Nengeulaula 14:1 - Manobo Western Bukidnon

¹ Ne haazà is neulaula ziyà te Entiyukya, ne iring din ded daan is neulaula ziyà te Ikunya su midseled si Pablo wey si Bernabe diyà te simbahan te menge Hudiyu ne utew mezesen is kebpesevuta zan te Lalag te Megbevayà. Ne tenged dutun mezakel is menge Hudiyu wey kenà menge Hudiyu he neketuu ki Jesus.

Nengeulaula 14:1 Кръстосани препратки

Marcos 7:26

Ne midhangyù he vewii ni Jesus is anak din he edlelungen te mezaat he mulin-ulin. Ne haazà is bahi, ne kenà Hudiyu su tigPinisya ziyà te prubinsya he Sirya. Is kineg̵iyan din ne Gerisyahanen.

Juan 12:20

Ne zuen menge Gerisyahanen he nemenelavuk daan dutun te pista su edsimba zan te Megbevayà diyà te Hiruselim.

Juan 7:35

Ne zutun mibpein-inseey is menge Hudiyu, ke sikandan te, “Hendei vuwa ebpevayà sikandin he kenè tew egketuredu? Kela ke edhendiyà te menge inged te kenà menge Hudiyu he mid-ulian te menge zuma tew he Hudiyu, su ebpenurù sikandin te menge etew he kenà menge Hudiyu!

Nengeulaula 11:21

Ne midtevangan te Megbevayà sikandan is mibpenudtul su utew mezakel he etew is neketuu te Nengazen tew he si Jesus ne midtuman dan is menge sug̵ù din.

Nengeulaula 13:43

Ne zutun te ked-awè dan puun te simbahan, mezakel is menge etew he nemenduma ki Pablo wey ki Bernabe. Elin dutun is menge Hudiyu wey kenà menge Hudiyu he edsimba zuma te menge Hudiyu. Mibpekibitiyara kandan ensi Pablo. Ne midsembag̵an dan sikandan he kenè dan engkezi is kedsarig dan te g̵ag̵ew te Megbevayà.

Nengeulaula 13:46

Ne minsan pa zutun wazà mahandek si Pablo wey si Bernabe su ke sikandan dutun te menge Hudiyu te, “Kinahanglan he edhunaan dey sikiyu is menge Hudiyu edtudtuli te ibpesavut te Megbevayà, iyan, geina te kenè niw edewaten, ibpeehè niw he kenè kew zait he ebeg̵ayan te untung he wazà pidtemanan. Ne tenged dutun kenè dey en maan ibpesavut is Meupiya he Tudtulanen diyan te keniyu, kekenà, edhendiyè key te kenà menge Hudiyu.

Nengeulaula 13:5

Ne hein nekezunggù dan diyà te inged he Selemina, impesavut dan dutun is Lalag te Megbevayà diyà te menge simbahan te menge Hudiyu. Iyan duma zan he edtavang kandan si Juan, kes ed-umawen ki Marcos.

Nengeulaula 13:51

Ne zutun te ked-awà ni Pablo wey si Bernabe, in-awè dan is tanà diyà te parapara zan wey metueni te menge etew he kuntada sikandan te Megbevayà. Ne midlaus dan diyà te inged he Ikunya.

Nengeulaula 14:19

Ne nekeuma is menge Hudiyu he tig-Entiyukya ziyà te prubinsya he Pisidya wey elin dutun is menge Hudiyu he tig-Ikunya. Midhimu zan he mengepauk engki Pablo haazà is menge etew. Midtuleng dan si Pablo te vatu ne miguyud dan in-awà dutun te inged su kunaan dan ke minatey en.

Nengeulaula 14:2

Ne sikan is menge Hudiyu he wazà medtuu, midhimu zan he mengepauk te menge tumutuu is kenà menge Hudiyu.

Nengeulaula 14:21

Ne impesavut ni Pablo wey ni Bernabe is Meupiya he Tudtulanen diyà te menge etew ziyà te Dirbi, ne mezakel zutun is midsundan ki Jesus. Ne zutun mid-ikul zan is imbayè dan ne midlikù dan diyà te inged he Listera, wey ziyà te inged he Ikunya wey Entiyukya he ziyà te prubinsya he Pisidya.

Nengeulaula 16:1

Ne midlaus ensi Pablo ziyà te menge inged he Dirbi wey Listera. Ne zuen sumusundan ni Jesus he meg̵inged dutun he egngezanan ki Timoteo. Is iney zin, ne Hudiyu he tumutuu zaan, asal is amey zin ne Gerisyahanen.

Nengeulaula 16:2

Sumalà is lalag te menge tumutuu ziyà te Listera wey Ikunya, utew meupiya is ulaula ni Timoteo.

Nengeulaula 17:12

Mezakel zan is nemeketuu ki Jesus. Ne is mezakel zutun, ne menge telehuzen he vahi he menge Gerisyahanen wey elin daan nemeketuu is menge Gerisyahanen he maama.

Nengeulaula 17:17

Ne tenged dutun, midseled sikandin diyà te simbahan te menge Hudiyu, ne mibpekidibati sikandin te menge Hudiyu wey te kenà menge Hudiyu he edsimba zaan te Megbevayà. Ne minsan daan diyà te mirkadu ebpekidibati sikandin te minsan hentei he zutun.

