Nengeulaula 16:27 - Manobo Western Bukidnon

²⁷ Ne zutun nepukew sikan is ebantey zutun te pirisuwan. Ne hein neehè din he nengepuwas is menge lekeb te pirisuwan, kunaan din ke nemekepelag̵uy is menge pirisu ne midhulavut din is sundang din. Edsundangen din en pezem is lawa zin su edhiket.

Nengeulaula 16:27 Кръстосани препратки

Mateo 27:5

Ne haazà is selapì, insimburà ni Hudas dutun te simbahan ne mid-awà dutun su netag̵ù diyà te g̵ehinawa zin is kedhiket, ne zutun mibitey sikandin.

Nengeulaula 12:19

Impepengahà ni Hirudis, iyan, wazè dan sikandin maahà. Ne impepengimbistiga zin sikan is menge guwardya ne impepenhimetayan din sikandan. Ne zutun mid-awà si Hirudis diyà te prubinsya he Hudiya ne midtupang diyà te Sisarya ne ziyà med-ubpà.

Nengeulaula 16:28

Ne zutun mibensag si Pablo te, “Kenè nu pelii is lawa nu su heini key zed te seled ne wazà mibpelag̵uy kenami.”

Nengeulaula 16:36

Ne zutun midtudtul haazà ki Pablo te ebantey te pirisuwan. Ke sikandin te, “Insug̵ù te menge upisyal he Rumanu he ibpaawà kew en ki Silas. Ne ebpekeawà kew en kun asal kinahanglan he wazà samuk.”