Nengeulaula 15:36 - Manobo Western Bukidnon

³⁶ Ne hein neug̵et en dutun, migkeg̵iyan ni Pablo si Bernabe te, “Edlikuan ta nasì te edlauy is menge tumutuu ziyà te menge inged he mibpesevutan ta te Lalag te Nengazen.”

Nengeulaula 15:36 Кръстосани препратки

Mateo 25:36

Hein wazè ku ugelingen mibeg̵ayan a keniyu; hein nezeruwan a, mid-elimahan a keniyu. Hein nepirisu a, midlauy a keniyu.’

Mateo 25:43

Wazè ku egkepemenehikan ne wazà a keniyu zewata ziyà te valey niw. Egkinahanglan a te ugelingen, iyan, wazà a keniyu meveg̵ayi. Nezeruwan a, ne ziyà a te pirisuan, iyan, wazà a keniyu leuya.’

Nengeulaula 13:12

Ne zutun neketuu haazà is gubirnedur geina te neehè din haazà is neulaula, su utew sikandin neinuinu te impesavut kandin he keag̵i te Nengazen.

Nengeulaula 13:4

Ne haazà is dezuwa, geina te midsug̵ù sikandan te Wag̵as he Mulin-ulin, midlazas dan pehendiyà te inged he Silusya ne zutun mid-untud dan te barku su edhendiyè dan te pulu te zag̵at he egngezanan te Sipru.

Nengeulaula 13:51

Ne zutun te ked-awà ni Pablo wey si Bernabe, in-awè dan is tanà diyà te parapara zan wey metueni te menge etew he kuntada sikandan te Megbevayà. Ne midlaus dan diyà te inged he Ikunya.

Nengeulaula 14:1

Ne haazà is neulaula ziyà te Entiyukya, ne iring din ded daan is neulaula ziyà te Ikunya su midseled si Pablo wey si Bernabe diyà te simbahan te menge Hudiyu ne utew mezesen is kebpesevuta zan te Lalag te Megbevayà. Ne tenged dutun mezakel is menge Hudiyu wey kenà menge Hudiyu he neketuu ki Jesus.

Nengeulaula 14:21

Ne impesavut ni Pablo wey ni Bernabe is Meupiya he Tudtulanen diyà te menge etew ziyà te Dirbi, ne mezakel zutun is midsundan ki Jesus. Ne zutun mid-ikul zan is imbayè dan ne midlikù dan diyà te inged he Listera, wey ziyà te inged he Ikunya wey Entiyukya he ziyà te prubinsya he Pisidya.

Nengeulaula 14:6

Ne hein netuenan heini eni Pablo, mibpelag̵uy zan pehendiyà te inged he Dirbi wey Listera wey te siringan dutun he menge inged diyà te prubinsya he Likeunya.

Nengeulaula 7:23

Ne hein kepatan en is penuig̵en ni Moises, neisip din he ebpenumbelayan din is menge zuma zin he menge kevuwazan ni Israyil.

Ruma 1:11

Su utew ku igkesuat is kedhendiyan ku te keniyu, ne egkesuatan ku he ibpenurù ku keniyu is impenurù kediey te Wag̵as he Mulin-ulin su wey meheg̵et is kedtuu niw te Megbevayà.

2 Kurintu 11:28

Ne kenà duen dà taman su andew-andew egkereg̵enan a te kedumelaha ku te langun he menge gurupu te menge tumutuu ziyà te minsan hendei.

Pilipus 1:27

Menge suled, ke minsan hengkey is egkehitavù kediey, utew kinahanglan he is menge ulaula niw, ne kenà ebpekesuwey te impenurù ni Kristu pinaag̵i te Meupiya he Tudtulanen. Su emun kenè kew edsuwey kayi, minsan ke kenà a ebpekelikù diyan, egketudtulan a he nesevaha is gehinawa niw wey tuyù niw te kedhag̵ù su wey metuuwi te mezakel he menge etew is Meupiya he Tudtulanen.

1 Tiselunika 3:6

Ne iyan pa kebpekeuma ni Timoteo he ebpuun diyan te Tiselunika. Ne meupiya is tudtul zin he mezesen ded is kedtuu niw te Megbevayà wey ebmahalen niw zaan diyà te g̵ehinawa niw is menge zuma niw. Ne iyan daan tudtul zin is: utew meupiya is gehinawa niw kenami, ne ebulungen kew kenami iring te kebulunga zey zaan keniyu.

2 Timoteo 1:4

Ne emun egketenuzan ku is kedtig̵is te luhè nu zutun te ked-ewai ku kenikew, utew a kenikew ebulunga ne utew a egkesuat he meked-uman ki meked-uma wey a utew melipey.