Nengeulaula 16:9 - Manobo Western Bukidnon

⁹ Ne si Pablo, te mezukilem dutun, duen impaahà kandin te Megbevayà. Neehè din is iring te etew he tigMesidunya he edhangyù kandin te, “Laus kew en dini te Mesidunya su wey key keniyu metevangi.”

Nengeulaula 16:9 Кръстосани препратки

Nengeulaula 10:3

Ne sengeandew te liwazè pa ebpenaug is andew zutun te mahapun, mibpaahà ki Cornelio is belinsug̵uen te Megbevayà. Ne nepurung memelmeleg̵i ni Cornelio haazà. Ne midseled dutun te valey haazà is belinsug̵uen ne migkeg̵iyan din si Cornelio te, “He Cornelio!”

Nengeulaula 10:30

Ne midtavak si Cornelio te, “Heepat en he andew g̵untaan, te iring kayi he uras dini a te valey te liwazè en ebpenaug is andew su ed-ampù a. Netekewtekew a te mibpaahà kedì is maama he ebpenganlag is bisti zin.

Nengeulaula 16:10

Ne zutun dà te neehè din en heini, nen-ehè key te paag̵i wey key mekelaus diyà te Mesidunya su nesavut dey he intuvad kenami is kedsengyawa te Meupiya he Tudtulanen diyà te menge tigMesidunya.

Nengeulaula 16:12

Ne midrenè key zutun ne mid-uzahik key ne nekeuma key ziyà te inged he Pilipus he ziyà te aney en he distritu te prubinsya he Mesidunya. Ne zutun te inged he Pilipus, ne mezakel is menge Rumanu he umuuliey. Ne nepipira key he andew zutun te inged he Pilipus.

Nengeulaula 18:5

Ne hein nekeuma si Silas wey si Timoteo is ebpuun te Mesidunya, wazà duma he vaal ni Pablo, kekenà, iyan dà is kebpesevuta zin te Lalag te Megbevayà su ibpeehè din te menge Hudiyu he tutuu iyan he iyan si Jesus sikan is mibpilì te Megbevayà he ibpahadì.

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

Nengeulaula 19:22

Ne zutun, impehuna zin diyà te Mesidunya is dezuwa he timbang din te ebaal te ebpeveelan te Megbevayà he si Timoteo wey si Irastu. Asal mibpetag̵ak dè pa sikandin diyà te prubinsya he Asya.

Nengeulaula 19:29

Ne zutun nekeeneb is samuk te tivuuk he inged. Ne haazà is dezuwa he zuma ni Pablo, si Gayu wey si Eristarku he menge tigMesidunya, midakep sikandan te menge etew ne migègaanan dan uwita ziyà te tig̵umanan te menge etew.

Nengeulaula 20:1

Ne si Pablo, hein mid-engked is menge etew he edsinamuk, midtig̵um din is menge sumusundan. Midweliyan din sikandan su wey meheg̵et is kedtuu zan ne impesavut din he edhipanew en sikandin. Ne migenat ne midlikù diyà te prubinsya he Mesidunya.

Nengeulaula 20:3

Ne zutun sikandin med-ubpà taman te tetelu he vulan. Ne zutun neisip din he ed-untud te barku su edhendiyà te Sirya, ne neisip daan dutun te menge Hudiyu he edekepen dan sikandin dutun te kegenat din, umba, nahalin is gehinawa zin su neisip din maan he edlikù diyà te imbayè din pehendiyà te Mesidunya.

Nengeulaula 27:2

Ne ziyà te Sisarya zuen barku he tig-Edremityu he edhendiyà te menge inged diyà te prubinsya he Asya. Ne mid-untud key ne migenat key. Is duma zey, ne iyan si Eristarku he tigTiselunika ziyà te prubinsya he Mesidunya.

Nengeulaula 9:38

Ne is inged he Hupi, uvey te inged he Lida, ne is menge sumusundan diyà te Hupi, hein nezineg dan he ziyà si Pedro te Lida, midsug̵ù dan diyà te kandin is dezuwa he maama he impepenudtul kandin te, “Hendini ka g̵aanggaan.”

Ruma 15:26

Su is menge tumutuu zini te prubinsya he Mesidunya, wey te prubinsya he Gerisya, neisip dan he meupiya ke ebeg̵ey zan te tavang diyà te menge tumutuu he egkengeayuayu ziyà te inged he Hiruselim.

2 Kurintu 11:9

Ne hein diyan a te keniyu ke zuen kinahanglan ku he selapì, wazè ku vuyua ziyan te keniyu su is menge suled tew he ebpuun diyà te prubinsya he Mesidunya, imbeg̵ey zan kedì is minsan hengkey he egkinehenglanen ku. Sikiyu is tigGerisya, wazè ku pa sikiyu vuyui te igkeuyag ku, ne kenà daan egkehimu he ebuyù a ziyan te keniyu te minsan keenu he timpu.

2 Kurintu 12:7

Mibeg̵ayan a te Megbevayà te utew merasey he zaru su wey ku kenà ikezantal is utew meupiya he nengeehè ku ziyà te langit. Ne heini is daru, ne egemiten ni Setanas he idrasey kedì, ne pinaag̵i kayi kenà a ebpekepelavew.

2 Kurintu 7:5

Ne hein nekeuma key en dini te prubinsya he Mesidunya, wazè key g̵ihapun meewai te menge seeng dey. Su nereg̵enan key te mezakel he samuk. Mibpekidtebek kenami is menge kuntada zey ne ingkeipeng dey is menge tumutuu.

2 Kurintu 8:1

Egkesuatan dey, menge suled, he metueni niw ke hengkey is nehimu tenged te g̵ag̵ew te Megbevayà diyà te menge tumutuu ziyà te Mesidunya.

2 Kurintu 9:2

su netuenan ku he zekelà is gustu niw te kedtavang. Migkeg̵iyan ku is menge tumutuu he tigMesidunya he layun dekelà is gustu niw te kedtavang. Migkag̵i ku kandan he puun pa zutun te nehuna he tuig daan naandam is gehinawa niw te menge tigGerisya te kebeg̵ey. Ne is kezekelan kandan, hein nezineg dan heini, mid-iseg is gustu zan te kedtavang daan.

1 Tiselunika 4:10

Netuenan ku he ebmahalen niw en is menge tumutuu ziyà te tivuuk he prubinsya he Mesidunya. Ne edhengyuan dey pa sikiyu, menge suled, he ipeiseg niw pa is kebmahala niw ziyà te g̵ehinawa niw te langun.