Nengeulaula 17:4

Ne zutun neketuu is duma he menge Hudiyu ne midsunud ki Pablo wey ki Silas. Mezakel zaan is nemeketuu he menge Gerisyahanen he zaan he edsimba te Megbevayà, wey elin daan nemeketuu is mezakel te menge vai zutun te inged.

Nengeulaula 18:4

Ne kada Sebadu edhendiyà si Pablo te menge simbahan te menge Hudiyu is ebpekidlewanà su wey mesavut te menge Hudiyu wey menge Gerisyahanen he tutuu is ibpenurù din.

Nengeulaula 18:8

Ne si Crispo, is egalen dutun te simbahan, neketuu te Nengazen ne neketuu zaan is pemilya zin. Ne zutun mezakel is menge tigKurintu, hein nezineg dan is Lalag te Megbevayà, neketuu zan ne mibpemebewtismu sikandan.

Nengeulaula 19:10

Ne seled te zezuwa he tuig iyan haazà mid-ulaula zan, ne insangyew is Lalag te Nengazen diyà te langun he menge Hudiyu wey se kenà Hudiyu he menge meg̵inged dutun te prubinsya he Asya.

Nengeulaula 19:17

Ne is langun he menge etew he tig-Ipisu, menge Hudiyu wey se kenà Hudiyu, nezineg dan haazà is tudtul mehitenged dutun ne nengehandek dan ne mid-iseg is kedtahud dan te ngazan te Nengazen tew he si Jesus.

Nengeulaula 19:8

Ne kada Sebadu taman te tetelu he vulan mibpekiduma si Pablo te menge Hudiyu zutun te kedsimba zan, ne wazè din ikelenew is kebpenurù din kandan. Mezakel is menge ketezengan he imbeg̵ey zin kandan wey zan meketuu te penurù din mehitenged te kedhadì te Megbevayà.

Nengeulaula 2:47

Ne nekezalig dan te Megbevayà ne egkengetahud sikandan te minsan hentei. Ne te kada andew zutun duen menge etew he ebpeketuu. Ne is langun dutun, edlibriyen te Megbevayà wey kenè din en sikandan mesiluti ne haazà nemekeuman te menge tumutuu.

Nengeulaula 20:21

Hudiyu se kenà Hudiyu, ne wazè ku impelavi su pudu ku midweliyi he kinahanglan he edtumanen dan is ebpeveelan kandan te Megbevayà he iniyug̵i zan is menge mezaat he ulaula zan ne medtuu zan te Nengazen tew he si Jesus.

Nengeulaula 21:28

Ne mibpememensag dan is egkag̵i te, “Sikiyu is menge zuma zey he Isreyilihanen, tevangi key! Iyan heini sikan is etew he in-eneb din is penurù din te minsan hendei he inged. Ne supak is impenurù din te tivuuk he kehudiyuwan wey supak daan te kesug̵uan tew wey kayi te simbahan tew. Ne g̵untaan impeseled din en kayi te simbahan tew is kenà menge Hudiyu ne neremerikan heini is simbahan he ebulusan te Megbevayà.”

Nengeulaula 9:20

Ne zutun midseled te simbahan te menge Hudiyu ne impenurù din is keag̵i ni Jesus. Ne ke sikandin te, “Si Jesus, Anak te Megbevayà.”

Ruma 1:16

Utew zekelà is kedsarig ku te Meupiya he Tudtulanen su emun edtuuwan heini te minsan hentei, puun te menge Hudiyu pehendiyà te kenà menge Hudiyu, edlibriyen sikandin te silut pinaag̵i te zekelà he g̵ehem te Megbevayà.

Ruma 10:12

Su is Nengazen, wazè din ibpelavi te minsan hentei he etew, minsan ke Hudiyu wey ke kenà be Hudiyu, ne umba wazè din ibpelavi kayi su Nengazen sikandin te minsan hentei ne edtevangan din is minsan hentei he etew he ebpetavang kandin.

Gelasya 2:3

Iyan, nesuatan dan ded is baal ku su si Tito, is duma ku, minsan te kenà sikandin Hudiyu, wazè dan iteg̵el is kedsirkunsidar kandin sumalà is insug̵ù ni Moises.

Gelasya 3:28

Ne tenged dutun kinahanglan he kenè niw isipa he ibpelavi te Megbevayà is menge Hudiyu, ne emun kenà, ne iyan is kenà menge Hudiyu, su ziyà te kandin neked-iiring is langun he menge etew, uripen se kenà uripen, maama se vahi, ne sikiyu zaan, neked-iiring kew ziyà te Megbevayà su neked-iiring kew he edtuu ki Jesu Kristu.

Kulusas 3:11

Ne tenged kayi, sikita is midhimu zin he veg̵u he etew, wazè ta zapit ibpelavi te etew he Hudiyu wey te etew he kenà Hudiyu su neked-iiring diyà te Megbevayà is nesirkunsidar wey is wazà mesirkunsidar; neked-iiring daan diyà te kandin is neketunghà wey is wazà meketunghà, is sulug̵uen wey is egalen. Dini te kenitew te menge veg̵u he etew, iyan dà lavew si Kristu ne midlumunan ni Kristu is kada sevaha kenitew.

2 Timoteo 3:11

Netuenan nu zaan is menge kemeresayan wey menge keseengan he nengeantus ku. Netuenan nu zaan is langun he neeg̵iyan ku ziyà te menge inged he Entiyukya, wey Ikunya, wey Listera wey is langun he utew merasey he naantus ku. Is Megbevayà, ne midlibri e zin kayi te langun.