Nengeulaula 17:17 - Manobo Western Bukidnon

¹⁷ Ne tenged dutun, midseled sikandin diyà te simbahan te menge Hudiyu, ne mibpekidibati sikandin te menge Hudiyu wey te kenà menge Hudiyu he edsimba zaan te Megbevayà. Ne minsan daan diyà te mirkadu ebpekidibati sikandin te minsan hentei he zutun.

Nengeulaula 17:17 Кръстосани препратки

Marcos 16:15

Ne zutun migkeg̵iyan ni Jesus sikandan te, “Penhipanew kew ziyà te tivuuk he kelibutan, ne ipesavut niw is Meupiya he Tudtulanen diyà te minsan hentei he etew he linimbag te Megbevayà.

Lucas 12:3

Is langun he ednèneesen niw te mezukilem, ne egkezineg ke maandew wey is minsan hengkey he egkegkeg̵iyen niw he meeles diyà te rug̵u niw, ne egketuenan ded te mezakel he menge etew ziyà te tiyenggiyan.

Nengeulaula 10:2

Heini si Cornelio, ne metinumanen te sug̵ù te Megbevayà. Sikandin wey is tivuuk he pemilya zin, minsan kenè dan menge Hudiyu, ed-azap dan te Megbevayà. Dekelà is tavang din te menge egkengeayuayu he menge Hudiyu wey layun sikandin ed-ampù diyà te Megbevayà.

Nengeulaula 13:16

Ne midhitindeg si Pablo ne imbayew zin is belad din su wey zan metueni he zuen egkeg̵iyen din ne migkag̵i te, “Menge zuma ku he kevuwazan ni Israyil wey sikiyu is langun he ed-azap daan te Megbevayà, pemineg̵a niw is egkeg̵iyen ku.

Nengeulaula 13:43

Ne zutun te ked-awè dan puun te simbahan, mezakel is menge etew he nemenduma ki Pablo wey ki Bernabe. Elin dutun is menge Hudiyu wey kenà menge Hudiyu he edsimba zuma te menge Hudiyu. Mibpekibitiyara kandan ensi Pablo. Ne midsembag̵an dan sikandan he kenè dan engkezi is kedsarig dan te g̵ag̵ew te Megbevayà.

Nengeulaula 13:50

Ne is menge punuan dutun te inged he Entiyukya wey is menge vai he ed-azap te Megbevayà, midhimu sikandan te menge Hudiyu he mengepauk dan ki Pablo wey ki Bernabe. Ne midsegseg dan haazà is dezuwa zutun te inged.

Nengeulaula 9:20

Ne zutun midseled te simbahan te menge Hudiyu ne impenurù din is keag̵i ni Jesus. Ne ke sikandin te, “Si Jesus, Anak te Megbevayà.”

2 Timoteo 3:2

Su zutun he timpu leg̵ezen is menge etew wey iyan mahal ziyà te g̵ehinawa zan is selapì. Ebmepelevawen wey ebmepedeligen dan. Edsulaan dan is menge zuma zan; kenè dan ebpemineg̵en is menge lukes dan; ne kenè dan ebpeselamat. Utew lalung sikandan.

2 Timoteo 3:5

Uvag sikandan ed-azap te Megbevayà, iyan, kenè dan edtuu he zuen gehem din. Likayi nu is menge etew he iring dutun.