Nengeulaula 15:21 - Manobo Western Bukidnon

²¹ Umba ibpetuman tew heini su wey kenà meepes kandan is menge Hudiyu su netuenan tew he puun pa te zengan dà, kada Sebadu ebesahan te menge Hudiyu ziyà te menge simbahan dan is insurat he kesug̵uan he imbilinbilin kenitew ni Moises. Ne ibpenurù dan daan heini ziyà te minsan hendei he inged.”

Nengeulaula 15:21 Кръстосани препратки

Lucas 16:29

Ne midtavak si Abraham te, ‘Duen diyà te kandan menge surat he impesurat te Megbevayà ki Moises wey te ebpemeneuven te Megbevayà dengan. Egkehimu he ebpemineg̵en haazà dutun te menge hazi nu.’

Lucas 4:16

Ne zutun midhendiyà si Jesus te Neserit, sikan is inged he zutun en sikandin medekelà. Ne zutun te andew he Sebadu he iyan Andew te Kedhimeley midseled si Jesus te simbahan su iyan betasan din. Ne midhitindeg su ebesahan din is insurat he Lalag te Megbevayà.

Nengeulaula 13:15

Ne zuen mibasa ziyà te insurat he kesug̵uan wey ziyà te menge surat te ebpemeneuven dengan. Ne hein neipus haazà, mibpeinsaan ensi Pablo te menge egalen dutun te simbahan te, “Menge suled, ke zuen niw ibpesavut he ibmelig-en te kedtuu kayi te nengetig̵um he etew, ebpemineg̵en dey.”

Nengeulaula 13:27

Is menge Hudiyu he menge meg̵inged diyà te Hiruselim wey is menge egalen dan, wazè dan mesavut he iyan si Jesus sikan is edlibri kenitew. Ne wazè dan daan mesavut is insurat he tagnà te ebpemeneuven dengan te Megbevayà. Minsan ke egkezineg dan is kebesaha kayi kada Sebadu ziyà te menge simbahan dan, nengetuman dan gihapun kes nengetagnà pinaag̵i te kegkag̵i zan he zait si Jesus he edhimetayan.