Nengeulaula 17:25 - Manobo Western Bukidnon

²⁵ ne wazà minsan hengkey he egkeveelan te etew he egkinehenglanen din. Su iyan sikandin ebeg̵ey te g̵ehinawa wey untung wey is minsan hengkey ziyà te langun he menge etew.

Nengeulaula 17:25 Кръстосани препратки

Mateo 5:45

Ne emun ebeelan niw heini ebpekeiring kew te Amey tew he Megbevayà he ziyà te langit. Su is Megbevayà, kenà iyan dà ebpesilaan din te andew is menge metazeng he menge etew, kekenà, elin daan is menge kenà metazeng. Ne kenà iyan dà is meupiya is ulaula zin ebeg̵ayan din te uzan, kekenà, elin daan is mezaat is ulaula zin.

Mateo 9:13

Susiya niw ke hengkey is kehulug̵an duen te insurat he Lalag te Megbevayà he egkag̵i te, ‘Kenè ku iyan egkesuatan is kebpemuhat niw, kekenà, iyan egkesuatan ku is kebpekedhihizuwè niw.’ ” Ne mid-uman megkag̵i si Jesus te, “Siak, wazà a medhendini wey ku ikepeengked te ed-ulaula te mezaat is menge metazeng, kekenà, iyan is menge mesinupaken te Megbevayà.”

Nengeulaula 14:17

Iyan, minsan pa zutun, egketuenan ta g̵ihapun ke hentei sikandin pinaag̵i te menge pengelimuan din kenitew. Su ebeg̵ayan ki zin te uzan wey veg̵as te menge pinemula ta emun tirag̵un. Ibeg̵ey zin kenitew is egkinehenglanen tew wey zuen keuyag̵an tew ne zuen ibmeupiya te g̵ehinawa tew,” ke sikandan.

Nengeulaula 17:28

su ‘pinaag̵i te kandin he g̵ehem ebpekewaleng kiw, ne zuen daan untung tew wey kegkeetew te kada sevaha kenitew.’ Su iring te lalag te memetau he egkag̵i te ebpenlumlumbayan he lalag dini te keniyu he egkag̵i te, ‘Sikitew zaan, menge anak kiw zin.’

Ruma 11:35

Wazà kurang din te minsan hengkey, ne kenà egkehimu he zuen ibeg̵ey tew kandin he egkehimu he egkeutang din kenitew.”

1 Timoteo 6:17

Is menge tumutuu he mezakel is menge azen dan, keg̵iyi nu he kenè dan mebpelavew wey kenè dan medsarig te menge azen dan su kenè ta egketuenan ke keenu ki egkeewai te menge azen ta. Keg̵iyi nu he iyan dan serig̵i is Megbevayà su iyan sikandin metulanged. Is minsan hengkey he naazen ta, imbeg̵ey zin kenita wey mebmeupiya is kebpekesavuk ta.