Nengeulaula 13:8 - Manobo Western Bukidnon

⁸ Ne haazà is selemengkiru, ne egngezanan daan ki Ilimas, ne egkuntedahan din ensi Seulu ne midhimu zin is taman te egkehimu zin wey kenà meketuu ki Jesus haazà is gubirnedur.

Nengeulaula 13:8 Кръстосани препратки

Juan 1:41

Ne si Andres, segugunè din mibpen-ahà is suled din he si Simon. “Neehè dey sikan is Misiyas,” ke sikandin. (Ne iyan kehulug̵an kayi te ngazan he Misiyas is Kristu, he ke và dà egkeg̵iya, mibpilì te Megbevayà he ibpahadì.)

Nengeulaula 13:12

Ne zutun neketuu haazà is gubirnedur geina te neehè din haazà is neulaula, su utew sikandin neinuinu te impesavut kandin he keag̵i te Nengazen.

Nengeulaula 18:12

Ne hein iyan midhimu si Galyu he gubirnedur te prubinsya he Gerisya, midtig̵um is menge Hudiyu ne midakep dan si Pablo ne impeetuvang dan ki Galyu.

Nengeulaula 19:38

Ne emun duen idsumbung eni Dimitriyu, duen andew he netail para te kebpenhusey, ne zuen daan menge etew he netail he menhuhukum. Kinahanglan he zutun dan isumbung.

Nengeulaula 6:7

Ne impeiseg dan is kedweliya zan te Lalag te Megbevayà diyà te mezakel he menge etew. Ne utew mahabet is menge tigHiruselim he nemeketuu ki Jesus. Ne mezakel zaan is menge memumuhat he nemeketuu.

Nengeulaula 8:9

Ne zuen etew he tigSemarya he selemengkiru he egngezanan ki Simon. Nepipira en he tuig ne kemulu zà duen igkengeinuinu te menge etew is menge vaal zin. Impetuu zin is menge tigSemarya he kenà sikandin etew zà duen.

Nengeulaula 9:36

Ne ziyà te inged he Hupi, duen sumusundan he vahi he egngezanan ki Tebita, ne emun kineg̵iyan he Gerisyahanen, iyan ngazan din si Durkas, he ke và dà egkeg̵iya, Kuleping. Ne heini is bahi, mezakel is menge meupiya he vaal zin; layun edtavang te egkengeayuayu.

2 Timoteo 3:8

Haazà is menge maama zaan, edsumpalit dan te tutuu he tuluuwen. Netazin en utew is isip dan ne uvag dà is kedtuu zan te Nengazen. Iring sikandan ki Hanis wey ki Hembiris he midsumpalit dengan ki Moises.