Nengeulaula 14:27 - Manobo Western Bukidnon

²⁷ Ne hein nekeuma zan diyà te Entiyukya, midtig̵um dan is menge tumutuu ne midtudtul zan is langun he nehimu te Megbevayà pinaag̵i kandan wey is kedhimuwa zin te paag̵i wey meketuu is menge etew he kenà Hudiyu.

Nengeulaula 14:27 Кръстосани препратки

Juan 9:10

Ne migkag̵i is menge etew te, “Emun iyan ka, nemenumenu is kegkeulii te mata nu?”

Nengeulaula 11:18

Ne hein nezineg te menge tumutuu he Hudiyu haazà is ketezengan ni Pedro, mid-engkezan dan is kedsewaya zan kandin ne midalig dan is Megbevayà su ke sikandan te, “Mibulusan en bes te Megbevayà is menge kenà Hudiyu wey zan daan meiniyug̵i is mezaat he ulaula wey zan mezawat is untung he wazà pidtemanan.”

Nengeulaula 15:12

Ne zutun, wazè en midtavak; ne mibpemineg dan is tudtul ni Bernabe wey si Pablo te langun he egkengein-inuwan he mibeelan te Megbevayà pinaag̵i kandan hein diyè dan te kenà menge Hudiyu.

Ruma 15:18

Asal iyan dà igkepenudtul ku is nehimu ni Kristu pinaag̵i kediey. Su pinaag̵i kedì duen menge etew he kenà menge Hudiyu he edtumanen dan en is menge sug̵ù te Megbevayà. Nehimu heini pinaag̵i te impepenudtul kedì, pinaag̵i te impeulaula kedì,

1 Kurintu 11:18

Nezineg ku he emun edtig̵um kew egkengevahinbahin kew ziyan ne ebpekunkuntedehè kew. Ne malu a kayi ebpeketuu.

1 Kurintu 14:23

Umba, ke nengetig̵um is menge tumutuu wey egemiten te langun dutun is ketau te kegkag̵i te kineg̵iyan he kenè dan egketuenan wey ke penenglitan duen edseled dutun he menge bisita he sikan pa meketuu wey ke kenè be tumutuu ne kunaan dan ke ebuneg̵en kew.

1 Kurintu 15:10

Iyan, utew zekelà is hizu kediey te Megbevayà. Umba nehimu a he epustul su zuen pulus te kegkehizuwi zin kediey. Tenged kayi, dekelà is nehimu ku kenà te nehimu te langun he menge zuma ku he epustul, asal, kenà a iyan is nekehimu kayi, kekenà, nehimu heini is langun pinaag̵i te tavang te Megbevayà.

1 Kurintu 16:9

Su mezakel pa zini is egkesuat he ebpemineg te Lalag te Megbevayà ne zekelà is pulus te ked-ubpè ku kayi, asal, mezakel zaan dini is menge kuntada te Megbevayà.

1 Kurintu 5:4

Kinahanglan he edtig̵um kew ne emun netig̵um kew en ne iring ded te zuma a keniyu su ziyan te keniyu is isip ku ne idsug̵ù ku keniyu he pinaag̵i te keg̵ehem he imbeg̵ey te Nengazen tew he si Jesus

2 Kurintu 2:12

Menge suled, hein midhendiyà a te inged he Truwas te kedsangyew te Meupiya he Tudtulanen, neehè ku he midhimu en te Nengazen is paag̵i wey ku ikepelaus is ebpeveelan din kedì.

Kulusas 4:3

Ne emun ed-ampù kew, iampù key zaan keniyu. Ampù kew he himuwa te Megbevayà is paag̵i wey key mekesangyew te in-eles dengan he lalag din mehitenged ki Kristu. Umba zini a g̵untaan te pirisuwan su insangyew ku heini is lalag.