Nengeulaula 13:48 - Manobo Western Bukidnon

⁴⁸ Ne hein nezineg haazà te menge etew zutun he kenà menge Hudiyu, nengelipey zan utew ne mibpeselematan dan is impesavut kandan te Nengazen. Ne is langun he menge etew he imbanglis kandan te Megbevayà is untung he wazà pidtemanan, nemeketuu.

Nengeulaula 13:48 Кръстосани препратки

Mateo 25:46

Ne heini he menge etew,” ke si Jesus, “id-awà kayi su edsilutan sikandan te silut he wazè din pidtemanan; iyan, is menge metazeng mulà, ebeg̵ayan sikandan te untung he wazè din pidtemanan.”

Mateo 28:16

Ne haazà is sepulù wey sevaha he menge sumusundan ni Jesus, midhendiyè dan te Geliliya, duen te vuvungan he migkag̵i kandan ni Jesus.

Lucas 7:8

Netuenan ku heini su iring te zuen ebayàbayà kedì ne zuen daan menge sundaru he ebeyveyaan ku. Ne edsug̵uen ku is sevaha he medhipanew ne edhipanew en. Ne edtewag̵en ku is sevaha pa he medhendini ne edhendini en. Ne edsug̵uen ku zaan is sulug̵uen ku ke zuen ebpeveelan ku ne ebeelan din. Ne iring din ded daan diyan te kenikew su is egkeg̵iyen nu ne egkehimu en.”

Juan 10:16

Ne zuen pa menge kerehidu ku, he ke và dà egkeg̵iya, menge g̵aked ku he etew, he kenà kayi te seled te ginhedian te menge Hudiyu. Ed-uwiten ku zaan sikandan ne ebpemineg dan kedì. Ne zutun sebsevaha zà is tudil ne sebsevaha zà daan is ed-elima kandan su iyan e zà.

Juan 11:52

Ne kenà tenged te menge Hudiyu zà su netagnè din daan he pinaag̵i te kebpatey ni Jesus egkesevaha is langun he menge etew he egkehimu he menge anak te Megbevayà minsan hendei he inged.

Nengeulaula 13:12

Ne zutun neketuu haazà is gubirnedur geina te neehè din haazà is neulaula, su utew sikandin neinuinu te impesavut kandin he keag̵i te Nengazen.

Nengeulaula 13:42

Ne hein miguwà si Pablo wey si Bernabe zutun te simbahan, migkeg̵iyan sikandan te menge etew he medlikù dan te ed-ilis he Sebadu wey zan iuman ipesavut haazà is midseysey ni Pablo.

Nengeulaula 15:2

Ne si Pablo wey si Bernabe, wazè dan dewata haazà is impenurù dutun te menge etew, ne utew mezesen is kebpekidlewanè dan, umba, is menge tumutuu zutun, midsug̵ù dan si Pablo, si Bernabe, wey is duma pa kandan he medhendiyè dan te Hiruselim wey zan ikeinsà haazà diyà te menge epustul wey menge ebmeg̵urangen te menge tumutuu ziyà.

Nengeulaula 15:31

Ne is menge tumutuu, hein nevasa zan, utew zan nengelipey zutun te sambag kandan.

Nengeulaula 2:41

Ne zutun, mezakel is nemeketuu te impesavut kandan ni Pedro ne mibpebewtismu sikandan. Ne zutun he andew neumanan kes menge tumutuu te tetelu he libu.

Nengeulaula 2:47

Ne nekezalig dan te Megbevayà ne egkengetahud sikandan te minsan hentei. Ne te kada andew zutun duen menge etew he ebpeketuu. Ne is langun dutun, edlibriyen te Megbevayà wey kenè din en sikandan mesiluti ne haazà nemekeuman te menge tumutuu.

Nengeulaula 20:13

Ne nekeuntud key te barku ne midhendiyè key te inged he Asun. Intelaan kenami ni Pablo he ebpetuluy sikandin dutun te inged he Asun su ebpemeyvey mulà sikandin.

Nengeulaula 22:10

Ne nekeinsà a te, ‘Nengazen, hengkey is ebpeveelan nu kediey?’ Ne migkag̵i kedì is Nengazen te, ‘Enew ka ne laus ke en diyà te Demasku ne zutun ibpesavut kenikew is langun he intuvad en kenikew te Megbevayà he ebpeveelan kenikew.’

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

Nengeulaula 8:8

Ne utew nengelipey is menge etew zutun he inged.

Ruma 11:7

Ne g̵eina te iyan haazà, egkesavut ta he is menge kevuwazan ni Israyil, ebpurungan dan pezem ebpenahaa is kegkehimu kandan he metazeng, iyan, wazà mebpulus heini ziyà te kandan. Ne minsan pa zutun, duen kenà utew mezakel he menge zuma zan he nepilì te Megbevayà ne heini mulà, midhimu en sikandan he metazeng. Ne is kezekelan, migkubalan is gehinawa zan, ne kenà ed-utengan te Lalag te Megbevayà.

Ruma 13:1

Ne kinahanglan he edtuman kiw te velaud te gubirnu is minsan hentei kenitew. Su wazà ebpemunuan te inged he wazà itug̵ut te Megbevayà he mekepemunuan wey wazà gubirnu he wazà tukuza te Megbevayà.

Ruma 8:28

Sikitew is langun he mahal is Megbevayà diyà te g̵ehinawa zin, sikitew is midhimu zin he meketuu sumalà is tuyù diyà te isip din, netuenan tew he pinaag̵i te minsan hengkey he egkehitavù kenitew, edtuvazan kiw zin gihapun te meupiya.

1 Kurintu 16:15

Netuenan niw, menge suled, he iyan nehuna he nemeketuu ziyan te prubinsya he Gerisya ensi Istipenas. Ne wazè dan meduwazuwa te kedtevangi zan te menge zuma zan he tumutuu.

Ipisu 1:11

Is langun he ed-ul-ulahan te Megbevayà, ne iyan kedtumana te tuyù din wey egkesuatan din. Ne tenged te iyan tuyù din, mibpilì key zin is menge tumutuu he Hudiyu wey key mehimu he menge sakup din he ebpekidsevaha ki Kristu. Iyan heini tuyù din he zaan he mid-isip din. Ne sikami is menge Hudiyu he nengehuna he nemeketuu ki Kristu, umba mibpilì key zin su iyan egkesuatan din he pinaag̵i kenami edelig̵en sikandin he utew mekeg̵eg̵ehem.

Ipisu 1:19

Ne id-ampù ku zaan he ipesavut din keniyu ke hengkey is kenà egkesukud he utew lavew he zekelà he g̵ehem te Megbevayà he zini edterebahu te kenitew te menge tumutuu kandin. Ne iyan heini sikan is utew zekelà he g̵ehem

Ipisu 1:4

Dengan te wazè pa limbag̵a is kelibutan, mibpilì kiw en te Megbevayà. Iyan impilia zin kenitew su wey kiw mehimu he menge sakup din he wazà igkesewayi zuen.

Ipisu 1:5

Ne tenged te utew zekelà is gag̵ew zin kenitew, dengan te wazè pa is kelibutan, mid-isip din he pinaag̵i ki Jesu Kristu edhimuwen kiw zin he menge anak din su iyan egkesuatan din wey tuyù din.

2 Tiselunika 3:1

Ne g̵untaan, menge suled, iampù key keniyu wey meg̵aan mekeeneb ne mezawat diyà te minsan hendei is kebpesevuta zey te Lalag te Nengazen iring te kegkezewata niw kayi ziyan te keniyu.