Nengeulaula 15:22 - Manobo Western Bukidnon

²² Ne zutun, is menge epustul wey ebmeg̵urangen wey is langun he menge tumutuu he Hudiyu, neisip dan he ebpilì dan te menge zuma zan he ibpezuma zan ki Pablo wey ki Bernabe ziyà te Entiyukya. Ne iyan nepilì dan si Silas wey si Hudas he sevaha he ngazan din si Bersabas. Ne haazà is dezuwa, telehuzen sikandan te menge tumutuu zutun.

Nengeulaula 15:22 Кръстосани препратки

Nengeulaula 1:23

Ne mibpilian dan is dezuwa he maama, si Jose Hustu wey si Matias. (Is sevaha he ngazan kayi te si Jose ne si Bersabas.)

Nengeulaula 11:19

Ne zuen menge tumutuu he nememelag̵uy tenged te menge kebpesipelahi zutun te menge edsarig ki Jesus hein mibunù si Esteban. Ne nemekedsusuwey zan pehendiyà te tanà he Pinisi wey te pulu ziyà te zag̵at he egngezanan te Sipru wey ziyè dan daan te inged he Entiyukya. Ne mibpenudtul zan is Lalag te Megbevayà, iyan, diyè dà te menge Hudiyu.

Nengeulaula 11:20

Ne tigSipru wey tigSirini is duma zutun te nemelag̵uy. Ne hein nekeuma zan diyà te Entiyukya, mibpenudtulan dan daan is menge kenà Hudiyu; ne impesavut dan is keag̵i te Nengazen tew he si Jesus.

Nengeulaula 11:22

Heini is neulaula, nezineg te menge tumutuu he ziyà te Hiruselim ne midsug̵ù dan si Bernabe ziyà te Entiyukya.

Nengeulaula 11:27

Ne zutun he timpu, duen ebpuun diyà te Hiruselim he menge ebpeneuven te Megbevayà he midtupang su edhendiyè dan te inged he Entiyukya.

Nengeulaula 15:23

Ne impeuwit dan kandan is surat he edhenduen te, “Sikami is menge suled niw he epustul wey ebmeg̵urangen te menge tumutuu he menge Hudiyu kayi, ebpengemusta key keniyu te langun he kenà menge Hudiyu he menge suled dey te kedtuu ziyan te inged he Entiyukya wey ziyan te menge prubinsya he Sirya wey Silisya.

Nengeulaula 15:25

Ne tenged kayi, netig̵um key zini ne neuyunan dey he edsug̵uen dey ziyan is ebpekepesavut keniyu. Eduma zan ki Pablo wey ki Bernabe he minahal he suled tew.

Nengeulaula 15:27

Ne heini is edsug̵uen dey, si Hudas wey si Silas, ebpenudtulen dan daan keniyu is seled kayi te surat dey keniyu.

Nengeulaula 15:3

Ne hein migenat dan, midtevangan sikandan te menge tumutuu. Ne ziyè dan mekevayà te prubinsya he Pinisya wey prubinsya he Semarya ne impenudtul zan te menge tumutuu zutun he nemeketuu en is mezakel he kenà menge Hudiyu. Mibpenudtul zan he mid-ewaan en te kenà menge Hudiyu is daan he tuluuwen dan wey zan mekesundan te Megbevayà. Ne hein nezineg haazà te menge tumutuu ziyà, nengelipey zan utew.

Nengeulaula 15:30

Ne zutun, migenat haazà is midsug̵ù ne nekeuma zan diyà te Entiyukya. Ne midtig̵um dan is langun he menge tumutuu ne indata zan haazà is surat.

Nengeulaula 15:32

Ne si Hudas wey si Silas, ebpeneuven sikandan te Megbevayà, ne neug̵et is kebpekidlalag dan te menge tumutuu su midsembag̵an dan su wey meheg̵et is kezesen te kedtuu zan.

