Nengeulaula 15:7 - Manobo Western Bukidnon

⁷ Ne hein malù en netegteg̵aad dutun te kebivitiyara zan, midhitindeg si Pedro ne ke sikandin te, “Menge suled, netuenan niw he kayi te kenitew, iyan a sikan is mibpilì dengan te Megbevayà wey ku metudtul ziyà te kenà menge Hudiyu is Meupiya he Tudtulanen wey zan mekepemineg wey meketuu te Megbevayà.

Nengeulaula 15:7 Кръстосани препратки

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 3:27

Ne midtavak si Juan te, “Wazà gehem te minsan hentei ke wazà iveg̵ey kandin te Megbevayà.

Nengeulaula 1:16

“Menge suled, kenà egkehimu he kenà egketuman kes netagnà he insurat he Lalag te Megbevayà. Dengan mid-ulinan si David te Wag̵as he Mulin-ulin ne netagnè din si Hudas kes mibpalad ki Jesus diyà te edakep kandin.

Nengeulaula 1:24

Ne zutun in-ampù sikandan eni Pedro ke sikandan te, “Nengazen, iyan ka nesayud ke hengkey is diyà te g̵ehinawa te minsan hentei. Ne g̵untaan ipeehè nu kenami ke hendei zapit kayi te zezuwa is nepilì nu

Nengeulaula 10:19

Ne si Pedro zutun, kemulu zin pa ed-isipa ke hengkey is ibpesavut te neehè din. Ne zutun migkeg̵iyan sikandin te Wag̵as he Mulin-ulin te, “Duen tetelu he etew he ebpen-ahà kenikew.

Nengeulaula 10:20

Gaanggaan ka penaug ne kenè ka melenew he eduma kandan su iyan a midsug̵ù kandan.”

Nengeulaula 13:2

Ne zutun te ked-azap dan te Nengazen wey kedsalang dan te egkaan su ed-ampù dan, duen impesavut te Wag̵as he Mulin-ulin kandan. Ke sikandin te, “Ipeveyveyai niw kedì si Bernabe wey si Seulu su wey zan meveeli is ibpeveelan ku kandan.”

Nengeulaula 15:14

Is Megbevayà, migug̵ud en keniyu ni Simon Pedro is mid-ulaula zin hein aney zin en ipetuu is kenà menge Hudiyu su wey zuen menge etew zaan dutun he edsundan kandin.

Nengeulaula 15:2

Ne si Pablo wey si Bernabe, wazè dan dewata haazà is impenurù dutun te menge etew, ne utew mezesen is kebpekidlewanè dan, umba, is menge tumutuu zutun, midsug̵ù dan si Pablo, si Bernabe, wey is duma pa kandan he medhendiyè dan te Hiruselim wey zan ikeinsà haazà diyà te menge epustul wey menge ebmeg̵urangen te menge tumutuu ziyà.

Nengeulaula 15:39

Ne ingkesavè dan haazà, umba mibpesuwayè dan. Ne si Bernabe, miduma zin si Marcos ne mid-untud dan te barku ne midhendiyè dan te Sipru.

Nengeulaula 20:24

Iyan, kenè ku en egkenug̵unan heini is untung ku zini te kelibutan su wey ku mepasad is ebpeveelan kedì te Nengazen tew he si Jesus he iyan is kedsengyawa te Meupiya he Tudtulanen te g̵ag̵ew kenitew te Megbevayà.

Nengeulaula 21:16

Ne zuen menge tumutuu he tigSisarya he miduma kenami ziyà te Hiruselim. Inhated key zan diyà te valey he ebpemenehikan dey, diyà te valey ni Menasun he tigSipru. Sevaha sikandin dutun te nengehuna he menge sumusundan ni Jesus.

Nengeulaula 3:18

Impesavut dengan te Megbevayà pinaag̵i te tagnà te ebpemeneuven din he edresayen te menge etew is mibpilì din he ibpahadì. Ne midhimu zin he metuman heini pinaag̵i te mid-ulaula niw.

Nengeulaula 4:25

Iyan ka kes nekekag̵i zengan pinaag̵i te kepuun dey he sulug̵uen nu he si Hadì David, su mid-ulinan sikandin te Wag̵as he Mulin-ulin ne nekag̵i zin he, ‘Maan is utew nengepauk is menge etew he kenà menge Hudiyu, wey maan is ebpekeisip sikandan te wazè din pulus?

Nengeulaula 9:15

Ne migkeg̵iyan si Eneniyas te Nengazen te, “Beyai nu su nepilì ku sikandin wey zin ikesangyew is ngazan ku ziyà te menge etew he kenà Hudiyu wey minsan diyà te menge hadì wey ziyà daan te menge zuma nu he kevuwazan ni Israyil.

Pilipus 2:14

Is langun he ebpeveelan din keniyu, tumana niw te wazà kebpeneremudtemud wey kebelivad.