Nengeulaula 15:3 - Manobo Western Bukidnon

³ Ne hein migenat dan, midtevangan sikandan te menge tumutuu. Ne ziyè dan mekevayà te prubinsya he Pinisya wey prubinsya he Semarya ne impenudtul zan te menge tumutuu zutun he nemeketuu en is mezakel he kenà menge Hudiyu. Mibpenudtul zan he mid-ewaan en te kenà menge Hudiyu is daan he tuluuwen dan wey zan mekesundan te Megbevayà. Ne hein nezineg haazà te menge tumutuu ziyà, nengelipey zan utew.

Nengeulaula 15:3 Кръстосани препратки

Lucas 15:32

Ne kenè ta egkeeg̵en is kelipey ta, su heini is hazi nu, ne iring sikandin te minatey, ne g̵untaan neuyag̵an en. Netazin sikandin, ne g̵untaan neturedu en.’ ”

Nengeulaula 1:15

Ne nekepira zutun, nengetig̵um is menge tumutuu, menge nenggatus wey keluwaan sikandan is mibpetemtempuwà dutun; ne midhitindeg si Pedro is egkag̵i te,

Nengeulaula 13:48

Ne hein nezineg haazà te menge etew zutun he kenà menge Hudiyu, nengelipey zan utew ne mibpeselematan dan is impesavut kandan te Nengazen. Ne is langun he menge etew he imbanglis kandan te Megbevayà is untung he wazà pidtemanan, nemeketuu.

Nengeulaula 13:52

Ne is menge sumusundan ni Jesus he netag̵ak diyà te inged he Entiyukya, mid-ulinan te Wag̵as he Mulin-ulin ne utew zekelà is kelipey zan.

Nengeulaula 14:27

Ne hein nekeuma zan diyà te Entiyukya, midtig̵um dan is menge tumutuu ne midtudtul zan is langun he nehimu te Megbevayà pinaag̵i kandan wey is kedhimuwa zin te paag̵i wey meketuu is menge etew he kenà Hudiyu.

Nengeulaula 15:1

Ne zutun he timpu, duen menge Hudiyu he tumutuu he ebpemuun diyà te prubinsya he Hudiya he midhendiyà te inged he Entiyukya. Ne haazà he menge etew, duen ibpenurù dan diyà te menge kenà Hudiyu he tumutuu he tig-Entiyukya. Ke sikandan te, “Emun kenè niw edtumanen is insug̵ù kenitew te kesug̵uan he imbilinbilin dengan ni Moises he mebpesirkunsidar kew, kenà egkehimu he egkelibri kew te silut.”

Nengeulaula 15:12

Ne zutun, wazè en midtavak; ne mibpemineg dan is tudtul ni Bernabe wey si Pablo te langun he egkengein-inuwan he mibeelan te Megbevayà pinaag̵i kandan hein diyè dan te kenà menge Hudiyu.

Nengeulaula 15:22

Ne zutun, is menge epustul wey ebmeg̵urangen wey is langun he menge tumutuu he Hudiyu, neisip dan he ebpilì dan te menge zuma zan he ibpezuma zan ki Pablo wey ki Bernabe ziyà te Entiyukya. Ne iyan nepilì dan si Silas wey si Hudas he sevaha he ngazan din si Bersabas. Ne haazà is dezuwa, telehuzen sikandan te menge tumutuu zutun.

Nengeulaula 15:32

Ne si Hudas wey si Silas, ebpeneuven sikandan te Megbevayà, ne neug̵et is kebpekidlalag dan te menge tumutuu su midsembag̵an dan su wey meheg̵et is kezesen te kedtuu zan.

Nengeulaula 15:4

Ne hein nekeuma zan diyà te Hiruselim, midtelavuk kandan he nengeg̵alew is langun he tumutuu wey is menge epustul wey menge ebmeg̵urangen, ne impenudtul ni Pablo wey ni Bernabe is langun he nengeveelan te Megbevayà pinaag̵i kandan.

Nengeulaula 17:15

Sikan is menge maama he midhated ki Pablo, miduma zan kandin taman diyà te inged he Etinas. Ne zutun mid-ulì dan diyà te Biriya ne mibpenudtul zan ki Silas wey ki Timoteo he ibpeg̵aanggaan dan ibpetelukun ni Pablo.

Nengeulaula 20:38

Utew zan ingkeseeng is lalag din he kenè dan en maan sikandin egkeahà. Ne zutun midumahan dan diyà te barku.

Nengeulaula 21:5

Iyan, hein neume en is kegenat dey, mid-awè key zutun te inged. Ne nemenduma kenami is langun he menge tumutuu, maama se vahi wey menge anak dan. Ne midluhud key zutun te veyvey te zag̵at is ed-ampù.

Nengeulaula 8:14

Ne nezineg te menge epustul ziyà te Hiruselim he neketuu en te Lalag te Megbevayà is menge tigSemarya. Ne tenged dutun midsug̵ù dan diyà si Pedro wey si Juan.

Ruma 15:24

egkeisip ku he g̵untaan human e en ebpekehendiyan te keniyu. Egkesuatan ku he mekehendiyà a te Ispanya, iyan, edtuluy a ziyan te keniyu. Ne emun egkeipus haazà is mevavà he kebpekiduma ku keniyu he igkelangan ku, ne egketevangan a keniyu zutun te kedhipanew ku.

1 Kurintu 16:11

Kinahanglan he edtehuzen niw sikandin, ne emun edlaus te hipenawan din ne tevangi niw sikandin, ne ipeehè niw is gag̵ew niw kandin su wey mekelikù sikandin dini te kedì, su ebpeebuten ku sikandin wey is menge zuma zin he menge suled tew te kedtuu.

1 Kurintu 16:6

Ne malù a egkeug̵et ke ziyan e en te keniyu. Kenà a vuwa ed-awà diyan taman te kenè pa egketapus is tipenguzan. Ne zutun te kedlaus ku, meupiya ke edtevangan a keniyu zutun te kedhipanew ku ke hendei a ebpevayà.

2 Kurintu 1:16

su iyan pezem dini te isip ku is: edtuluy a ziyan ke edhendiyà a te Mesidunya ne emun ed-ulì a ne edtuluy e zed maan diyan te keniyu su wey a zaan metevangi keniyu zutun te kedhendiyè ku te prubinsya he Hudiya.

Tito 3:13

Himuwa nu is taman te egkehimu nu wey nu metevangi is ebugadu he si Sinas wey si Epulus ke edhipanew zan. Susiya nu sikandan su wey wazà kurang dan.