Nengeulaula 14:8 - Manobo Western Bukidnon

⁸ Ne ziyà te Listera neehè dan is etew he ebpimpinuu he nepiang is menge paa zin. Puun pa te ked-enaka kandin kenè en ebpekehipanew.

Nengeulaula 14:8 Кръстосани препратки

Juan 5:7

Ne midtavak haazà is etew te, “Datù, wazà duma ku he ebpekeagbur kedì keniyan te wahig emun egurig̵awen en ne layun a egkehunai te zuma te kenè e pa ebpekeagbur.”

Nengeulaula 14:21

Ne impesavut ni Pablo wey ni Bernabe is Meupiya he Tudtulanen diyà te menge etew ziyà te Dirbi, ne mezakel zutun is midsundan ki Jesus. Ne zutun mid-ikul zan is imbayè dan ne midlikù dan diyà te inged he Listera, wey ziyà te inged he Ikunya wey Entiyukya he ziyà te prubinsya he Pisidya.

Nengeulaula 14:6

Ne hein netuenan heini eni Pablo, mibpelag̵uy zan pehendiyà te inged he Dirbi wey Listera wey te siringan dutun he menge inged diyà te prubinsya he Likeunya.

Nengeulaula 16:1

Ne midlaus ensi Pablo ziyà te menge inged he Dirbi wey Listera. Ne zuen sumusundan ni Jesus he meg̵inged dutun he egngezanan ki Timoteo. Is iney zin, ne Hudiyu he tumutuu zaan, asal is amey zin ne Gerisyahanen.

Nengeulaula 3:2

Ne zuen lilimusan dutun he puun pa te ked-enaka kandin kenè en ebpekehipanew. Kada andew ed-uwiten sikandin te menge zuma zin ne idsavuk dan diyà te uvey te pultahan te simbahan he egngezanan te Valey te Megbevayà, sikan is pultahan he egngezanan te Mekempet. Iyan idsevuka kandin dutun su wey mekevuyù te limus diyà te menge etew he edseled dutun te simbahan.

Nengeulaula 4:9

emun iyan niw id-insà kenami ke mibmenumenu zey is meupiya he midhimu zey kayi te kenà ebpekehipanew, ne emun iyan niw zaan id-insà ke hengkey he g̵ehem is ingkeulii kandin,

2 Timoteo 3:11

Netuenan nu zaan is menge kemeresayan wey menge keseengan he nengeantus ku. Netuenan nu zaan is langun he neeg̵iyan ku ziyà te menge inged he Entiyukya, wey Ikunya, wey Listera wey is langun he utew merasey he naantus ku. Is Megbevayà, ne midlibri e zin kayi te langun.