Nengeulaula 16:25 - Manobo Western Bukidnon

²⁵ Ne hein metaneb en is kezukileman, mid-ampù si Pablo wey si Silas wey migkanta zan is edalig te Megbevayà, ne ebpememineg kandan is menge zuma zan he pirisu.

Nengeulaula 16:25 Кръстосани препратки

Lucas 22:44

Ne utew si Jesus dutun neseeng ne midheg̵etan din is ked-ampù din te Megbevayà ne edteg̵aktak is rimuseng din he iring te lengesa.

Nengeulaula 15:22

Ne zutun, is menge epustul wey ebmeg̵urangen wey is langun he menge tumutuu he Hudiyu, neisip dan he ebpilì dan te menge zuma zan he ibpezuma zan ki Pablo wey ki Bernabe ziyà te Entiyukya. Ne iyan nepilì dan si Silas wey si Hudas he sevaha he ngazan din si Bersabas. Ne haazà is dezuwa, telehuzen sikandan te menge tumutuu zutun.

Nengeulaula 16:19

Ne is menge teg̵iuripen dutun te vahi, hein netuenan dan he naawà is kegketig̵ayun dan pinaag̵i zutun te vahi, ne migewazan dan si Pablo wey si Silas ne miguyud dan pehendiyà te menge punuan te inged he zutun te pelasa.

Nengeulaula 16:33

Ne zutun te metaneb pa is kezukileman, migkuwa si Pablo wey si Silas dutun te ebantey te pirisuwan, ne mibpenlùluan din is menge palì dan ne zutun mibewtismuwan dan sikandin wey is tivuuk he pemilya zin.

Nengeulaula 5:41

Ne is menge epustul, migenat dan ne utew zan nelipey su mid-isip sikandan te Megbevayà he meinentusen te ked-el-eleza kandan tenged te kedtuu zan ki Jesus.

Ruma 12:12

Kinahanglan he layun kiw edlipey su zuen utew meupiya he egkezawat tew keuzemà. Ed-entusen tew is menge kemereg̵enan ne layun kiw ed-ampù diyà te Megbevayà.

Ruma 5:3

Ne kenà duen dà taman su ebelesen te kelipey is menge kemereg̵enan he nengeseg̵azan ta su netuenan ta he pinaag̵i kayi edlumbazen ki wey ki mehimu he meinentusen.

2 Kurintu 6:10

Mezakel is menge seeng dey, iyan, layun key egkelipey. Henduen be te utew key egkeayuayu, iyan, pinaag̵i kenami, edsepian te wazà pidtemanan is mezakel he menge etew. Henduen be te wazè dey azen, iyan, naangken dey is langun he ibeg̵ey te Megbevayà.

Ipisu 5:19

Emun ebpelelelag̵è kew, gemita niw is menge lalag diyà te menge Salmo wey menge kentahan he idalig te Megbevayà, wey menge kentahan he ibpinted keniyu te Wag̵as he Mulin-ulin. Kentahi niw is Megbevayà ne pinaag̵i kayi te menge kentahan wey te menge Salmo, medlipey kew is edalig te Megbevayà.

Pilipus 2:17

Is kedtuu niw te Megbevayà, ne iring te pemuhat he edewaten din. Ne emun egkesuatan din pa he id-uman is kebpatey ku kayi te pemuhat, igkelipey ku pa. Ne igkelipey ku zaan is kedtuu niw iring te nelipey kew.

Kulusas 1:24

Maambe ke ebpekeantus a g̵untaan te merasey su iyan igkezeyzey niw. Igkelipey ku heini su iring te kegkerasey ni Kristu edhimesazan ku en is langun he mereg̵en he ibpaantus din kediey su wey mezeyzey is lawa ni Kristu, he ke và dà egkeg̵iya, is menge tumutuu kandin.

Hibriyuhanen 5:7

Ne hein kemulu pa si Jesus dini te kelibutan, ne mibpenig̵is is luhè din ne nekelelendag sikandin tenged te utew meheg̵et is kebuyù din wey ked-ampù din diyà te Megbevayà he iyan ebpekelibri kandin te kemetayen. Ne tenged te zekelà is kedtahud din wey kedtumana zin te menge sug̵ù te Megbevayà, midineg is ked-ampù din te Megbevayà.

Santiago 1:2

Menge suled, mebmelipayen kew emun merasey is egkeulaula niw tenged te idtug̵ut te Megbevayà he zuen ebarangbarang he penggezam te kedtuu niw kandin.

Santiago 5:13

Ke zuen minsan hentei keniyu he egkeseeng, kinahanglan he med-ampù. Ke zuen egkelipey, megkanta sikandin te kedalig te Megbevayà.

1 Pedro 4:14

Utew kew zeyzey ke edsudien kew tenged te menge sumusundan kew ni Kristu su tuus heini he mid-ulinan kew te mekeg̵eg̵ehem he Mulin-ulin he iyan is Megbevayà.