Nengeulaula 17:7 - Manobo Western Bukidnon

⁷ Ne heini si Jason,” ke sikandan, “impepemenahik din sikandan diyà te valey zin. Pudu sikandan nekesupak te velaud te hadì tew ziyà te Ruma su egkeg̵iyen dan he iyan hadì is etew he egngezanan ki Jesus.”

Nengeulaula 17:7 Кръстосани препратки

Lucas 10:38

Ne hein midlaus ensi Jesus, ne nekeuma zan diyà te sevaha he inged he zuen dutun bahi he egngezanan ki Marta. Impepemenahik ni Marta si Jesus dutun te valey zin.

Lucas 23:2

Ne hein nekeuma zan dutun ne impezineg dan ki Pilatu is menge sumbung dan. Ke sikandan te, “Midsusi zey heini is etew ne netuenan dey he edsinamuk kayi te inged tew su ibpeengked din is menge etew he ebayad te vuhis diyà te lavew he hadì tew ziyà te inged he Ruma. Ne kenà duen dà taman su egkeg̵iyen din he iyan sikandin si Kristu, he ke và dà egkeg̵iya, hadì.”

Juan 19:12

Ne zutun, mid-iseg is gustu ni Pilatu he edlibriyen din si Jesus, iyan, mibpememensag en maan haazà is menge Hudiyu, ke sikandan te, “Emun ibpaawè nu heeyan he etew, egkuntedahan nu is hadì tew ziyà te Ruma he si Cesar su is etew he iring kayi he ebpahadì, ebpekigkuntada ki Cesar.”

Nengeulaula 16:21

Ibpenurù dan is menge vetasan he supak te velaud tew. Ne sikitew is menge Rumanu, kenè kiw mulà ebpekezawat wey ebpeketuman te ibpenurù dan he vetasan.”

Nengeulaula 17:5

Ne zutun, nengesina engki Pablo is menge Hudiyu ne midtig̵um dan is mezakel he menge tepulan he wazà menge pulus he etew. Ne mid-eneb dan is tivuuk he inged te edsinamuk. Midhendiyè dan te valey ni Jason su edteg̵elen dan egkuwaa si Pablo wey si Silas su wey zan meuwit diyà te menge etew.

Nengeulaula 17:8

Ne hein nezineg haazà dutun te menge upisyal wey menge etew, ne mibmezaat utew is gehinawa zan.

Santiago 2:25

Ne iring dutun daan is kedtuu ni Rahab, is bahi zengan he mezaat is dengeg din. Umba mid-isip sikandin he metazeng te Megbevayà su zuen meupiya he mid-ulaula zin su impeseled din te valey zin is menge sug̵ù ni Josue, ne midtevangan din sikandan wey zan mekepelag̵uy pinaag̵i te selakew en he ibayà.

1 Pedro 2:15

Umba edhengyuen ku heini su egkesuatan te Megbevayà he is menge mepedeligen he wazà mekesavut te hustu, meehè dan is menge metazeng he ulaula tew. Ne pinaag̵i kayi ebpekeengked dan is edsudì kenitew.