Nengeulaula 15:5 - Manobo Western Bukidnon

⁵ Ne zutun duen migkag̵i he menge tumutuu he sakup te upakat he Perisiyu, ne ke sikandan te, “Sikan is menge tumutuu he kenà menge Hudiyu, kinahanglan he edsirkunsidaren sikandan wey kinahanglan ded daan he ibpetuman kandan is kesug̵uan he imbilinbilin ni Moises.”

Nengeulaula 15:5 Кръстосани препратки

Mateo 3:7

Ne naahà ni Juan is mezakel he etew he menge Perisiyu wey menge Sedusiyu he edhendiyà te kandin su ebpebewtismu. Ne migkeg̵iyan din sikandan te, “Iring te ulaula te uled is ulaula niw su teruen kew. Maan is edhendini kew? Kunaan niw vuwa ke ebpekeg̵awas kew te silut te Megbevayà.

Nengeulaula 15:1

Ne zutun he timpu, duen menge Hudiyu he tumutuu he ebpemuun diyà te prubinsya he Hudiya he midhendiyà te inged he Entiyukya. Ne haazà he menge etew, duen ibpenurù dan diyà te menge kenà Hudiyu he tumutuu he tig-Entiyukya. Ke sikandan te, “Emun kenè niw edtumanen is insug̵ù kenitew te kesug̵uan he imbilinbilin dengan ni Moises he mebpesirkunsidar kew, kenà egkehimu he egkelibri kew te silut.”

Nengeulaula 15:24

Nezineg dey is tudtul he zuen menge zuma zey he Hudiyu he nekesamuk keniyu v su igkeliveg niw is menge penurù dan, iyan, wazè dey sikandan sug̵ua.

Nengeulaula 21:20

Ne hein nezineg dan haazà is tudtul ni Pablo, nemekezalig dan te Megbevayà. Ne migkeg̵iyan dan si Pablo te, “Netuenan nu, Suled, he utew zaan mezakel is menge zuma tew he Hudiyu he nemeketuu en ki Jesus, ne mibpurungan dan tumana is imbilinbilin kenitew he kesug̵uan.

Nengeulaula 24:14

Iyan, kenè ku igkeeled he egkeg̵iyen ku kenikew he ed-ezapen ku is Megbevayà he ed-ezapen daan dengan te menge kepuun dey. Iyan, heini is tuluuwen he edsunuzen ku, egkeg̵iyen kayi te menge etew he tarù. Ne edsunuzen ku zaan is langun he insurat duen te kesug̵uan he imbilinbilin dengan ni Moises wey is insurat dengan te ebpemeneuven te Megbevayà.

Nengeulaula 24:5

Iyan is: netuenan dey he heini is etew, utew mesamuk, su is menge vaal zin, ne iyan idsinamuk te menge Hudiyu ziyà te minsan hendei. Ne sevaha zaan sikandin he egalen te menge etew he egngezanan te menge Neserinu.

Nengeulaula 28:22

Egkesuatan dey te ebpemineg is menge penurù nu wey zey mesusi su netuenan dey he is menge tumutuu kayi te tuluuwen he ibpenurù nu, egkuntedahan te menge etew ziyà te minsan hendei.”

Nengeulaula 5:17

Ne zutun he timpu, is lavew he memumuhat wey menge zuma zin he menge Sedusiyu, utew zan nengesina zutun te menge epustul. Ne midwaleng dan dà

1 Kurintu 7:18

Penenglitan, ke zuen tumutuu he zaan he nesirkunsidar su wey metuusi he Hudiyu sikandin, ne iyan sambag ku kandin is kenè din ipaawà is tuus te kedsirkunsidara kandin. Ne iring din ded daan is etew he kenà Hudiyu zutun te kebpeketuu zin, kinahanglan he kenà sikandin ebpesirkunsidar.

Gelasya 2:11

Ne malù pa neug̵et dutun nekeuma si Pedro ziyà te kenami, te ziyè key te inged he Entiyukya. Ne hein aney sikandin mekeuma, hustu is mid-ulaula zin su mid-amur he egkaan te menge tumutuu he kenà menge Hudiyu. Iyan, hein nekeuma is menge tumutuu he Hudiyu he midsug̵ù ni Santiago, midlikayan din he mekekaan duma te kenà menge Hudiyu. Ne midsawey ku sikandin su utew keladu he kenà hustu is ed-ul-ulahan din. Umba midlikayan din su nahandek sikandin su kela ke ikesewayi kandin haazà is ulaula zin dutun te menge tumutuu he Hudiyu he egkag̵i he kinahanglan he ebpesirkunsidar is menge tumutuu he kenà menge Hudiyu.

Gelasya 2:14

Ne hein nesavut ku he ed-ul-ulahan dan is supak te tutuu he impenurù te Meupiya he Tudtulanen, migkeg̵iyan ku si Pedro ziyà te etuvangan te langun kandan, ke siak te, “Sikew, Pedro, sikan is menge tumutuu he kenè tew zuma he Hudiyu, maan is ibpetuman nu kandan is kesug̵uan tew te menge Hudiyu? Su minsan Hudiyu ka, mid-engkezan nu en is kedtumana nu kayi he kesug̵uan,” ke siak.