Nengeulaula 14:15 - Manobo Western Bukidnon

¹⁵ “Maan is ed-ezapen key keniyu, menge suled? Menge etew key zà daan; menusiyè key zaan iring keniyu! Midhendini key te inged niw wey zey ikepesavut keniyu is Meupiya he Tudtulanen wey niw meengkezi heini is menge ulaula niw he wazè din pulus ne wey niw zaan tuuwi is Megbevayà he wazè din kemetayen. Iyan sikandin nenlimbag te langit wey tanà wey zag̵at wey is minsan hengkey he tag̵ù kayi.

Nengeulaula 14:15 Кръстосани препратки

Mateo 16:16

Ne zutun midtavak si Simon Pedro te, “Iyan ka sikan is mibpilì te Megbevayà he ibpahadì din te menusiyà; iyan ka sikan is Anak te wazè din kemetayen he Megbevayà.”

Juan 5:26

Mekeg̵eg̵ehem is Amey ku ne ebpekeveg̵ey te untung, ne siak daan is anak din, tenged te mibeg̵ayan e zin te g̵ehem, ebpekeveg̵ey ad daan te untung he wazà pidtemanan.

Juan 7:18

Su ke zuen etew he ibpenurù din is kandin dà he isip, ebpevantug dà te menge etew, iyan, is etew he ibpenurù din is kegkevantug te midsug̵ù kandin, egkeserig̵an is lalag din su kenà tarù is ibpenurù din.

Nengeulaula 10:26

Iyan, impehitindeg sikandin ni Pedro he egkag̵i te, “Hitindeg ka su etew e zà daan iring kenikew.”

Nengeulaula 13:32

Ne sikami zaan,” ke si Pablo, “dini key g̵untaan su ibpesavut dey keniyu is Meupiya he Tudtulanen. Duen ed-ul-ulahan te Megbevayà he impenaad din dengan te menge kepuun tew.

Nengeulaula 14:21

Ne impesavut ni Pablo wey ni Bernabe is Meupiya he Tudtulanen diyà te menge etew ziyà te Dirbi, ne mezakel zutun is midsundan ki Jesus. Ne zutun mid-ikul zan is imbayè dan ne midlikù dan diyà te inged he Listera, wey ziyà te inged he Ikunya wey Entiyukya he ziyà te prubinsya he Pisidya.

Nengeulaula 14:7

Ne impesavut dan te menge etew zutun is Meupiya he Tudtulanen.

Nengeulaula 16:30

Ne miduma zin sikandan diyà te g̵awas ne ke sikandin te, “Hengkey is ed-ul-ulahan ku wey a melibri te silut te Megbevayà?”

Nengeulaula 27:10

“Henduen be te zuen egkehitavù kenitew ke edlaus kiw. Egkezeetan heini is barku wey is karga ne zuen daan ebpatey kenitew.”

Nengeulaula 27:21

Ne zutun, neug̵et he wazè dey nekaan ne midhitindeg si Pablo ne migkag̵i te, “Menge zuma ku, angin ke mibpemineg kew te sambag ku he kenè kiw ed-awà diyà te pulu he Krita, su kenè tew g̵eina egkeseg̵azan heini is hitavù kenitew.

Nengeulaula 27:25

Umba,” ke si Pablo, “kenè kiw egkehandek, su ebpekesarig a te Megbevayà he sumalà is impesavut din kediey, iyan egkehitavù kenitew.

Nengeulaula 4:24

Ne is menge tumutuu, hein nezineg dan haazà, ne mid-amur-amur zan te ked-ampù. Ne iyan heini ked-ampù dan, ke sikandan te, “Megbevayà he Nengazen te langun, nenlimbag ka te langit wey tanà wey zag̵at wey is langun he tag̵ù kayi.

Nengeulaula 7:26

Ne hein nepawà dutun, midlikù med-uman si Moises. Ne zuen neehè din he zezuwa he menge Hudiyu he ebpetebekà. Ne ebpelangen din pezem haazà is dezuwa su ke sikandin te, ‘He menge suled, kenè kew medtebek su teltelesuled kew.’

