Nengeulaula 14:21 - Manobo Western Bukidnon

²¹ Ne impesavut ni Pablo wey ni Bernabe is Meupiya he Tudtulanen diyà te menge etew ziyà te Dirbi, ne mezakel zutun is midsundan ki Jesus. Ne zutun mid-ikul zan is imbayè dan ne midlikù dan diyà te inged he Listera, wey ziyà te inged he Ikunya wey Entiyukya he ziyà te prubinsya he Pisidya.

Nengeulaula 14:21 Кръстосани препратки

Mateo 28:19

Umba, penhipanew kew en diyà te minsan hendei wey niw metukid te ebpesavut is langun he menge etew ziyà te langun he menge inged. Ne penurua niw he medsundan dan kedì. Pemewtismuwi niw sikandan wey metueni he nekidsevaha zan te Amey tew he Megbevayà, wey siak is Anak din, wey is Wag̵as he Mulin-ulin.

Nengeulaula 13:14

Ne mid-awè dan diyà te Pirga ne midlaus dan diyà te inged he Entiyukya, sikan is Entiyukya he ziyà te prubinsya he Pisidya. Ne te andew he Sebadu midseled dan diyà te simbahan te menge Hudiyu ne mibpinuu zan dutun.

Nengeulaula 13:51

Ne zutun te ked-awà ni Pablo wey si Bernabe, in-awè dan is tanà diyà te parapara zan wey metueni te menge etew he kuntada sikandan te Megbevayà. Ne midlaus dan diyà te inged he Ikunya.

Nengeulaula 14:1

Ne haazà is neulaula ziyà te Entiyukya, ne iring din ded daan is neulaula ziyà te Ikunya su midseled si Pablo wey si Bernabe diyà te simbahan te menge Hudiyu ne utew mezesen is kebpesevuta zan te Lalag te Megbevayà. Ne tenged dutun mezakel is menge Hudiyu wey kenà menge Hudiyu he neketuu ki Jesus.

Nengeulaula 14:15

“Maan is ed-ezapen key keniyu, menge suled? Menge etew key zà daan; menusiyè key zaan iring keniyu! Midhendini key te inged niw wey zey ikepesavut keniyu is Meupiya he Tudtulanen wey niw meengkezi heini is menge ulaula niw he wazè din pulus ne wey niw zaan tuuwi is Megbevayà he wazè din kemetayen. Iyan sikandin nenlimbag te langit wey tanà wey zag̵at wey is minsan hengkey he tag̵ù kayi.

Nengeulaula 14:19

Ne nekeuma is menge Hudiyu he tig-Entiyukya ziyà te prubinsya he Pisidya wey elin dutun is menge Hudiyu he tig-Ikunya. Midhimu zan he mengepauk engki Pablo haazà is menge etew. Midtuleng dan si Pablo te vatu ne miguyud dan in-awà dutun te inged su kunaan dan ke minatey en.

Nengeulaula 14:26

su ed-ulì dan diyà te inged he Entiyukya. Su is Entiyukya, iyan mibpuunan dan he inged hein aney iampù te menge tumutuu he elimahi sikandan te Megbevayà dutun te mibpeveelan din kandan he nepasad dan en.

Nengeulaula 14:6

Ne hein netuenan heini eni Pablo, mibpelag̵uy zan pehendiyà te inged he Dirbi wey Listera wey te siringan dutun he menge inged diyà te prubinsya he Likeunya.

Nengeulaula 14:7

Ne impesavut dan te menge etew zutun is Meupiya he Tudtulanen.

Nengeulaula 14:8

Ne ziyà te Listera neehè dan is etew he ebpimpinuu he nepiang is menge paa zin. Puun pa te ked-enaka kandin kenè en ebpekehipanew.

Nengeulaula 15:36

Ne hein neug̵et en dutun, migkeg̵iyan ni Pablo si Bernabe te, “Edlikuan ta nasì te edlauy is menge tumutuu ziyà te menge inged he mibpesevutan ta te Lalag te Nengazen.”

Nengeulaula 16:2

Sumalà is lalag te menge tumutuu ziyà te Listera wey Ikunya, utew meupiya is ulaula ni Timoteo.

Nengeulaula 2:47

Ne nekezalig dan te Megbevayà ne egkengetahud sikandan te minsan hentei. Ne te kada andew zutun duen menge etew he ebpeketuu. Ne is langun dutun, edlibriyen te Megbevayà wey kenè din en sikandan mesiluti ne haazà nemekeuman te menge tumutuu.

2 Timoteo 3:11

Netuenan nu zaan is menge kemeresayan wey menge keseengan he nengeantus ku. Netuenan nu zaan is langun he neeg̵iyan ku ziyà te menge inged he Entiyukya, wey Ikunya, wey Listera wey is langun he utew merasey he naantus ku. Is Megbevayà, ne midlibri e zin kayi te langun.