Nengeulaula 16:28 - Manobo Western Bukidnon

²⁸ Ne zutun mibensag si Pablo te, “Kenè nu pelii is lawa nu su heini key zed te seled ne wazà mibpelag̵uy kenami.”

Nengeulaula 16:28 Кръстосани препратки

Mateo 5:44

Ne iyan mulà kediey he penurù is: ebpurungan ta is menge kuntada ta wey ebpenubtuvazan ta te meupiya is ebpesipala kenita.

Lucas 22:51

Ne zutun migkag̵i si Jesus diyà te menge sumusundan din te, “Ereg kew!” Ne zutun inlikù ni Jesus haazà is telinga zutun te nelepungan ne henduen te wazà pig̵eyanan gihapun te telinga zin.

Lucas 23:34

Ne zutun te kemulu zan pa idransang si Jesus, ne mid-ampù sikandin diyà te Megbevayà, ke sikandin te, “Amey ku, peseyluwa nu sikandan su wazè dan metueni ke hengkey heini is ed-ul-ulahan dan.” Ne zutun, haazà is midransang kandin, midripa zan ke hentei is ebpekeangken te menge ugelingen ni Jesus.

Nengeulaula 16:27

Ne zutun nepukew sikan is ebantey zutun te pirisuwan. Ne hein neehè din he nengepuwas is menge lekeb te pirisuwan, kunaan din ke nemekepelag̵uy is menge pirisu ne midhulavut din is sundang din. Edsundangen din en pezem is lawa zin su edhiket.

Nengeulaula 16:29

Ne haazà is ebantey, midsug̵ù he uwita is sulù ne migaanggaan medseled ne midluhud is egkerkeren diyà te etuvangan ni Pablo wey ni Silas.

1 Tiselunika 5:15

Kenè niw itug̵ut he zuen minsan hentei keniyu he ebales te mezaat, kekenà, mebpepurpurungè kew layun. Purungi niw zaan is minsan hentei he etew.