Nengeulaula 17:6 - Manobo Western Bukidnon

⁶ Iyan, hein wazè dan sikandan maahà, midakep dan si Jason wey is duma pa he menge tumutuu zutun, ne miguyud dan diyà te menge upisyal zutun te inged dan te ebensag he egkag̵i te, “Heini is menge etew, nekevaal zan te samuk diyà te minsan hendei! Ne g̵untaan, kayi zan en maan te inged tew.

Nengeulaula 17:6 Кръстосани препратки

Mateo 24:14

Ne idsangyew ziyà te tivuuk he kelibutan heini is Meupiya he Tudtulanen te keag̵i te kedhadì te Megbevayà wey metueni heini te tivuuk he menusiyà. Ne emun egkepasad en haazà ne iyan en ketepusan.

Lucas 23:5

Iyan, nasì nememensag is menge etew zutun he egkag̵i te, “Edsinamuk is menge etew he ebpemineg te menge penurù keniyan! Mibpuunan din is kebpenurù din diyà te prubinsya he Geliliya ne midtukid din daan is menge inged dini te prubinsya he Hudiya, Ne g̵untaan, dini en maan sikandin te Hiruselim.”

Nengeulaula 1:15

Ne nekepira zutun, nengetig̵um is menge tumutuu, menge nenggatus wey keluwaan sikandan is mibpetemtempuwà dutun; ne midhitindeg si Pedro is egkag̵i te,

Nengeulaula 17:10

Ne hein mezukilem en, impehipanew si Pablo wey si Silas te menge tumutuu pehendiyà te inged he Biriya. Ne hein nekeuma zan midhendiyè dan te simbahan te menge Hudiyu.

Nengeulaula 17:14

Ne zutun impaawà dutun si Pablo te menge tumutuu pehendiyà te zag̵at, iyan, si Silas wey si Timoteo, intag̵ak din diyà te Biriya.

Nengeulaula 17:31

Midtendek din en is andew keuzemà he zutun ed-imbistigahan din is tivuuk he menusiyà, ne metazeng daan is ked-imbistiga zin pinaag̵i te etew he mibpilì din. Impeehè din he tutuu heini is ebeelan din su haazà is etew, minatey ne mibanhew te Megbevayà!”

Nengeulaula 17:5

Ne zutun, nengesina engki Pablo is menge Hudiyu ne midtig̵um dan is mezakel he menge tepulan he wazà menge pulus he etew. Ne mid-eneb dan is tivuuk he inged te edsinamuk. Midhendiyè dan te valey ni Jason su edteg̵elen dan egkuwaa si Pablo wey si Silas su wey zan meuwit diyà te menge etew.

Nengeulaula 24:5

Iyan is: netuenan dey he heini is etew, utew mesamuk, su is menge vaal zin, ne iyan idsinamuk te menge Hudiyu ziyà te minsan hendei. Ne sevaha zaan sikandin he egalen te menge etew he egngezanan te menge Neserinu.

Nengeulaula 28:22

Egkesuatan dey te ebpemineg is menge penurù nu wey zey mesusi su netuenan dey he is menge tumutuu kayi te tuluuwen he ibpenurù nu, egkuntedahan te menge etew ziyà te minsan hendei.”