Nengeulaula 17:16 - Manobo Western Bukidnon

¹⁶ Ne zutun te kedteg̵azi ni Pablo ki Silas wey ki Timoteo ziyà te Etinas, utew neseeng sikandin su neehè din he utew mezakel is menge ledawan he edsimbahan te menge meg̵inged dutun.

Nengeulaula 17:16 Кръстосани препратки

Marcos 3:5

Ne te ebpenlangulangu si Jesus dutun te mezakel he menge etew, utew zin egkepeuki sikandan ne utew zaan mibmesakit is gehinawa zin su haazà is menge etew, wazè dan kehizu. Ne zutun migkeg̵iyan din haazà is etew he nezeetan is belad din te, “Ketenga nu, Mama, is belad nu.” Ne migketeng dutun te etew haazà is belad din ne segugunà neulii.

Juan 2:13

Meg̵aan en dutun edtumana te menge Hudiyu ziyà te inged he Hiruselim is Pista te Kedlevayi. Ne tenged kayi midhendiyà ensi Jesus te Hiruselim.

Nengeulaula 17:15

Sikan is menge maama he midhated ki Pablo, miduma zan kandin taman diyà te inged he Etinas. Ne zutun mid-ulì dan diyà te Biriya ne mibpenudtul zan ki Silas wey ki Timoteo he ibpeg̵aanggaan dan ibpetelukun ni Pablo.

Nengeulaula 17:21

(Umba egkekag̵i zan haazà su is menge tig-Etinas wey minsan is menge umuuliey zutun, utew zan egkesuat he ebpemineg wey ebpenudtul te menge penurù he sikan dan pa mezineg minsan ke egkehepunan pa.)

Nengeulaula 17:23

Su te kedrig̵urig̵u ku kayi te inged niw nengeehè ku is menge ed-ezapen niw. Ne zuen daan sevaha he pemuhatà he neehè ku he insurat dutun is lalag he edhenduen te, ‘Kayi ed-ezapa is Megbevayà he Wazè Pa Metueni.’ Ne sikan is Megbevayà he ed-ezapen niw minsan wazè niw pa metueni, iyan heini is ibpesavut ku en keniyu.

Nengeulaula 18:1

Wazà meug̵et ne mid-awà si Pablo zutun te Etinas ne midlaus diyà te Kurintu.

Nengeulaula 20:22

Ne g̵untaan, geina te edtumanen ku is sug̵ù kedì te Wag̵as he Mulin-ulin, edhendiyà a te Hiruselim. Ne kenè ku egketuenan ke hengkey is egkeulaula ku zutun.

1 Tiselunika 3:1

Ne hein kenè dey en egkeantus is kebulunga zey keniyu, sikami is tetelu, mid-isip dey he meupiya ke ebpetag̵ak is dezuwa kenami ziyà te inged he Etinas.