Nengeulaula 15:31 - Manobo Western Bukidnon

³¹ Ne is menge tumutuu, hein nevasa zan, utew zan nengelipey zutun te sambag kandan.

Nengeulaula 15:31 Кръстосани препратки

Nengeulaula 15:1

Ne zutun he timpu, duen menge Hudiyu he tumutuu he ebpemuun diyà te prubinsya he Hudiya he midhendiyà te inged he Entiyukya. Ne haazà he menge etew, duen ibpenurù dan diyà te menge kenà Hudiyu he tumutuu he tig-Entiyukya. Ke sikandan te, “Emun kenè niw edtumanen is insug̵ù kenitew te kesug̵uan he imbilinbilin dengan ni Moises he mebpesirkunsidar kew, kenà egkehimu he egkelibri kew te silut.”

Nengeulaula 15:10

Ne maan is egezamen niw is pauk te Megbevayà? Maan is ibpetuman niw te menge zuma tew he sumusundan ni Jesus is menge imbilinbilin he kesug̵uan he utew mereg̵en, he sikitew wey is ginikanan tew, wazà daan meketuman.

Nengeulaula 15:30

Ne zutun, migenat haazà is midsug̵ù ne nekeuma zan diyà te Entiyukya. Ne midtig̵um dan is langun he menge tumutuu ne indata zan haazà is surat.

Nengeulaula 15:32

Ne si Hudas wey si Silas, ebpeneuven sikandan te Megbevayà, ne neug̵et is kebpekidlalag dan te menge tumutuu su midsembag̵an dan su wey meheg̵et is kezesen te kedtuu zan.

Nengeulaula 16:5

Ne tenged dutun neheg̵et is kedtuu te menge tumutuu ne mid-iseg te kada andew is kezakel te nemeketuu.

Gelasya 5:1

Pinaag̵i te kebelukasi kenitew ni Kristu, nelibri kiw en te kedtumana te kesug̵uan. Umba, kinahanglan he edsukul kiw is mibelukasan su wey kenè kiw en maan meuripen.

Pilipus 3:3

Iyan kiw kes tutuu he menge sakup te Megbevayà, ne kenà iyan sikandan, su pinaag̵i te Wag̵as he Mulin-ulin ed-azap kiw te Megbevayà ne edlipey kiw tenged te upakat tew ki Jesu Kristu. Ne kenè tew iyan edserig̵an is kelibutanen he ulaula iring te kebpesirkunsidar.