Nengeulaula 15:29 - Manobo Western Bukidnon

²⁹ Ne iyan is: kenè niw keena is impemuhat diyà te kenà tutuu he Megbevayà. Kenè niw keena is lengesa, ne kenè niw zaan keena is edlepaan he kenà ebpekelelengesa; kenè niw hileveti is kenè niw esawa. Emun edtumanen niw heini, meupiya en. Iyan dà heini lalag dey.”

Nengeulaula 15:29 Кръстосани препратки

Lucas 9:61

Ne zuen pa zutun sevaha he etew he egkag̵i zaan diyà te ki Jesus te, “Datù, edsundan a kenikew, iyan, ed-ulì e pa su ibpesayud ku is bevelayan ku.”

Nengeulaula 15:20

Iyan is: ebpesuratan tew sikandan ne egkeg̵iyen tew kandan he kenè dan megkaan te egkeenen he indawey su impemuhat diyà te menge kenà tutuu he megbevayà; ne kenè dan daan hileveti is kenè dan esawa, wey kenè dan daan megkaan te lengesa wey te edlepaan he kenà ebpekelelengesa. Iyan dà heini menge sug̵ù he imbilinbilin ni Moises he ibpetuman tew kandan.

Nengeulaula 18:21

Su ke sikandin dutun te kegenat din te, “Edlikù a zini ke edtug̵ut is Megbevayà.” Ne nekeuntud te barku ne mid-awà diyà te Ipisu.

Nengeulaula 21:25

Ne is menge kenà Hudiyu mulà he nemeketuu, migkag̵i zey en dengan kandan pinaag̵i te surat is menge idsug̵ù dey kandan he kinahanglan he kenè dan megkaan te impemuhat diyà te kenà hustu he megbevayà wey kenè dan daan keena is lengesa wey is edlepaan he kenà ebpekelelengesa. Ne kinahanglan daan he kenè dan hileveti is kenè dan esawa.”

Nengeulaula 23:30

Ne hein netuenan ku he ed-eyanan sikandin te menge Hudiyu, neisip ku he ibpeuwit diyan. Ne migkeg̵iyan ku is menge midsumbung kandin he ziyan dan ebpekeetuvang te kenikew.”

2 Kurintu 11:9

Ne hein diyan a te keniyu ke zuen kinahanglan ku he selapì, wazè ku vuyua ziyan te keniyu su is menge suled tew he ebpuun diyà te prubinsya he Mesidunya, imbeg̵ey zan kedì is minsan hengkey he egkinehenglanen ku. Sikiyu is tigGerisya, wazè ku pa sikiyu vuyui te igkeuyag ku, ne kenà daan egkehimu he ebuyù a ziyan te keniyu te minsan keenu he timpu.

2 Kurintu 13:11

Menge suled, iyan dà heini menge lalag ku keniyu; berakat he mebmelipayen kew. Purungi niw is menge ulaula niw; tumana niw is menge sambag ku keniyu. Kinahanglan he mesevaha is gehinawa niw ne mebmelinawen is ked-ubpè niw. Su emun ebeelan niw heini, is Megbevayà he iyan puunà te g̵ag̵ew wey kelinew, layun eduma keniyu.

1 Timoteo 5:22

Kinahanglan he kenè nu zegdeg̵usuwi is kebpilì nu te ed-uwit te menge tumutuu su ke ebpekesalà sikandin iyan ka egkevesulan. Ne kinahanglan he wazà igkevesuli kenikew he iring kayi.

Santiago 1:27

Is etew he hustu is ked-azap din te Megbevayà, edlikayan din is menge mezaat he ulaula he iyan ed-ul-ulahan te menge etew zini te kelibutan he kuntada te Megbevayà. Meupiya mulà is ulaula zin. Ebpurungan din is menge edlised he menge ilu he vatà wey menge valu he vahi. Iyan heini egkesuatan te Amey tew he Megbevayà he paag̵i te ked-ezapa tew kandin.

1 Juan 5:21

Menge anak ku, likayi niw is ked-ezapa te minsan hengkey he kenà iyan is tutuu he Megbevayà.

Hudas 1:24

Utew zekelà is kebpeselemati tew te Megbevayà. Iyan metau he edtavang kenitew su wey kenè kiw mekesuwey ziyà te kandin. Iyan metau he id-etuvang kiw keuzemà kandin diyà te vulawan he ed-ulian he wazà igkesewayi kenitew he utew zekelà dutun is kelipey tew.

Impezayag 2:14

Duen nepipira he menge ulaula niw he kenè ku egkesuatan, su zuen duma keniyu he edsunuzen dan is impenurù dengan ni Belaam. Su si Belaam, impenurù din dengan ki Balak is paag̵i wey mepenulayi is menge kevuwazan ni Israyil. Iyan is kegkaan te impemuhat diyà te kenà tutuu he megbevayà wey is kedhilavet te kenè dan esawa.

Impezayag 2:20

Ne minsan pa zutun, duen ulaula niw he kenè ku egkesuatan su sikan is bahi he si Hisibil he egkeg̵iyen din he ebpeneuven sikandin te Megbevayà, idtug̵ut niw he ibpenurù din is mezaat he ulaula ziyà te menge sulug̵uen ku. Egkag̵i sikandin he kenà supak te Megbevayà is kedhilavet te kenè niw esawa wey is kegkaan te impemuhat diyà te menge kenà tutuu he megbevayà.