Nengeulaula 18:21 - Manobo Western Bukidnon

²¹ Su ke sikandin dutun te kegenat din te, “Edlikù a zini ke edtug̵ut is Megbevayà.” Ne nekeuntud te barku ne mid-awà diyà te Ipisu.

Nengeulaula 18:21 Кръстосани препратки

Mateo 26:39

Ne midlaus si Jesus diyà te uvey zà dutun ne midlangkeb sikandin ne mid-ampù, ke sikandin te, “Amey ku, ke egkehimu zà ne kenè nu en kediey ipeseg̵azi heini is merasey he imbanglis nu kediey, iyan, kenà egkesunud is kediey he egkesuatan, kekenà, iyan egkesunud is kenikew he egkesuatan.”

Marcos 6:46

Ne hein nekehipanew en haazà is menge etew, midtekezeg si Jesus diyà te vuvungan su mid-ampù.

Lucas 9:61

Ne zuen pa zutun sevaha he etew he egkag̵i zaan diyà te ki Jesus te, “Datù, edsundan a kenikew, iyan, ed-ulì e pa su ibpesayud ku is bevelayan ku.”

Nengeulaula 15:29

Ne iyan is: kenè niw keena is impemuhat diyà te kenà tutuu he Megbevayà. Kenè niw keena is lengesa, ne kenè niw zaan keena is edlepaan he kenà ebpekelelengesa; kenè niw hileveti is kenè niw esawa. Emun edtumanen niw heini, meupiya en. Iyan dà heini lalag dey.”

Nengeulaula 18:19

Nekeuma zan diyà te inged he Ipisu ne mid-ewaan ni Pablo si Ekilu wey si Priscila. Midhendiyà sikandin te simbahan te menge Hudiyu ne mibpekibpezeyag̵à sikandin te menge ketezengan.

Nengeulaula 18:20

Midhangyù dan kandin he kenà petuluy sikandin med-awà diyà te kandan, iyan, wazà si Pablo mebpemineg.

Nengeulaula 18:24

Ne zutun, diyà te Ipisu zuen nekeuma he Hudiyu he tig-Elihendriya he egngezanan ki Epulus. Metau he edikursu ne metau zaan he edseysey te insurat he Lalag te Megbevayà.

Nengeulaula 19:1

Dutun te kemulu pa si Epulus diyà te Kurintu, diyà si Pablo mebayà te menge inged he zizaya te Ipisu ne midhendiyè en maan te Ipisu. Ne neuma zin dutun is menge sumusundan daan ni Jesus.

Nengeulaula 19:17

Ne is langun he menge etew he tig-Ipisu, menge Hudiyu wey se kenà Hudiyu, nezineg dan haazà is tudtul mehitenged dutun ne nengehandek dan ne mid-iseg is kedtahud dan te ngazan te Nengazen tew he si Jesus.

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

Nengeulaula 21:14

Ne hein netuenan dey en he kenà egkeeg̵ut si Pablo, mid-engkezan dey te edhangyù ne migkag̵i key te, “Berakat he iyan metuman is egkesuatan te Nengazen.”

Nengeulaula 21:29

(Umba migkag̵i zan heini su neehè dan si Trupimu he zuma ni Pablo zutun te inged. Ne si Trupimu, tig-Ipisu he kenà Hudiyu, ne kunaan dan ke miduma ni Pablo he impeseled dutun te simbahan.)

Ruma 1:10

Layun ku sikiyu id-ampù ne edhengyuan ku sikandin he ke egkesuatan din, himuwa zin is paag̵i he mekehendiyan ad human te keniyu.

Ruma 15:32

Ne emun egketapus heini, wey ke egkesuatan te Megbevayà, ebpekehendiyan a te keniyu he utew zekelà is kelipey ku ne egkehimu he ebmelinawen is ked-isip-isip ku pinaag̵i te kebpenumbaley ku ziyan te keniyu.

1 Kurintu 15:32

Utew mezakel is kemeresayen ku zini te Ipisu su iring is menge kuntada ku te menge ebpekekaid he langgam he egkesuatan e zan te edaas. Ne maan is ed-entusen ku pa is iring kayi ke kenà a keuzemà egkevanhew. Su emun iyan haazà ne meupiya pa ke edtumanen ku haazà is erubasa he edhenduen te, “Edlipey kiw en; ed-inum kiw ne egkaan kiw su kela ke meg̵aan kiw en ebpatey ne egkehanew heini is langun.”

1 Kurintu 16:7

Kenè ku egkesuatan he meg̵aan dà is kebpenumbaley ku ziyan, kekenà, iyan netag̵ù te g̵ehinawa ku is egketegteg̵aad a ziyan ke edtug̵ut is Megbevayà.

1 Kurintu 16:8

Egkeisip ku he kayi e pa ed-ubpà te inged he Ipisu taman te Pista te Pintikusti ne human a egenat.

1 Kurintu 4:19

Iyan, ke edtug̵ut is Nengazen tew, meg̵aan e en edhendiyan ne zutun ed-ahaan ku ke hendei taman is kebpegalbu zan su kela ke taman dà te menge lalag is kebpegalbu zan.

2 Kurintu 13:11

Menge suled, iyan dà heini menge lalag ku keniyu; berakat he mebmelipayen kew. Purungi niw is menge ulaula niw; tumana niw is menge sambag ku keniyu. Kinahanglan he mesevaha is gehinawa niw ne mebmelinawen is ked-ubpè niw. Su emun ebeelan niw heini, is Megbevayà he iyan puunà te g̵ag̵ew wey kelinew, layun eduma keniyu.

Ipisu 1:1

Iyan a si Pablo is teg̵isurat kayi. Nehimu a he epustul ni Jesu Kristu, he ke và dà egkeg̵iya, midsug̵ù e zin, tenged te iyan egkesuatan te Megbevayà. Ibpeuwit ku heini is surat diyan te inged he Ipisu, diyan te keniyu te menge tumutuu he menge metinumanen te menge sug̵ù ni Jesu Kristu.

Hibriyuhanen 6:3

kekenà, emun idtug̵ut te Megbevayà, edlaus kiw en te ked-istudyu te menge penurù he zait te menge etew he mezesen en is kedtuu zan.

Santiago 4:15

Meupiya pa ke egkag̵i ki te, “Emun idtug̵ut kenita te Nengazen he kenè ki pa ebpatey, ebeelan ta is iring dutun.”

1 Pedro 3:17

Deyzey ke ebpekeantus ki te merasey tenged te metazeng is ulaula ta, ke iyan intuvad kenita te Megbevayà, kenà ke ebpekeantus ki te merasey tenged te mezaat is ulaula ta.

Impezayag 1:11

ne ke sikandin te, “Is egkeehè nu, isurat nu ne ibpeuwit nu ziyà te pitu he menge gurupu te menge tumutuu he ziyà te menge inged he Ipisu, Ismirna, Pirgemu, Tiyetira, Sardis, Piledilpya, wey ziyà daan te inged he Leudisiya.”

Impezayag 2:1

Ne impelaus din is lalag din te, “Pesurati nu is belinsug̵uen te Megbevayà he ebantey te menge tumutuu he ziyà te inged he Ipisu, ne isurat nu is menge lalag ku ziyà, ke sikew te, ‘Siak si Jesus is egawed te pitu he vituen diyà te kewanan ku he velad ne iyan a zaan edhipanew kayi te teliwazà te pitu he sulù.