Nengeulaula 16:8 - Manobo Western Bukidnon

⁸ Ne tenged dutun diyè dan mekevayà te Misya ne midtupang dan ne nekeuma zan diyà te inged he Truwas he ziyà te veyvey te zag̵at.

Nengeulaula 16:8 Кръстосани препратки

Nengeulaula 16:11

Mid-untud key te barku ziyà te Truwas ne midhendiyè key te pulu he Semutrasya; ne zutun te ilis he andew midlaus key ne nekezunggù key ziyà te inged he Niyepulis.

Nengeulaula 16:7

Ne hein nekeuma zan diyà te netemanan te prubinsya he Misya, edlaus dan pezem diyà te prubinsya he Bitinya, iyan, wazà daan itug̵ut kandan te Wag̵as he Mulin-ulin he ebpuun diyà te ki Jesus.

Nengeulaula 20:5

Midhuna heini is menge zuma zey ne sikami ki Pablo, midteg̵azan key zan diyà te inged he Truwas.

Nengeulaula 20:6

Mid-untud key te barku ziyà te inged he Pilipus hein neiwas is Pista te Kegkaan te Supas he Wazè Din Tapey. Ne nekelima zutun nesaut dey sikandan diyà te Truwas ne zutun key med-ubpà taman te sengesimana.

2 Kurintu 2:12

Menge suled, hein midhendiyà a te inged he Truwas te kedsangyew te Meupiya he Tudtulanen, neehè ku he midhimu en te Nengazen is paag̵i wey ku ikepelaus is ebpeveelan din kedì.

2 Timoteo 4:13

Sikan is kumbalè ku he intag̵ak ku ziyà te ki Karpu he ziyà te Truwas, meupiya ke ed-uwiten nu zini. Uwita nu zaan sikan is midlulun he menge libru, lavew en sikan is diyà isurat te lundis.