Nengeulaula 17:19 - Manobo Western Bukidnon

¹⁹ Ne mid-uwit dan si Pablo ziyà te etuvangan te upakat dutun he egngezanan te Eriyupagu ne ke sikandan te, “Egkesuat key he metueni zey heini is beg̵u he penurù he ibpesavut nu.

Nengeulaula 17:19 Кръстосани препратки

Mateo 10:18

Ebpeg̵esen kew zan he mekeetuvang te menge gubirnedur wey menge hadì tenged te kedtuu niw kedì wey niw ikewali is Meupiya he Tudtulanen diyà te kandan wey ziyà daan te menge etew he kenà menge Hudiyu.

Marcos 1:27

Ne utew nengeinuinu is langun he menge etew zutun, ne tenged dutun mibpelelelag̵è dan te, “Hengkey vuwa heini? Kela ke veg̵u en heini he tuluuwen su maan is utew sikandin mekeg̵eg̵ehem te kebayàbayà te minsan menge mezaat he mulin-ulin, ne ebpemineg kandin.”

Juan 13:34

Beg̵u en he sug̵ù is ibpetuman ku keniyu. Iyan is: kinahanglan he mahala ziyà te g̵ehinawa te uman sevaha keniyu is minsan hentei keniyu. Iring te mahal kew zini te g̵ehinawa ku, kinahanglan he mahal ziyà te g̵ehinawa te uman sevaha keniyu is minsan hentei keniyu.

Nengeulaula 17:20

Duen edtudtulen nu he sikan dey pa mezineg; umba ebpemineg key kenikew su wey nu ikeseysey.”

Nengeulaula 17:22

Ne zutun midhitindeg si Pablo ziyà te etuvangan dutun te hukmanan he Eriyupagu ne ke sikandin te, “Sikiyu is tig-Etinas, nesavut ku he utew kew metinumanen te menge tuluuwen niw.

Nengeulaula 17:34

Duen menge etew zutun he neketuu ki Jesus ne midsunud dan ki Pablo. Iyan haazà ensi Dionisio, is sevaha he zatù dutun te Eriyupagu wey elin daan is bahi he egngezanan ki Demaris wey zuen pa menge zuma zutun he neketuu.

Nengeulaula 23:19

Ne zutun, is kepitan, mid-ag̵ak din haazà is kenakan dutun te uvey zà ne hein iyan dan dà, mid-insà te, “Hengkey, Mama, is egkeg̵iyen nu kedì?”

Nengeulaula 24:24

Ne nepipira he andew zutun, midhendutun si Felix he miduma is esawa zin he Hudiyu he si Drusila. Ne impetawag din si Pablo ne mibpemineg din si Pablo is ebpesavut kandin te kedtuu ki Jesu Kristu.

Nengeulaula 25:22

Ne zutun migkag̵i si Egripa ziyà te ki Pistu te, “Egkesuatan ku he mezineg ku zaan is menge ketezengan din.” “Ne keeselem nu egkezineg,” ke si Pistu.

Nengeulaula 26:1

Ne migkag̵i si Egripa ziyà te ki Pablo te, “Egkehimu en he ibpesavut nu kenami is menge ketezengan nu.” Ne si Pablo, imbayew zin is belad din he tuus te egkag̵i en ne ke sikandin te,