Nengeulaula 16:18 - Manobo Western Bukidnon

¹⁸ Ne kada andew zutun iyan en haazà ed-ul-ulahan din. Ne te malù neug̵et, si Pablo, kenè en ebpekeantus ne midlilingey ne migkeg̵iyan din haazà is mezaat he mulin-ulin te, “Pinaag̵i te g̵ehem te ngazan ni Jesu Kristu, egkeg̵iyan ku sikew he med-awè ka keniyan te vahi!” Ne zutundutun mid-ewaan haazà is bahi te mezaat he mulin-ulin.

Nengeulaula 16:18 Кръстосани препратки

Mateo 14:24

Ne haazà is nemen-untud te avang, diyè dan en te lawed te ranew ne nereg̵enan sikandan te zekelà he vag̵el su egkesinug̵ung dan is dekelà he keramag.

Marcos 1:34

Ne zuen mezakel he egkengezeruwan dutun te migkelingulingu he menge zaru is nengeulian ni Jesus. Mezakel zaan he menge mezaat he mulin-ulin is impemaawè din puun dutun te menge etew. Ne haazà is menge mezaat he mulin-ulin, wazà tug̵uti ni Jesus he mekekag̵i sikandan su nekilala zan ke hentei si Jesus.

Marcos 16:17

Ne sikan is etew he edtuu kediey, duen menge singyal he egkehimu zan. Pinaag̵i te keg̵ehem te ngazan ku igkepeg̵uwè dan is menge mezaat he mulin-ulin he ebpenlalung te menge etew. Ne ebpekekag̵i sikandan te kineg̵iyan he kenè dan egketuenan.

Lucas 9:1

Ne midtig̵um ni Jesus sikan is sepulù wey zezuwa he menge sumusundan din. Ne kada sevaha kandan, mibeg̵ayan din te g̵ehem su wey zan mevewii is egkengezeruwan wey ikepemeg̵uwè is menge mezaat he mulin-ulin.

Nengeulaula 3:6

Ne migkag̵i si Pedro te, “Wazè ku naazen he vulawan wey selapì, iyan, is naazen ku, ibeg̵ey ku kenikew. Tenged te g̵ehem te ngazan ni Jesu Kristu he tigNeserit, ebpekehipanew ka!”

Nengeulaula 9:34

Ne migkeg̵iyan sikandin ni Pedro te, “He Iniyu, ebewian ka ni Jesu Kristu.” Enew ka ne tepiza nu is menge g̵elemiten nu te kedhizeg̵à. Ne zutundutun neulian si Iniyu ne mid-enew.

Kulusas 2:15

Ne haazà is menge kedesenan he mezaat he mulin-ulin he zuen dan keg̵ehem te kebayàbayà, in-awà te Megbevayà is keg̵ehem dan, ne pinaag̵i te kedsulituwa zin kandan pinaag̵i te kebpatey ni Kristu ziyà te krus, impeehè din he wazè dan en kebpekesukul.