Nengeulaula 15:10 - Manobo Western Bukidnon

¹⁰ Ne maan is egezamen niw is pauk te Megbevayà? Maan is ibpetuman niw te menge zuma tew he sumusundan ni Jesus is menge imbilinbilin he kesug̵uan he utew mereg̵en, he sikitew wey is ginikanan tew, wazà daan meketuman.

Nengeulaula 15:10 Кръстосани препратки

Mateo 23:4

Utew mezakel is mereg̵en he tulumanen he ibpetuman dan te menge etew, iyan, wazà minsan hengkey he idtavang dan dutun te menge etew wey meketuman haazà is etew zutun te ibpetuman dan.

Mateo 4:7

Ne midtavak si Jesus te, “Duen daan insurat he Lalag te Megbevayà he edhenduen te, ‘Kenè kew mebaal te paag̵i he igezam niw te g̵ehem te Nengazen he iyan Megbevayè niw.’ ”

Nengeulaula 5:9

Ne migkag̵i en maan si Pedro te, “Maan is mid-uyunan niw he ebpenggezaman niw is Wag̵as he Mulin-ulin? Ebpekeume en maan kes menge maama he midleveng te esawa nu. Ne ed-uwiten ke zan daan su idleveng ka.”

Gelasya 4:9

Iyan, guntaan te nekilala niw en is Megbevayà iring te kegkekilelaa zin keniyu, maan is edlikuan niw is wazà pulus he menge tuluuwen he kenà ebpekelibri keniyu te silut? Maan is egkesuatan niw he meuripen kew en maan kayi?

Gelasya 5:1

Pinaag̵i te kebelukasi kenitew ni Kristu, nelibri kiw en te kedtumana te kesug̵uan. Umba, kinahanglan he edsukul kiw is mibelukasan su wey kenè kiw en maan meuripen.

Hibriyuhanen 3:9

Su migkag̵i is Megbevayà te, “Minsan pa te seled te kepatan he tuig nengeehè dan is menge egkein-inuwan he mibeelan ku, ne migezaman dan pa ke hendei taman is kebpelevaya ku te menge mezaat he ulaula zan.

Hibriyuhanen 9:9

Ne alung heini he ibpesavut kenita he is menge ibpemuhat dutun he menge langgam wey is menge halad, kenà heini ebpekeawà te menge salà te menge etew he ed-azap dutun su nesavut dan he pinaag̵i kayi wazè dan pa himuwa he metazeng.