Nengeulaula 15:28 - Manobo Western Bukidnon

²⁸ Impesavut kenami te Wag̵as he Mulin-ulin ne neuyunan dey zaan he kenè dey keniyu ibpetuman is memereg̵en he imbilinbilin he kesug̵uan; iyan dà heini is utew kinahanglan he edtumanen niw.

Nengeulaula 15:28 Кръстосани препратки

Mateo 11:30

Is kedì he idsug̵ù keniyu, melemu; ne kenà mereg̵en is ebpeveelan ku keniyu.”

Mateo 23:4

Utew mezakel is mereg̵en he tulumanen he ibpetuman dan te menge etew, iyan, wazà minsan hengkey he idtavang dan dutun te menge etew wey meketuman haazà is etew zutun te ibpetuman dan.

Juan 16:13

Ne sikan is Wag̵as he Mulin-ulin he ebpenurù te tutuu he tuluuwen, emun dini en sikandin te keniyu, ibpesavut din keniyu is langun he tutuu. Kenè din iyan ibpesavut is kandin dà he isip, kekenà, iyan ibpesavut din is nezineg din diyà te Amey ku. Ibpesavut din daan keniyu is egkeulaula keuzemà.

Nengeulaula 15:19

Umba,” ke si Santiago, “iyan kedì he sambag is: heini is menge etew he kenè tew zuma te Hudiyu he edtuu te Megbevayà, kenè tew sikandan edsemuken.

Nengeulaula 15:25

Ne tenged kayi, netig̵um key zini ne neuyunan dey he edsug̵uen dey ziyan is ebpekepesavut keniyu. Eduma zan ki Pablo wey ki Bernabe he minahal he suled tew.

Nengeulaula 15:8

Ne is Megbevayà, impeehè din kenitew is kedewata zin te kenà menge Hudiyu su imbeg̵ey zin kandan is Wag̵as he Mulin-ulin iring te kebeg̵aya zin dini te kenitew. Nesayud sikandin te minsan gehinawa tew te menusiyà.

Nengeulaula 16:4

Ne migenat dan en maan ne zutun te langun he menge inged he imbayè dan, impesavut dan diyà te kenà Hudiyu he menge tumutuu zutun is insug̵ù te menge epustul wey ebmeg̵urangen diyà te Hiruselim, ne migkag̵i zan kandan he kinahanglan he iyan haazà bentayi zan.

Nengeulaula 5:32

Ne sikami, ebpeketistig̵us key he nengeulaula heini is langun. Ne ebpirmahan daan heini te Wag̵as he Mulin-ulin su mibpeulinan kandin te Megbevayà is langun he edtuman te menge sug̵ù din.”

1 Kurintu 14:37

Ke zuen etew he ed-isipen din he zuen ketau zin he imbeg̵ey te Wag̵as he Mulin-ulin, ne emun kenà, ne zuen ibpekag̵i kandin te Megbevayà, ne kinahanglan he ventayi zin is ibpesavut ku keniyu kayi te surat su kenà dini zà te kediey ebpuun heini he menge sug̵ù, kekenà, diyà te Nengazen.

1 Kurintu 7:25

Ne sikiyu zaan is wazè pa esawa, wazè ku sug̵ù keniyu he ebpuun te Nengazen, iyan, siak is nehimu he egkeserig̵an tenged te zekelà he hizu kediey te Megbevayà, duen sambag ku keniyu.

1 Kurintu 7:40

Iyan, meupiya pa is kebpekesavuk dutun te vahi ke kenè en sikandin ebpeesawa. Kediey zà he isip heini, iyan, edtuuwan ku he impinted kediey heini te Wag̵as he Mulin-ulin.

1 Tiselunika 4:8

Emun ebpesegdanen niw heini is penurù ku keniyu, kenè niw iyan dà egkepesagdan is penurù te etew, kekenà, iyan niw egkepesagdan is penurù te Megbevayà. Iyan sikandin kes mibeg̵ey kenitew te Wag̵as he Mulin-ulin.

1 Pedro 1:12

Impezayag kandan te Megbevayà he kenà kandan he ibmeupiya haazà is netagnè dan dutun, kekenà, kenitew g̵untaan. Ne g̵untaan impesavut en keniyu is tutuu mehitenged dutun te netagnè dan. Duen menge etew he midsug̵ù te Megbevayà su wey zan metudtul keniyu is Meupiya he Tudtulanen. Mid-ulinan sikandan te Wag̵as he Mulin-ulin he midsug̵ù te Megbevayà. Ne heini is impesavut dan keniyu, minsan is menge velinsug̵uen te Megbevayà ziyà te langit, egkesuatan dan he mesavut dan heini.

Impezayag 2:24

Ne sikiyu is duma ziyan te Tiyetira he wazà mekezawat te penurù dutun te vahi, he ke và dà egkeg̵iya, wazè niw zewata is egngezanan te menge mezalem he penurù ni Setanas, wazè en duma pa he ebpeveelan ku keniyu.