1 Kurintu 8:4

Ne mehitenged te kegkaan te usa he impemuhat duen te menge tarù he ed-ezapen, netuenan tew he kenè man Megbevayà is iring dutun su sebsevaha zà is tutuu he Megbevayà.

Ipisu 4:17

Tenged te sug̵ù a te Nengazen, ebpeketelteleenan ku sikiyu he engkezi niw en is menge mezaat he ulaula he iyan ed-ul-ulahan te menge etew he kenà edtuu te Nengazen wey wazà pulus te ed-isipen dan.

1 Tiselunika 1:9

Nezineg dan en ne iyan sikandan ebpenudtul mehitenged te kegelg̵elawa niw kenami. Ebpenudtul zan he mid-engkezan niw kes ked-azap te menge kenà tutuu he ed-ezapen. Mid-engkezan niw kun wey kew mekeazap te tutuu he Megbevayà he wazè din kemetayen.

1 Timoteo 3:15

Umba ebpesuratan ku sikew su kela ke mesanggen a. Ne emun egkesanggen a egketuenan nu g̵ihapun ke hengkey is hustu he ed-ul-ulahan he zait tew te menge anak te Megbevayà. Iyan kiw iglisya, he ke và dà egkeg̵iya, menge tumutuu te wazè din kemetayen he Megbevayà. Iyan kiw kes menge tukud wey vangel he zutun mekesavuk is tutuu he tuluuwen.

Hibriyuhanen 3:12

Umba, menge suled, susiya niw is gehinawa niw. Kinahanglan he wazà minsan sevaha keniyu he mezaat is ed-isipen din nè wazè din kedtuu, su pinaag̵i kayi egkeengkezan din is wazè din kemetayen he Megbevayà.

Santiago 5:17

Si Elias dengan, etew zà sikandin he iring kenitew. Ne minsan pa zutun mezesen is ked-ampù din he kenà med-uzan ne wazà iyan mekeuzan taman te tetelu he tuig wey tengà.

Impezayag 14:7

Ne mibpekezag̵ing is egkag̵i te, “Tehuza niw is Megbevayà wey ventug̵a sikandin su neuma en is timpu te kedsusi zin te menge ulaula te tivuuk he menusiyà! Ezapa niw is Megbevayà he iyan nenlimbag te langit wey tanà wey zag̵at wey menge puunà te wahig!”

Impezayag 19:10

Ne zutun midlangkeb a ziyà te etuvangan din su ed-ezapen ku pezem, iyan, mibensag̵an e zin te, “Kenà a kenikew ezapa su siak wey sikew wey is langun he menge zuma nu he edtuu te tuluuwen he impenurù ni Jesus, neked-iiring kiw zà he menge sulug̵uen te Megbevayà. Iyan nu zà ezapa is Megbevayà!” Umba migkag̵i zin haazà su sikan is ibpekag̵i te Megbevayà dutun te menge ebpeneuven te Megbevayà, ne iyan sikan is tuluuwen he impenurù ni Jesus.

Impezayag 19:19

Ne zutun neehè ku sikan is mekehandekhandek he langgam wey is menge hadì dini te lumpad he edumahan te langun he medmezakel he menge sundaru zan. Mid-amur-amur zan su edtebeken dan haazà is ed-untud te meputì he kudà wey is menge sundaru zin he ebpuun te langit.

Impezayag 22:9

Iyan, mibensag̵an e zin, ke sikandin te, “Kenà a kenikew ezapa su siak wey sikew, wey is menge zuma nu he ebpeneuven te Megbevayà wey is langun he edtuman te menge lalag kayi te libru, neked-iiring kiw zà he menge sulug̵uen te Megbevayà. Iyan nu zà ezapa is Megbevayà,” ke sikandin.

Impezayag 4:11

“He Nengazen dey he Megbevayà, dait ka he edelig̵en, dait ka he edtehuzen. Mekeg̵eg̵ehem ka su nenlimbag ka te minsan hengkey. Nesuat ka he edlimbag ne pinaag̵i kayi nehimu is langun.”