Nengeulaula 15:40 - Manobo Western Bukidnon

⁴⁰ Ne si Pablo mulà, mibpilì din si Silas he iyan edumahan din ne migenat dan daan. Ne is menge tumutuu zutun te Entiyukya, impengumew-umew zan te Megbevayà he tevangi zin haazà is dezuwa te hipanew zan.

Nengeulaula 15:40 Кръстосани препратки

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Nengeulaula 13:3

Ne mid-uman dan medsalang te egkaan ne mid-ampù dan diyà te Megbevayà, ne zutun indepenet dan is belad dan ki Bernabe wey ki Seulu ne impeg̵enat dan sikandan.

Nengeulaula 14:26

su ed-ulì dan diyà te inged he Entiyukya. Su is Entiyukya, iyan mibpuunan dan he inged hein aney iampù te menge tumutuu he elimahi sikandan te Megbevayà dutun te mibpeveelan din kandan he nepasad dan en.

Nengeulaula 15:22

Ne zutun, is menge epustul wey ebmeg̵urangen wey is langun he menge tumutuu he Hudiyu, neisip dan he ebpilì dan te menge zuma zan he ibpezuma zan ki Pablo wey ki Bernabe ziyà te Entiyukya. Ne iyan nepilì dan si Silas wey si Hudas he sevaha he ngazan din si Bersabas. Ne haazà is dezuwa, telehuzen sikandan te menge tumutuu zutun.

Nengeulaula 15:32

Ne si Hudas wey si Silas, ebpeneuven sikandan te Megbevayà, ne neug̵et is kebpekidlalag dan te menge tumutuu su midsembag̵an dan su wey meheg̵et is kezesen te kedtuu zan.

Nengeulaula 16:19

Ne is menge teg̵iuripen dutun te vahi, hein netuenan dan he naawà is kegketig̵ayun dan pinaag̵i zutun te vahi, ne migewazan dan si Pablo wey si Silas ne miguyud dan pehendiyà te menge punuan te inged he zutun te pelasa.

Nengeulaula 17:4

Ne zutun neketuu is duma he menge Hudiyu ne midsunud ki Pablo wey ki Silas. Mezakel zaan is nemeketuu he menge Gerisyahanen he zaan he edsimba te Megbevayà, wey elin daan nemeketuu is mezakel te menge vai zutun te inged.

Nengeulaula 20:32

Ne g̵untaan idsarig ku sikiyu ziyà te Megbevayà he iyan ebpeketavang keniyu. Ebpeketavang daan is impenurù ku keniyu he g̵ag̵ew zin kenitew. Is Megbevayà, iyan ebpekeveg̵ey kenitew te kezesen te kedtuu. Diyà te kandin egkekuwa ta zaan is kenita he vahin te menge tuvad he ibeg̵ey zin diyà te langun he menge tumutuu zin.

1 Kurintu 15:10

Iyan, utew zekelà is hizu kediey te Megbevayà. Umba nehimu a he epustul su zuen pulus te kegkehizuwi zin kediey. Tenged kayi, dekelà is nehimu ku kenà te nehimu te langun he menge zuma ku he epustul, asal, kenà a iyan is nekehimu kayi, kekenà, nehimu heini is langun pinaag̵i te tavang te Megbevayà.

2 Kurintu 13:14

Berakat he ikeg̵ag̵ew kew te Nengazen tew he si Jesu Kristu wey verakat he ipeehè keniyu te Megbevayà he mahal kew ziyà te g̵ehinawa zin wey verakat daan he meheg̵et is upakat niw te Wag̵as he Mulin-ulin. Iyan a si Pablo.

2 Timoteo 4:22

Berakat he zumahi kew te Nengazen. Ikeg̵ag̵ew kew zin is langun. Iyan a si Pablo.

Tito 3:15

Ebpepengemusta kenikew is langun he menge zuma ku kayi. Ipengemusta key zaan te langun he menge emig̵u zey he tumutuu ziyan. Berakat he ikeg̵ag̵ew kew te Megbevayà is langun.