Bukidnon

²⁴ Ne zutun, diyà te Ipisu zuen nekeuma he Hudiyu he tig-Elihendriya he egngezanan ki Epulus. Metau he edikursu ne metau zaan he edseysey te insurat he Lalag te Megbevayà.

Nengeulaula 18:24 Кръстосани препратки

Mateo 13:52

Ne mid-uman megkag̵i si Jesus te, “Ne tenged kayi,” ke sikandin, “ke zuen menunudlù te kesug̵uan he nekesundan te hadì tew he Megbevayà, ebpekeiring sikandin te etew he zekelà is ketig̵eyunan din diyà te valey zin. Su kenà iyan dà igkepenurù din is kinezaan, kekenà, igkepenurù din daan is beg̵u.”

Lucas 24:19

Ne mid-uman med-insà si Jesus kandan te, “Maan? Hengkey is nehitavù?” Ne midtavak dan te, “Iyan is nehitavù ki Jesus he tigNeserit. Ebpeneuven sikandin te Megbevayà ne midtuuwan sikandin te langun he menge etew. Dekelà is gehem din te ebpenurù ne mekeg̵eg̵ehem daan sikandin he ebaal te menge egkengein-inuwan.

Nengeulaula 18:19

Nekeuma zan diyà te inged he Ipisu ne mid-ewaan ni Pablo si Ekilu wey si Priscila. Midhendiyà sikandin te simbahan te menge Hudiyu ne mibpekibpezeyag̵à sikandin te menge ketezengan.

Nengeulaula 18:21

Su ke sikandin dutun te kegenat din te, “Edlikù a zini ke edtug̵ut is Megbevayà.” Ne nekeuntud te barku ne mid-awà diyà te Ipisu.

Nengeulaula 18:28

Su utew mezesen is menge ketezengan din dutun te insurat he Lalag te Megbevayà he iyan si Jesus sikan is mibpilì te Megbevayà he ibpahadì. Ne pinaag̵i zutun, diyà te etuvangan te mezakel he menge etew, nezaag din is menge Hudiyu he mibpekidibati kandin.

Nengeulaula 19:1

Dutun te kemulu pa si Epulus diyà te Kurintu, diyà si Pablo mebayà te menge inged he zizaya te Ipisu ne midhendiyè en maan te Ipisu. Ne neuma zin dutun is menge sumusundan daan ni Jesus.

Nengeulaula 27:6

Ne zutun, nekeahà is serhintu te sevaha he barku he tig-Elihendriya he edhendiyà te tanà he Italya ne impeuntud key zin.

Nengeulaula 6:9

Ne zuen daan menge kuntada ni Esteban. Iyan is menge Hudiyu he ziyà edsimba te egngezanan te Simbahan te menge Uripen he Nengevelukasan. Is duma kandan ne menge tigSirini, tig-Elihendriya, tigSilisya, wey tig-Asya. Ne ebpekidlewanè dan ki Esteban.

Nengeulaula 7:22

Ne impepenurù din diyà te ki Moises is langun he ulaula te menge tig-Ihiptu ne nevantug sikandin tenged te ketau te kebpesavut wey te menge vaal zin.

1 Kurintu 1:12

Iyan ibpesavut ku is: selakew kun is edtindeg̵an te uman sevaha te sikiyu su egkag̵i kun is sevaha he iyan a si Pablo is edsundanan din. Ne egkag̵i is sevaha he si Epulus mulà is edsundanan din. Ne egkag̵i is sevaha he iyan kandin he edsundanan si Pedro. Ne egkag̵i is sevaha he si Kristu mulà is kandin.

1 Kurintu 16:12

Ne si Epulus he suled tew zaan tenged te kedtuu, kepipira ku en sikandin keg̵iyi he meupiya ke ebisitahan kew zin duma zuen te menge suled tew he mibisita ziyan. Iyan, egkag̵i sikandin te wazè pa meseled te g̵ehinawa zin is kedhendiyan din. Iyan, edhendiyan sikandin ke wazà ebpekesamuk kandin.

1 Kurintu 4:6

Menge suled, kayi te langun he migkag̵i ku, migamit ku he penenglitan si Epulus wey is kediey he keugelingen su wey mekepenurù heini keniyu ke hengkey is hustu he ed-ul-ulahan sumalà is ibpesavut te insurat he Lalag te Megbevayà. Iyan is: kinahanglan he engkezi niw is kebpelevawa te penurù te sevaha kenami su sikami is ebpenurù, wazà lavew kenami su nekedrepeng key.

2 Kurintu 10:10

iyan, duen egkag̵i he siak si Pablo, utew a mevurut he edawey keniyu emun ebpekidlalag a keniyu pinaag̵i te surat, iyan, emun diyan a te keniyu, telawen e kun ne kenè e kun metau he egkag̵i.

Kulusas 3:16

Menge suled, layun niw zewata is impesavut ni Kristu. Pepempenuruey kew wey mebpesemsembag̵è kew sumalà is ketau te kada sevaha. Kanta kew te menge idalig te Megbevayà, wey menge Salmo, wey elin daan is menge kentahan he ibpinted keniyu te Wag̵as he Mulin-ulin. Kentahi niw is Megbevayà he utew zekelà is kebpeselemati niw kandin.

Tito 3:13

Himuwa nu is taman te egkehimu nu wey nu metevangi is ebugadu he si Sinas wey si Epulus ke edhipanew zan. Susiya nu sikandan su wey wazà kurang dan.