Nengeulaula 16:33 - Manobo Western Bukidnon

³³ Ne zutun te metaneb pa is kezukileman, migkuwa si Pablo wey si Silas dutun te ebantey te pirisuwan, ne mibpenlùluan din is menge palì dan ne zutun mibewtismuwan dan sikandin wey is tivuuk he pemilya zin.

Nengeulaula 16:33 Кръстосани препратки

Mateo 3:6

Ne haazà he menge etew, intangdù dan is menge salè dan ne mibewtismuwan din sikandan diyà te wahig he Hurdan.

Lucas 19:9

Ne migkag̵i si Jesus diyà te kandin te, “Sikew wey menge zuma nu zini te valey, edlibriyen kew g̵untaan te Megbevayà te silut tenged te menge salè niw su mid-iringan niw g̵untaan is kepuun niw he si Abraham su midtuu kew te Megbevayà.

Nengeulaula 16:15

Mibpebewtismu sikandin wey is menge emurè din dutun te valey zin. Ne migkeg̵iyan key zin te, “Emun ed-isipen a keniyu he tutuu is kedtuu ku te Nengazen, diyè kew pemenahik te valey ku.” Ne wazè din mehimuwa zutun he wazè key mekezuma kandin.

Nengeulaula 16:23

Ne hein nepurung en mevug̵el si Pablo wey si Silas, mibpirisu sikandan. Sikan is ebantey zutun te pirisuwan, midteleenan dan he purungi zin bentayi haazà is dezuwa.

Nengeulaula 16:25

Ne hein metaneb en is kezukileman, mid-ampù si Pablo wey si Silas wey migkanta zan is edalig te Megbevayà, ne ebpememineg kandan is menge zuma zan he pirisu.

Nengeulaula 16:32

Ne sikandin wey is menge emurè din diyà te valey zin, impesavut kandan eni Pablo is Lalag te Nengazen.

1 Kurintu 1:16

Duen pe bes nebewtismuwan ku ziyan he iyan ensi Istipenas. Ne g̵awas dutun wazè ku en egketenuzan ke zuen pa nebewtismuwan ku ziyan te keniyu.

Gelasya 5:13

Na, menge suled, tutuu iyan he impetuu ki te Megbevayà wey ki zin melibri ne wazè en kinahanglan he ebpeuripen ki te kesug̵uan. Ne minsan pa zutun wazè ki melibri su wey iyan mebayàbayà kenita is mezaat he kebayà te lawa ta. Kinahanglan he tenged te zekelà is gag̵ew tew te menge zuma tew ne medtitinevangà is kada sevaha kenitew te menge tumutuu.

Gelasya 5:6

Su emun tumutuu ki en ki Jesu Kristu, neked-iiring kiw en diyà te Megbevayà is nengesirkunsidar wey is wazà mesirkunsidar. Iyan dà duen din pulus diyà te Megbevayà is kedtuu ta kandin he egketuusan heini pinaag̵i te g̵ag̵ew ta te zuma ta.

1 Pedro 3:21

Ne iyan teg̵ialung kayi te wahig is kebewtismu he ebpekelibri kenitew te silut. Ne haazà is kebewtismu, ne kenà iyan is kedlumpiyuwi te lawa tew ziyà te wahig, kekenà, iyan is kedhengyui tew te Megbevayà he maawè din is menge salè tew. Egkehimu heini tenged te mibanhew zin si Jesu Kristu.