Nengeulaula 14:23 - Manobo Western Bukidnon

²³ Diyà te kada iglisya, he ke và dà egkeg̵iya, gurupu te menge tumutuu, midtezù ensi Pablo te menge ebmeg̵urangen. Midsalang dan egkaan is ed-ampù; ne is menge sumusundan dutun, insarig ni Pablo wey si Bernabe ziyà te Nengazen he midtuuwan dan.

Nengeulaula 14:23 Кръстосани препратки

Mateo 17:21

Iyan, sikan he kelasi te mezaat he mulin-ulin, igkepaawà pinaag̵i zà te ked-ampù wey pinaag̵i te kedsalang te kegkaan. Wazà duma he paag̵i.”

Marcos 3:14

Ne intezù ni Jesus dutun is sepulù wey zezuwa he medumazuma kandin wey zin ikepehipanew sikandan te kebpesavut te Meupiya he Tudtulanen.

Lucas 2:37

Ne menge keweluwan wey heepat en he tuig is kegkevalu zin. Ne layun sikandin diyà te simbahan su andew wey se mezukilem ne edsimba sikandin te Megbevayà, ne zuen timpu he kenà sikandin egkaan su wey zin utew mepurungi is ked-ampù din diyà te Megbevayà.

Lucas 23:46

Ne zutun ne migkulahì si Jesus is egkag̵i te, “Amà, ibpeg̵ewezan ku en kenikew is gimukud ku.” Ne iyan dà haazà ne naawà is gehinawa zin.

Nengeulaula 1:24

Ne zutun in-ampù sikandan eni Pedro ke sikandan te, “Nengazen, iyan ka nesayud ke hengkey is diyà te g̵ehinawa te minsan hentei. Ne g̵untaan ipeehè nu kenami ke hendei zapit kayi te zezuwa is nepilì nu

Nengeulaula 11:30

Ne mid-ulaula zan heini ne midsug̵ù dan si Bernabe wey si Seulu he iyan ibpahated te selapì diyà te menge ebmeg̵urangen te menge tumutuu ziyà te Hiruselim.

Nengeulaula 14:26

su ed-ulì dan diyà te inged he Entiyukya. Su is Entiyukya, iyan mibpuunan dan he inged hein aney iampù te menge tumutuu he elimahi sikandan te Megbevayà dutun te mibpeveelan din kandan he nepasad dan en.

Nengeulaula 15:23

Ne impeuwit dan kandan is surat he edhenduen te, “Sikami is menge suled niw he epustul wey ebmeg̵urangen te menge tumutuu he menge Hudiyu kayi, ebpengemusta key keniyu te langun he kenà menge Hudiyu he menge suled dey te kedtuu ziyan te inged he Entiyukya wey ziyan te menge prubinsya he Sirya wey Silisya.

Nengeulaula 15:4

Ne hein nekeuma zan diyà te Hiruselim, midtelavuk kandan he nengeg̵alew is langun he tumutuu wey is menge epustul wey menge ebmeg̵urangen, ne impenudtul ni Pablo wey ni Bernabe is langun he nengeveelan te Megbevayà pinaag̵i kandan.

Nengeulaula 15:6

Ne zutun miburunburun is menge epustul wey menge ebmeg̵urangen wey zan memitingi.

Nengeulaula 20:17

Ne mibpesuratan ni Pablo is menge ebmeg̵urangen te menge tumutuu ziyà te inged he Ipisu, ne migkag̵i zin he ebpetelavuk sikandin diyà te Militu.

Nengeulaula 20:32

Ne g̵untaan idsarig ku sikiyu ziyà te Megbevayà he iyan ebpeketavang keniyu. Ebpeketavang daan is impenurù ku keniyu he g̵ag̵ew zin kenitew. Is Megbevayà, iyan ebpekeveg̵ey kenitew te kezesen te kedtuu. Diyà te kandin egkekuwa ta zaan is kenita he vahin te menge tuvad he ibeg̵ey zin diyà te langun he menge tumutuu zin.

2 Kurintu 8:19

Ne kenà duen dà taman su nepilì sikandin te menge gurupu te menge tumutuu zini he iyan eduma kenami zutun te kedhated dey kayi te idtavang diyà te egkengeayuayu. Umba iyan key edhated su wey mevantug is Nengazen ne wey zaan metueni he utew key egkesuat he edtavang.

1 Timoteo 5:1

Kenè nu bensag̵i is meg̵urang, kekenà, sembag̵i nu he iring te amey nu en. Sembag̵i nu zaan is menge menguhed he maama he iring te menge suled nu en.

1 Timoteo 5:22

Kinahanglan he kenè nu zegdeg̵usuwi is kebpilì nu te ed-uwit te menge tumutuu su ke ebpekesalà sikandin iyan ka egkevesulan. Ne kinahanglan he wazà igkevesuli kenikew he iring kayi.

2 Timoteo 1:12

ne tenged kayi egkeantus ku g̵untaan heini is kemeresayan. Ne minsan pa zutun, netuenan ku ke hentei sikandin is midserig̵an ku, ne netuenan ku zaan he taman te andew keuzemà he edsusiyen din is nengeulaula te menusiyà, metau sikandin he ebantey te langun he insarig din kediey.

2 Timoteo 2:2

Nezineg nu is kebpenurua ku te tutuu he tuluuwen diyà te mezakel he menge tumutuu; ne kinahanglan he ipenurù nu zaan heini diyà te menge etew he egkeserig̵an nu su wey mekepenurù dan daan te zuma.

Tito 1:5

Iyan integ̵aka ku kenikew ziyan te Krita is wey nu mehimasad is menge vaal he wazè ta mepasad, ne wey nu zaan mepilì diyà te kada inged is menge ebmeg̵urangen he egkeserig̵an te menge tumutuu. Emun ebpilien nu is menge ebmeg̵urangen, ul-ulaha nu is intelaan ku kenikew.

Santiago 5:14

Ke zuen egkezeruwan, kinahanglan he tewag̵a zin is menge ebmeg̵urangen te menge tumutuu wey zan ikeampù wey meitisi sikandin te lana he ebpengumawen dan is ngazan te Nengazen.

1 Pedro 5:1

Sikiyu is ebmeg̵urangen te menge tumutuu, duen idhangyù ku keniyu su ebmeg̵urangen a zaan. Nekevantey a te kedresaya zengan ki Kristu ne iring keniyu, ebpekeseled a zaan te vulawan he ed-ulian he ibpeg̵awag̵awa keuzemà.

1 Pedro 5:10

Mevavè dà is ked-antus niw ne edheg̵eten te Megbevayà is kedsarig niw kandin. Ebig̵eran kew zin, edlig-enan kew zin wey ebeg̵ayan kew zin te zesen. Iyan sikandin puunà te minsan hengkey he tavang kenitew. Midhimu kiw zin he tumutuu su wey pinaag̵i te kebpekidsevaha tew ki Kristu mekeambit kiw te wazà pidtemanan he utew kegkelavew zin.

2 Juan 1:1

Siak is meg̵urang, ebpesuratan ku sikew is bahi he pinilì te Megbevayà wey is menge anak nu. Utew kew mahal zini te g̵ehinawa ku ne kenà dini zà te kedì he g̵ehinawa, kekenà, mahal kew zaan diyà te langun he neketuu te tutuu he tuluuwen.

3 Juan 1:1

Siak is meg̵urang, ebpesuratan ku sikew, Gayu, is emig̵u ku he utew ku minahal.