Nengeulaula 15:25 - Manobo Western Bukidnon

²⁵ Ne tenged kayi, netig̵um key zini ne neuyunan dey he edsug̵uen dey ziyan is ebpekepesavut keniyu. Eduma zan ki Pablo wey ki Bernabe he minahal he suled tew.

Nengeulaula 15:25 Кръстосани препратки

Mateo 11:26

Umba ebpeselematan ku su midhimu nu heini te iring kayi tenged te iyan egkesuatan nu tenged te g̵ag̵ew nu.”

Lucas 1:3

Ne siak daan guntaan, geina te mibpurungan ku te ed-istudyu heini, puun pa te puunà kayi te nengeulaula, neisip ku he meupiya zaan ke ebpurungan ku kenikew te edsurat is kegug̵uza kayi te langun.

Nengeulaula 1:14

Is langun kandan, nesevaha is gehinawa zan te ked-ampù diyà te Megbevayà ne midtampu zaan is menge vahi. Elin dutun si Maria sikan is iney ni Jesus wey is menge hazi ni Jesus.

Nengeulaula 15:2

Ne si Pablo wey si Bernabe, wazè dan dewata haazà is impenurù dutun te menge etew, ne utew mezesen is kebpekidlewanè dan, umba, is menge tumutuu zutun, midsug̵ù dan si Pablo, si Bernabe, wey is duma pa kandan he medhendiyè dan te Hiruselim wey zan ikeinsà haazà diyà te menge epustul wey menge ebmeg̵urangen te menge tumutuu ziyà.

Nengeulaula 15:22

Ne zutun, is menge epustul wey ebmeg̵urangen wey is langun he menge tumutuu he Hudiyu, neisip dan he ebpilì dan te menge zuma zan he ibpezuma zan ki Pablo wey ki Bernabe ziyà te Entiyukya. Ne iyan nepilì dan si Silas wey si Hudas he sevaha he ngazan din si Bersabas. Ne haazà is dezuwa, telehuzen sikandan te menge tumutuu zutun.

Nengeulaula 15:35

Ne neug̵et maan dutun is ked-ubpà ni Pablo wey ni Bernabe ziyà te Entiyukya. Sikandan wey is mezakel he menge zuma zan, impenurù dan wey impesavut dan is Lalag te Nengazen.

Nengeulaula 15:6

Ne zutun miburunburun is menge epustul wey menge ebmeg̵urangen wey zan memitingi.

Nengeulaula 2:1

Ne hein andew en te pista he egngezanan te Pintikusti nevurun kes langun he menge tumutuu ziyà te sevaha he valey.

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

Ruma 16:12

Ipengemusta a ki Tripina wey si Tripusa he menge meg̵ied he sulug̵uen te Nengazen. Ipengemusta a zaan ki Persida he utew ku emig̵u. Utew zekelà is nehimu zin te kedtumana zin te ebpeveelan kandin te Nengazen.

1 Kurintu 1:10

Menge suled ku tenged te kedtuu, duen idhangyù ku keniyu pinaag̵i te kebayàbayà kenitew te Nengazen tew he si Jesus; iyan is: kinahanglan he kenè kew mevahinbahin, kekenà, uyun-uyun kew su wey mesevaha is isip niw wey g̵ehinawa niw.

Gelasya 2:9

Ne si Santiago, si Pedro, wey si Juan, haazà is menge egalen dutun, hein nesavut dan he insarig kediey te Megbevayà heini is baal ku, mibpekigkumusta zan kenami ki Bernabe he tuus te teltelezuma key pudu is edtuman te ebpeveelan te Megbevayà. Neuyunan dey he iyan key ebpenudtul ziyà te menge etew he kenà Hudiyu ne iyan dan ebpenudtul ziyà te menge Hudiyu.

Ipisu 6:21

Si Tikiku is minahal tew he suled wey metinumanen he sulug̵uen te Nengazen tew, iyan ebpeketudtul keniyu mehitenged te kebpekesavuk ku wey ke hengkey is egkeulaula ku kayi.

Kulusas 4:7

Is langun he nengehitavù kedì dini, ne egketuenan niw ziyà te ki Tikiku te sevaha he suled tew he utew minahal. Duma zey sikandin he sulug̵uen te Nengazen he utew metinumanen te ebpeveelan kandin te Megbevayà.

Kulusas 4:9

Iyan duma ni Tikiku, si Unisimu, is sevaha zaan he suled tew he metinumanen daan te menge sug̵ù te Nengazen. Minahal zey zaan sikandin. Duma niw si Unisimu he tigKulusas. Edtudtulan kew zan te langun he neulaula zini.

Pilimun 1:16

Ne g̵untaan kenà sikandin uripen nu zà duen, kekenà, utew pa mahal kenà is uripen su suled nu en daan tenged te kedtuu zin ki Kristu. Utew sikandin mahal zini te g̵ehinawa ku ne mahal pa zaan diyan te kenikew, kenà tenged dà te uripen nu, kekenà, tenged daan te suled nu en tenged te Nengazen.

2 Pedro 3:15

Kenè niw lipati he iyan ibpelevaya te Megbevayà kenitew su wey melibri ki te silut din. Iyan daan heini impesavut keniyu te emig̵u tew he si Pablo zutun te surat he impeuwit din keniyu. Impinted heini kandin te Megbevayà.