Nengeulaula 15:40

Ne si Pablo mulà, mibpilì din si Silas he iyan edumahan din ne migenat dan daan. Ne is menge tumutuu zutun te Entiyukya, impengumew-umew zan te Megbevayà he tevangi zin haazà is dezuwa te hipanew zan.

Nengeulaula 16:19

Ne is menge teg̵iuripen dutun te vahi, hein netuenan dan he naawà is kegketig̵ayun dan pinaag̵i zutun te vahi, ne migewazan dan si Pablo wey si Silas ne miguyud dan pehendiyà te menge punuan te inged he zutun te pelasa.

Nengeulaula 16:25

Ne hein metaneb en is kezukileman, mid-ampù si Pablo wey si Silas wey migkanta zan is edalig te Megbevayà, ne ebpememineg kandan is menge zuma zan he pirisu.

Nengeulaula 16:29

Ne haazà is ebantey, midsug̵ù he uwita is sulù ne migaanggaan medseled ne midluhud is egkerkeren diyà te etuvangan ni Pablo wey ni Silas.

Nengeulaula 17:10

Ne hein mezukilem en, impehipanew si Pablo wey si Silas te menge tumutuu pehendiyà te inged he Biriya. Ne hein nekeuma zan midhendiyè dan te simbahan te menge Hudiyu.

Nengeulaula 17:14

Ne zutun impaawà dutun si Pablo te menge tumutuu pehendiyà te zag̵at, iyan, si Silas wey si Timoteo, intag̵ak din diyà te Biriya.

Nengeulaula 17:4

Ne zutun neketuu is duma he menge Hudiyu ne midsunud ki Pablo wey ki Silas. Mezakel zaan is nemeketuu he menge Gerisyahanen he zaan he edsimba te Megbevayà, wey elin daan nemeketuu is mezakel te menge vai zutun te inged.

Nengeulaula 18:5

Ne hein nekeuma si Silas wey si Timoteo is ebpuun te Mesidunya, wazà duma he vaal ni Pablo, kekenà, iyan dà is kebpesevuta zin te Lalag te Megbevayà su ibpeehè din te menge Hudiyu he tutuu iyan he iyan si Jesus sikan is mibpilì te Megbevayà he ibpahadì.

Nengeulaula 8:14

Ne nezineg te menge epustul ziyà te Hiruselim he neketuu en te Lalag te Megbevayà is menge tigSemarya. Ne tenged dutun midsug̵ù dan diyà si Pedro wey si Juan.

2 Kurintu 1:19

Sikami engki Silas wey si Timoteo, impenudtul zey ziyan te keniyu kes Anak te Megbevayà he iyan si Jesu Kristu. Ne netuenan niw he metinumanen sikandin te lalag din ne kenà egkehimu he kenè din edtumanen is penaad din.

1 Tiselunika 1:1

Sikami si Pablo, si Silas, wey si Timoteo, ebpesuratan dey sikiyu is menge tumutuu he menge tigTiselunika he g̵aked te Amey tew he Megbevayà wey g̵aked te Nengazen tew he si Jesu Kristu. Berakat he ikeg̵ag̵ew kew te Megbevayà ne veg̵ayi kew zin te melinawen he kebpekesavuk.

2 Tiselunika 1:1

Sikami, si Pablo, si Silas, wey si Timoteo, ebpesuratan dey sikiyu is menge tigTiselunika he g̵aked te Amey tew he Megbevayà wey g̵aked te Nengazen tew he si Jesu Kristu.

1 Pedro 5:12

Mid-ug̵upan a ni Silvanu te edsurat kayi. Suled tew sikandin he utew egkeserig̵i. Iyan insurati ku keniyu kayi su wey ku meheg̵et is kedtuu niw. Ibpesavut ku keniyu he impenurù ku en keniyu he tutuu is gag̵ew te Megbevayà keniyu. Ne kenè niw heini lipati.