Nengeulaula 17:27 - Manobo Western Bukidnon

²⁷ Umba mibeelan din heini su wey tew sikandin mepen-ahà ne wey tew meturedu sikandin. Ne is Megbevayà, kenà daan meziyù te kada sevaha kenitew,

Nengeulaula 17:27 Кръстосани препратки

Nengeulaula 14:17

Iyan, minsan pa zutun, egketuenan ta g̵ihapun ke hentei sikandin pinaag̵i te menge pengelimuan din kenitew. Su ebeg̵ayan ki zin te uzan wey veg̵as te menge pinemula ta emun tirag̵un. Ibeg̵ey zin kenitew is egkinehenglanen tew wey zuen keuyag̵an tew ne zuen ibmeupiya te g̵ehinawa tew,” ke sikandan.

Nengeulaula 15:17

Umba, is tivuuk he menusiyà, sikan is langun he menge etew he edhimuwen ku he meketuu kediey, egkesuat dan daan he ed-azap kediey.’

Ruma 1:20

Su is Megbevayà, minsan te kenà sikandin egkeahà, puun pa te kedlimbag̵a zin te kelibutan, egketuusan sikandin gihapun pinaag̵i te langun he midlimbag din, pinaag̵i te utew zekelà he g̵ehem din he wazè din pidtemanan, wey pinaag̵i te nekag̵i he kegkemegbevayè din. Ne tenged dutun kenà ebpekevarew is minsan hentei he kenè dan egketuenan he zuen Megbevayà.

Ruma 2:4

Kunaan nu vuwa ke g̵eina te utew mepelevayen wey metulanged is Megbevayà, ne kenè en kinahanglan he ebpezumdumahan nu is menge lalag din. Iyan, iyan ketezengan ke maan is utew velig̵eg̵awen is Megbevayà su ed-eg̵aken ke zin su wey nu meiniyug̵i is mezaat he ulaula.