Nengeulaula 16:22 - Manobo Western Bukidnon

²² Ne zutun midtistig̵usan haazà te mezakel he menge etew is kedsumbunga zan ki Pablo wey ki Silas; ne haazà is menge upisyal, mibpemindas dan is menge ugelingen ni Pablo wey ni Silas su edlevasan dan ne insug̵ù dan he vug̵ela haazà is dezuwa.

Nengeulaula 16:22 Кръстосани препратки

Mateo 10:17

Andam kew su edekepen kew zan, ne ed-uwiten kew zan diyà te hukmanan, ne ebug̵elen kew zan diyà te menge simbahan dan.

Mateo 27:26

Ne zutun midlibri ni Pilatu si Berabas. Ne impevug̵el zin si Jesus ne insug̵ù din te menge sundaru he iransang dan si Jesus diyà te krus.

Lucas 12:11

Ne emun tenged te kedtuu niw kedì ed-uwiten kew te menge etew ziyà te menge simbahan dan su edhukuman kew zan ne emun ed-imbistigahan kew zaan diyà te etuvangan te menge hadì wey huwis, kenè kew meseeng ke hengkey is idtavak niw kandan wey ke hengkey is paag̵i niw zutun.

Nengeulaula 16:37

Ne zutun, wazà dewata ni Pablo ne migkag̵i sikandin diyà te menge pulis te, “Kenà egkehimu su ed-inged key he zizalem te velaud te inged he Ruma ne nesupak dan is belaud te menge Rumanu su wazè key zan imbistigaha ne wazè key mekesupak te velaud, ne impevug̵el key zan diyà te etuvangan te langun he menge etew ne mibpirisu key zan. Ne g̵untaan id-eles-eles key keniyu ibpaawa! Kenà egkehimu su kinahanglan he iyan ebpaawà kenami sikan is menge egalen niw he upisyal he Rumanu.”

Nengeulaula 17:5

Ne zutun, nengesina engki Pablo is menge Hudiyu ne midtig̵um dan is mezakel he menge tepulan he wazà menge pulus he etew. Ne mid-eneb dan is tivuuk he inged te edsinamuk. Midhendiyè dan te valey ni Jason su edteg̵elen dan egkuwaa si Pablo wey si Silas su wey zan meuwit diyà te menge etew.

Nengeulaula 18:12

Ne hein iyan midhimu si Galyu he gubirnedur te prubinsya he Gerisya, midtig̵um is menge Hudiyu ne midakep dan si Pablo ne impeetuvang dan ki Galyu.

Nengeulaula 5:40

iyan, impeseled dan en maan haazà is menge epustul ne impevug̵el zan. Ne migkeg̵iyan dan haazà is menge epustul he kenè dan ipenurù is kedtuu te ngazan ni Jesus ne zutun impaawè dan.

2 Kurintu 6:5

Mibug̵el key, mibpirisu key, mibpesipelahan key te edsinamuk. Duen timpu he utew subra is terebahu zey ne nepurang key ne nevitil key zaan.

1 Tiselunika 2:2

Su wazè niw melipati is nehitavù kenami ziyà te inged he Pilipus hein wazè key pa mekeuma ziyan te Tiselunika. Wazè key zan urami te kebpemug̵el wey te kebpeelimungawi. Ne minsan pa zutun, tenged te kedtavang te Megbevayà wazè key mahandek he ebpenudtul ziyan te keniyu te Meupiya he Tudtulanen he ebpuun diyà te kandin, iyan, nereg̵enan key utew.

Hibriyuhanen 11:36

Duen pa tumutuu zengan he utew mid-eled-eled ne mibug̵el, ne is duma pa ne midhiketan ne mibpirisu.

1 Pedro 2:24

Iyan si Kristu midsilutan tenged te menge salè tew zutun te kedrensanga kandin diyà te krus. Umba iyan sikandin midsilutan su wey tew meengkezi is menge mezaat he ulaula ne wey tew iyan meulaula is metazeng. Is menge palì din dutun, ne iyan nekevawì kenitew.